سوريييي توي استوعب انه مكرر😭😭
ريم: دخلت عنده وجلست شوي ودخلت الممرضه وفكت الغذايه منه قالت تقدر تطلع بس لازم احد يهتم في ادويتك ضروري مره تقوم في وقتها ولا بتتعب مره او الأفضل تقعد هنا واهتم فيك انا قلت نعمم؟ قالت الي سمعتي قال اا خلاص بقعد هنا انا نومي ثقيل ويمكن ما اقوم في وقتها قالت حلو وانا بصحيك وقت ادويتك قلت لا بيطلع قال بس.. قلت انا بهتم فيك طيبب قال لا قلت بيطلع ترا وقمت واخذت اغراضه وناديت عزّيز وجاء وساعده قال اييي ريم شوي شوي قلت تستااهل وقليييل بعد قال عزّيز شفيك انتي قلت اسأله هو يقول قدام حبيبته وزوجته للمرضه لا انا نومي ثقيل مارح اصحى وهي ماااقصرت ابداً حلو انا بصحيك صحوها جن استغفرالله وكانو ميتين ضحك قلت خييير وركبنا قال تركي خذني لديره قلت عزّيز لشقته قال تركي اغراضي هناك قلت عادي بيجيبه عزّيز قال طيب ورحنا لشقته وكان ابوي عنده خبر ونزلنا قلت انا ليه امسكك مو مكسور انت امش لحالك قال ماقدر اضغط على رجلي قلت اها طيب تعال وقربت وساعدته وراح عزّيز ودخلنا وجلس وقمت وسكرت الباب ونزلت عبايتي قال جايه ببجامتس قلت ايه انخرشت ولا امداني ابدل قال حلوه قلت وشي قال انسي وابتسمت وقمت وقلت تعال غسل وجهك وأفضل تاخذ شاور قال طيب قلت اا وانا بجهز لبسك قال زين قلت اصبر وقربت منه وفكيت لصقة الأبره وابتسم ودخل وقعدت افكر في ابتسامته وابتسمت قلت تركي معك منشفه قال لا قلت طيب خذ وفتح ومد يده وابتسمت وعضيت شفتي ومسكت يده وابتسم قال شتسوين ووعيت وبعدت واعطيته وسكر قلت خبببله انتي مجنووونه ورحت وسويت نفسي اكلم وطلع وكان لاف المنشفه على خصرها وفهيت فيه شوي ولفيت عنه وطلعت قلت يممهه وش هالحلاوه ياربببي شوي وجاء قلت اا بشوف ممتى وقت ادوويتك وقمت ورحت شفتها قلت الحين بتاخذ هذا وبعد ساعتين ذا قال طيب وجبت مويه وجلست جنبه واكلته الحبوب وشربته وكان مصدوم وكنت عادي لما يتعبون اخواني كنت اعطيهم الحبوب انا بنفسي ومسك يدي قال لاتسوين كذا طيب قلت مالك دخل بسوي وزيادة بعد وابتسم وكنت عارفه يبيني اسوي له كذا بس يكابر هذا هو حبيبي عنيد وكبريائيه اهم وقعدنا على جوالتنا وطفشت وكنت منسدحه بصاله وهو جنبي قلت تركي مره طفشت قال ارجعي لبيتكم قلت مابي قال ها لاتقولين طفش قلت طيب ورجعت انسدح واتابع مسلسلي
تركي: راسلت واحد من اخواني قلت وينكم قال قريبين قلت جبتو سيارتي قال ايه قلت زين لاجيتو تحت علموني قال طيب وقعدت اتأملها ولفت علي قالت بكل براءة وطفوله عادي نطلع نتمشى قلت اا ايه بس شوي يجيبون سيارتي قالت طيب ولفت تتابع وقربت وقعدت امسح على شعرها قلت ليه احستس زعلانه كل شوي ومتضايقه شوي وسكرت جوالها وكنت باقي امسح على شعرها قلت حتى من قبل لا اخطبك واضح من عيونك الحزن قالت لا مافيني شي قلت اعرفتس بكل حالاتس ترا فاتكلمي قالت يهمك؟ قلت وكثير قالت طيب وسكتت قلت قولي وش الي مضايقتس طول الوقت قالت عشت اشياء صعبه وبعمر صغير وفقدت ناس مكانتهم كبيره بقلبي رحت في بيئة ماعرفها وانا صغيره عشت مراهقتي من دون امي فقدت الحنان فقدت اشياء كثيره للحين مأثره علي كل يوم ترجع لي احداث لما امي الله يرحمها راحت عند ربها فا صعبه اني انسى او صعبه اني ما احس بحزن ولا ضيقة ولما رجعنا هنا ومرينا من بيتنا القديم الي كانت فيه ذكريات حلوه انجرح زياده الناس تشوفني اضحك ومبسوطه وانا من داخلي مجروحه ومكسوره حتى اهلي ماعوضوني عن امي مره محد فيهم ضمني لما انام بحضنه ويسمي علي ويسألني وش اكلتي اليوم وش سويتي كل هذا فقدته قلت لاتخافين بعوضتس عن كل شي وقامت قالت منجد قلت ايه وضمتني وبادلتها وتنهدت قالت وانت بعد لاتزعلني وتضايقني وابتسمت قلت ابشري بس خليتس بحضني لاتبعدين ابداً قالت مافكرت اني ابعد وضميتها على صدري وطولنا وماسمعت لها حس وابتسمت عرفت انها نامت بحضني وقمت وشلتها قالت لاتبعد عني قلت وانا رايح لغرفتي مارح ابعد عنتس لو ايش وسدحتها على سريري ولحفتها وقعدت امسح على شعرها شوي وراسلني اخوي قال انه تحت قلت جاي وقمت بشويش وطلعت نزلت له وخذيت المفتاح وراح مع عزّيز ورجعت لها وجلست اتأملها وكانت الساعه8 الليل ونعست وجيت جنبها ونمت.
الساعه1:30 الليل
ريم: قمت من النوم وكنت منخرشه شلون نمت ولفيت إلا انا بحضن تركي وبعدت قلت كم الساعه وقمت اخذت جوالي وشفتها قلت ترككييي وقعدت اصحيه وقام منخرش قال شفييتس وش العلم قلت حبوبك الثانيه خذيتها وقعد يناظرني وصقعني بالمخده لما انسدحت قلت ياحمااااار وقمت عليه وكل واحد يدق الثاني ومسك ايديني قال اهجدي ياورعه لا اصفقتس قلت ليه ضربتني قال احد يقوم الثاني كذا قلت بس كنت خايفه تكون ما اخذت حبوبك قال خذيتها خذيتها قلت اكيدد قال ايه وحط وجهه برقبتي ونام وابتسمت من حسيت بشعور حلو مررههه قلت تركي وصحيته ورفع راسه قال هاه نعم شتبين شبعتي نوم مارح تخليني انام قلت ايه قال ارقدي بس قلت تركي تركي بليز شبعت نوم قال بنت نامي ولاتجننيني قلت تركيي قال شتبين مني قلت نطلع قال بذا الوقت قلت يب قال لا انتي انجنيتي قلت بليزز قال ريم يابابا الوقت متأخر والله متأخر قلت طيب طفشانه قال نامي وبكره نشوف قلت لا قال بتندقين تراا نامي قلت طيب وسويت نفسي زعلانة وابتسم قال وعد بصباح اطلعتس تتمشين قلت طيب قم من فوقي واستوعب وبعد قال اسف وانسدح وقعدت افكر ولف علي وقرب شوي وسكر عيونه شوي ونام قلت حضك طيبب على الأقل نومني قال تعالي وفتح يده قلت ااا مانمت قال لاقلت ططيب قال تعالي بنومتس قلت لا امزح قال كيفتس ولف وعطاني ظهره وقربت وضميته من ورا وابتسمت وقعدت افكر شوي ونمت.
الساعه6 الصباح
تركي: قمت وصليت وقعدت على جوالي شوي ورحت قومتها وكانت عنيده مره قالت مابي مااابي خلني انوم قلت تبينا نطلع نتمشى قومي ونقزت ومت ضحك قالت يلا قلت صلي بالأول وقامت وتوضت وصلت قالت اخذت علاجك قلت ايه قالت افطرت قبلها قلت فطيره بس قالت طيب عادي توديني البيت ابدل قلت طيب ولبست عبايتها ولبست ثوبي وطلعنا ومرينا بيتهم ونزلت تبدل ودقيت عليها قالت وشو قلت جيبي معتس ملابس قالت ليه قلت بتقعدين عندي انتي قالت اها طيب وقعدت انتظرها شوي وجت وركبت قلت ها يابنت سعود وين تبين قالت مادري ابي مكان رااايق مع ذا الصبح قلت تم قالت وين قلت مدري وضحكت وابتسمت من سمعت ضحكتها.
