يوم ملكة تركي وريم
ريم: كنت مبسوطه مررهه وبنفس الوقت متوتره كانت الساعه 5:30 العصر وكانت الملكه ببيتنا كانت حفله صغيره تضبطت ونزلت وتمت امور الملكه ورحت اتسمع على الرجال من عند الباب وكان تركي يقرا وابتسمت وقعدت اسجل صوته وطليت شوي وكان حبيبي متوتر مره وجت عيني بعينه وشافني وابتسم ونزل راسه وهربت عندهم قالت خالتي وين كنتي انتي قلت اا عند عزّيز اعطيه الدله قالت تعالي عند الحريم وجلست عندهم وكنت مسويه اني مستحيه وكذا وانا بالي كله مع تركي وجت الساعه7:40 وتعشو قلت لساره احد يتعشى بذا الوقتت قالت شش اسكتي وكليت كم لقمه وقمت وكانو اهل تركي بيمشون ودق علي وابتسمت ومارديت ودق مليون مره ورديت قلت وشووو قال وينتس قلت بالمجلس قال تعالي لي يالجاسوسه وابتسمت قلت لا مارح اجي قال بنت بتجين ولا قلت طيب جايه وينك قال بقلبتس قلت هاه قال بالحووش قلت طيب وابتسمت من قال بقلبتس وكان بقسم الحريم ورحت له وابتسم قال ارحبي وباس راسي وبست راسه قلت ليه بست راسي قال مهب حب فيتس بس عادات وتقاليد كذا قلت اهاا اوككيه وابتسمنا ونزلت راسي قلت شسوييي طيب جاني فضول قال وتجين مجلس الرجال وتطلين قلت ايه وابتسم قال مجنونه والله قلت يب قال وش مصوره وريني قلت لاا قال بنت قلت ماصورت شي قال احلفي قلت ايه قال احلففي قلت لاا مابي قال طيب عطيني سنابتس قلت تيب واعطيته وكنت منزله صورته ستوري
ومغطيه على وجهه وكاتبه كلام رومنسي شوي وراح عن بالي انه بيشوفه وفتحها وابتسم قلت شفيك ووراني وانصدمت ومن الصدمه قلت مو انت ذا وضحك قال احلفي قلت يوووووه تركي خلاصصص وجيت بهرب منه ومسكني قال مافيه تعالي وسحبني له وكان لسى ماسكني من خصري قال تحبيني؟ قلت لا قال والصدق قلت لا قال طيب قلت وانت قال مشاعرنا متبادله قلت طيييب وبعدته ورجعني قال قلتلتس مافيه وابتسمت قال تدرين انتس طالعه حلوه قلت شكراً قال بس قلت وانت بعد طالع حلو وابتسم قال يلا مابقى شي على زواجنا قلت اممم وابتسمت قلت انت ليه متحمس له وتنتظره لذي الدرجه وتوتر قال ماتحمست له لاتجيبين شي مهب فيه قلت اممم طيب طيب انت قلت انك بتتزوجني عشان وعد جدي قال ايه قلت وبعدها قال وش وبعدها قلت بنقعد كذا طول عمرنا وابتسم بخبث قال لا بخليك عندي اسكت اهلي فيتس واخذ إلي احبها وانصدمت قلت ومنهي الي تحبها قال منو قلت هااه قال منوو قلت منهي ذي قال حبيبتي ودقيته ومسكني قال تعاالي ودفيته قلت احد يقول للي بيتزوجها كذا بيوم ملكتهم ورحت لغرفتي وانا منهاره وقعد يدق علي وقعد يدق وما وقف وطفيت جوالي
ساره: رجع راشد من دوامه وكنت مشتاقه له بس مابينت ولما راحو المعازيم رتبت البيت وجلسنا بصاله انا وابوي واخواني وكان جدي معنا وكان راشد جاي للخطبه وكان يراسلني ويقول ابي اشوفتس وكنت رافضه كنت مشغوله شوي وراسلني قال تدرين اني زعلان قلت افا ليه من زعلك قال انتي قلت ليه شسويت قال نذر اني متحمس وميت على شوفتس اليوم بس كسرتي ابو فرحتي وابتسمت قلت اسفه قال طيب ابي اشوفتس تكفين قلت بدلت قال اكيد مصوره قلت ايه قال ارسلي لي كلها قلت وحده قال كلها قلت لا قال طيب الي تبين وارسلت له قلت ياويلك تحفظها بالدردشه قال ابشري وكبشرها قلت راشدد وين اتفاقنا قال وش ماسويت شي انتي قلتي لاتحفظها فدردشه وانا كبشرتها وابتسمت قلت طيب وينك قال فديره قلت تمام بتنام قال شوي بس ودي بصوتس قبل نومي وابتسمت قلت طيب شويات كذا قال ليه وينتس انتي قلت مع اهلي قال طيب انتظرتس شوي واستأذنت منهم ورحت لغرفتي ودق علي قلت بسم الله شعرفه اني لحالي وابتسمت ورديت قلت لبيه قال ارحبي قلت تسلم قال لحالتس صح قلت لا قال بذمتس قلت لالا لحالي قال وشلونتس قلت بخير اخبارك انت قال اخ وش اقول لو اني ماخذه منتس اليوم بوسه صرت بخير وابتسمت قلت راشدد قال وهذا الصدق قلت طيب وينك قال فراشي قلت احد عندك قال ابد قلت ممكن طلب صغير قال تدللي امري جعل مايتدلل ويامر علي غيرتس وابتسمت واستحيت قال لبيه ياروحي امريني قلت نسيت قال افا افا افا امانه وش كنتي تبين قلت اا ابي تفتح لي الكاميرا قال عيوني لتس وفتحها وابتسمت وانسدحت وقعدت اتأمله قال سويره وكنت مفهيه فيه قال بنت الو قلت لبيه لبيه قال لباتس افتحي الكاميرا بعد انتي وابتسمت وفتحتها وقام وجلس وقعد يبتسم قلت شفيك قال احبتس وابتسمت قال احبتس! قلت وانا بعد قال ايه كملي قلت وانا بعد احبك وابتسم قال جعلني والله فدوه قال اسمعي قلت لبيه قال انسدحي مثلي قلت شلون وانسدح على جنبه وانسدحت مثله وابتسم قال ايه خليتس كذا قلت ليه قال بس وكنت مفهيه مدري شسالفته وماكان يتكلم قلت راشد شفيك وركزت بعيونه وماكان يناظرني وانتبهت ان صدري مبين له وابتسمت وقمت جلست قال يوووهه شفيتس وقعدت اضحك وضحك معي قال شفيتس قلت مجنون انت قال فيتس وانسدحت على ظهري قال لفي على جنبتس قلت مابي قال تكفين كنت مبسوط ياخي قلت ليه ماقلت لي ان صدري باين قال ااخ لو اقولتس ماخليتيني اتأمل واستحيت مرره وابتسم قال قرب يومنا ياعين ابوي انتي وتكونين طول العمر بحضني وابتسمت قلت انشاءالله ياروحي وقعدنا نسولف شوي وقلت يلا انا بنام قال جعله نوم العافيه ياقلبي وابتسمت قلت يعافيك وانت بعد نام قال من عيوني قلت تصبح على خير قال وانتي من اهله اعطيته بوسه وردها لي وسكرت وحطيت راسي ونمت
بعد اسبوع
ريم: كان تركي يدق كل يوم مليون مرة ودق على عزيز عشان ارد عليه وكنت مطنشته لان كلمته للحين بخاطري تجهزت وكنت طالعه للمول اخلص اغراض زواجي وكانت ساره معي قلت تعبت تعبببت كملي عني قالت بنت قلت وشو قالت كملي شوبينق مع زوجك وراحت عني قلت انجنت ذي الا اشوف تركي قلت يووهه هذا الي ناقصني ومسك يدي وقعدنا نمشي عادي قلت شتبي ليه لحقتني قال وش فيتس ماتردين علي قلت كيفي كييفي قال طيب انا اوريتس قلت فكني بروح لساره اختي فكك قال اختس مع خطيبها قلت طييبب فكني قال مو انا زوجتس قلت الا قال خلاص مافيها شي لو نتسوق سوى قلت طيب قال عطيني من يدتس واخذ مني الاكياس قال وش اشتريتي قلت ياووويلك تفتحها خاصه وابتسم قال طيب ودخلت سيفورا قال هذا بذات اطلعي منه قلت ليه؟؟ قال غالي قلت وش عرفك انت؟ قال اعرف قلت اها نسييت حبيبتك مننوو وابتسم قال شسالفتس انتي مالتس دخل فيها قلت طيب طيبب ودخلت عناد فيه وكنت بس ابي روج واخذت ارواج ومحددات وانجلط بالحساب ودفع هو من حسابه وابتسمت وطلعنا قال جوعانه قلت لا وانت قال لا قلت طيب وتعبت وجلسنا بالكافي وطلبنا قلت اا ابي اسأل قال اسألي قلت منو هذي اعرفها انا؟ وابتسم قال لا قلت طيبب شسمها مابي اقولها منو قال منى قلت قطيعه قال وش قلت ولاشي وبعدين وش جابك للمول قال كنت معها تسوقنا ورجعت وقهرني مررره وقد يراسل بجواله قلت طيب قم رح ومارد علي قلت تركي اكلمككك انا قال هاه وشو قلت قم عني رح قال لا ونزلت راسي وكنت انا ودموعي نتصارع مابيها تنزل ومسحتها وجاء الطلب ولمس يدي العامل بالغلط جيت باخذ المشروب وهو مد يده وتلامست ايدينا قال سوري قلت لا عادي وراح وكان تركي معصب وماهتميت وخلصنا وقمت اخذت اغراضي وطلعت لحقني قال يابنتت وقفي قلت شتبي قال وش الي شتبي واخذ مني الاغراض ودقيت على ساره وكانت طالعه مع راشد وطلبت اوبر وطلعنا قال تعالي منا سيارتي هناك قلت شكراً لك واخذت اغراضي وجيت بركب سيارة الأوبر الا يوقفني قال من ذا قلت اوبر قال امشي بس قلت فك يدي تفهم ورح استمتع معها ودفيته وركبت ورجعت للبيت.
