ريم: رجعنا انا وعزيز وساره من الجامعه ونام عزيز وساره راحت تنام ورحت سلمت على جدي قال اهلاً اهلاً وابتسمت قلت جدو تصدق اشتقت لك وضميته وضحك وقعد يمسح على شعري قال وين عزيزوه وسويره قلت راحو ينامون (كان اغلب كلامهم انجليزي لأنهم ببلد اجنبي) قال زين روحي نامي انتي قلت جدو ابوي ماقالك متى بيجي قال دق علي يقول للحين ماخلص دوامه قلت اا طيب وبست يده وقمت ورحت لغرفتي وحرفياً مايمر يومي إلا ولازم ابكي فيه شي بداخلي عجزت اطلعه وتروشت بعد الصياح وبدلت وانسدحت وقعدت افكر مافيه شي معين افكر فيه افكر في ابوي واخواني وفي اهل ابوي وفي وضعنا يعني هل بنعيش طول عمرنا هنا ما اقدر اقول لجدي ابي اعيش عند ابوي بعد كل هالسنين الي اهتم فيني وفي عزيّز وساره اجي واقول له ابي اعيش عند ابوي ماقدر ودق جوالي وكان خلودي يتصل مكالمة فيديو وابتسمت وقمت جلست ورديت وقعدنا نسولف وكان سلطان معه قال ريموه قلت هلا قال لاتسوين فيها تكلمي عربي وضحكت قلت متكسره شوي بالعربي قال والله اشتقنا لك وابتسمت وانا ماسكه دموعي قلت والله وانا قال اقولك خالد وش يسوي قلت وشو مسكت عليه شي قال ايه قال خالد سلطاان بكفخك ترا وضحكت قلت خلوددي خله يقول ونزل راسه قال سلطان تدرين انه يبكي قبل نومه كل يوم قلت منجد قال اي وربي قلت خلودي قال يالبيه قلت ليه تبكي قال منجدك انتي انتي واخوي بعاد عنا والمرحومة موصيتني عليكم ونزلت دمعتي ومسحتها قلت متى بتجونا قال مقدمين إجازاتنا وبتنزل انشاءالله قلت وين ابوي قالو عند زوجته قلت هي ماجابت عيال وضحكو قالو لا عقيم قلت ياعمري منجد قالو اي والله وابوك يفكر بثالثه وضحكنا قلت اصبرو بوريكم شي قالو وشو وكنا متحدين الي يشتري شوز معين من ماركه الأول يفوز قال سلطان تخسييين شاريها قبلك وراح وجابها وكنا نفس الون وضحكت قلت مجنوون مقلدني بلون بعد قال متى شريتيها قلت اممم مدري قال تدرين متى شاريها قلت متتى قال قبل اسبوع قال خالد كذاب البارح وصلت ومت ضحك قال ايه اضحكي متى شريتيها انتي قلت اليوم وضحك قال من الي فاز قلت جدي قال نصابه قلت وربي شاريها وماتو ضحك قلت تصدقون احسه يحب بس مدري منهي عيا يقول لي قال خالد جاسوسه قلت من اخوووي الكبير وضحك قال افا عليك انا جاسوس قلت ايه من الي علمنا بمشكله ابوي وزوجته وضحك سلطان قال لاتحاول تهرب منها قلت اصبرو اكيد مشتاقين لأخوكم قالو وينه قلت نايم ورحت له قال سلطان ريموه صحيه قلت لا مسكين خله ينام قال رييم قلت سلطاان قال الي تبين ووين سويره قلت نايمه المسكينه قالو شفيها قلت اليوم تعبت تعب الله لايوريكم قالو ليه قلت جدي اليوم تعبان وماقدر يروح لشركه واستلمتها بنت سعود قالو ياروحي متى رجعت قلت رجعت معنا قالو زين قلت وبعدين انتم متى تتزوجون وضحكو قالو انتم تعالو اخطبو لنا وابتسمت ورحت لغرفتي قلت خالد قال لبيه قلت افكر ارجع لكم وابقى عندكم مليت قال قلتي لجدي قلت وش بيقول ضنك بيهاوشني قال متى تخلصين جامعتك قلت بعد سنه ونص قال وعزيزوه قلت معي قال خليه علي بكلمه انا قلت بس لاتقوله اني انا الي قلتلك قال ماعليك قلت تغديتو قالو ايه قلت عوافي قالو يلا ياروحي بننام تبين شي قلت سلامتكم وودعتهم وسكرت ونمت
تركي: كان عند جدي عشاء كبير وكان مالي نفس ابداً وكان بكره بيبدا دوامي واعتذرت من جدي ورفض اعتذاري قال تحضر العشاء يعني تحضر قلت سم ورحت عند امي وانسدحت على رجولها وقعدت تلعب بشعري وتسولف لي وكانت الساعه4 العصر قالت جهزت شنطتك ولا اجهزها لك قلت لا يمه جهزتها قالت متى بتمشي قلت بعد العشاء قالت متى بتخلص قال اسبوعين بالقليل قالت زين الله يوفقك وين ماكنت وبست يدها
قمت قلت تامرين بشي نفداك قالت سلامتك الله يحفظك وبست راسها ورحت لبست ثوبي وتضبطت ورحت عند الرجال وجاء عمي ابو خالد وعياله وابتسمت وقمنا ورحبنا فيهم وسلمنا عليهم وقهويتهم ومانسيت عنقودتهم طول ما انا عايش ولا رح انساها وجلسنا نسولف وطلعت ورحت عند سيارتي وطلعت زقارتي وشغلتها وقعدت ادخن ومر ربع ساعه ورحت غسلت ورحت لهم والكل يعرف اني ادخن وساكت لاني قد انفجرت عليهم ومر الوقت وتعشينا وكرمت وودعتهم ورحت ودعت امي وخواتي وركبت سيارتي وحركت وكان بيني وبين الدوام ساعه إلا ولما مسكت الخط شغلت فلاح المسردي وطلعت زقارتي وقعدت ادخن ودموعي تنزل ووقفت على جنب وغسلت وجهي كان النوم يصارعني وحاولت امسك نفسي ووصلت وكان عندي غرفه بالدوام رحت لها ورقدت
