ريم: طفشت مره ورحت قعدت مع البنات شسوي طفششت مره وانسجمت مع العنود وقمنا لحالنا وقعدنا نسولف وانبسطنا وكانت تتكلم معي بالأنجليزي بعد قلت ارتحت لك تدرين قالت سترت عليتس قبيل ترا قلت ليه قالت السبه إلي بالأنجليزي وضحكت قلت تلوميني قالت ماعلينا كيفتس انتي قلت من بعد ماجيت السعودية وانا بألف خير قال عسى دوم ودق علي عزيّز وابتسمت ورديت قلت قلت لبيه قال وينتس وضحكت قال شخبارتس روحي لبيتس ومت ضحك قال يلا باي قلت شتبي داق علي قال لا بس ابي اطبق لهجتهم عليتس ومت ضحك وضحك معي وسكرت قالت شفيتس قلت داق علي يطبق لهجتكم علي وضحكت قالت يستعبط وقمت قلت سويره وينها قالت مادري قلت بتشوفين تشتغل الحين تعالي وقعدت ادورها قلت شفتي قالت اهلاً قلت شتسوين قالت اشتغل وجلسنا معها وفكيت النقاب قالت العنود لنعنبو دار العدو تغطي قلت العنود ماقدررر انكتمت فيه قالت جربي البرقع بيليق لتس قلت اجي مثل جدتي وماتت ضحك وسمعنا رجال يتحنحن بيدخل وتغطيت وكان تركي قلت تغطي بعد انتي قالت ذا اخوي قلت اهاا قالت ترا مو يعني سافرتي فقدتي الذاكرة وضحكنا انا وساره قالت منجد ناسيه كل شي قلت شسوي قالت ريم قلت هلا قالت منجد ماتذكرين تركي قلت لا والله ليه اليوم حتى هو سألني وقلتله لا وعصب وطلع قالت اخ عاد هو من سافرتي من كان عمرتس 14 وهو حزين للحين مانساتس لعنبو دارتس انتم حب طفولة بعض وشهقت قلت تتركي حب طفولتي قالت ايه قلت العنود منجدك قالت قسم اني صادقه ونزلت دموعي قالت ساره طيب الكل يدري وقمت قلت بجيكم وحرفياً كنت منهاره بكي هذا هو حبيبي كببر وماعرفته ودخلت المطبخ وكان يحمي الدله قلت سلام قال عليكم السلام وكان مايطالعني قلت كيفك قال بخير وقربت ومسكت يده ودموعي شلال وناظرني وحرق نفسه بالغلط قلت بسم الله عليك صارلك شي ومسكت اصبعه وبخيت عليه حق الحروق قال شتبين انتي؟ قلت اسفه قال على؟ قلت اني ماذكرتك وابتسم بقهر قال حسافة السنين الي كنت متدمر فيها بسببك قلت تركي لاتلومني كنا صغار وقتها وبعدنا عن بعض كثير وكبرت وماعرفتك ولا انا مانسيت كل الي عشانها قال ايه واضح قلت تركي قال وش وشش قلت تذكر مهربنا ولمعت عيونه من الدموع وبعدني واخذ الدله وطلع ومسحت دموعي ورحت للبنات ومر الوقت وودعنا جدتي وعماتي وجدي وعماني قال جدي مو تقطعونا قلت ابشر قال ابوي قولي سمم قلت اا سم وابتسم جدي قال خلها تقول الي تبي هي مسموح بس غيرها لا وابتسمت وبست يده وركبنا ورجعنا لبيتنا وطول الطريق افكر في تركي ودموعي تسبق تفكيري فيه ووصلنا ونزلنا قلت تصبحون على خير تعبانه وبنام ورحت لغرفتي وسكرت الباب وبدلت وتروشت وانسدحت وقعدت افكر فيه قلت معقوله كلام العنود صدق انه مانساني طول السنين وماقدرت اسكت وراسلتها وطلعت قايمه وقعدت تسولف لي عنه وكيف صار عصبي تركي حب طفولتي وحب حياتي كان حنون وطيوب ليه كذا انقلب والصدمه الي عرفت انه صار يدخن هنا ماقدرت قعدت ابكي مستحيل يكون حبيبي هذا تركي الأول كنا لما نشوف احد يدخن كان يعلمني يقول لاتسبينهم قولي الله لا يبلانا وبس والحين صار هو الي يدخن وقعدت تعلمني كل هالتغيرات قلت العنود ليه صار كذا قالت لاتسأليني والله مادري بس جدي يقول انه من بعد ماتركتو الديره وهو متغير قلت اهه الله يهديه يارب قالت امين وودعتها وقعدت افكر فيه شوي ونمت
تركي: مادري انبسط برجوعها بسلامه ولا احزن لأنها ناسيتني صدعت وطلعت ورحت لحالي بنص الليل وشغلت زقارتي وقعدت ادخن وطولت وعيا يجيني النوم وكان دوامي يبدا بكره العصر ورحت جهزت اغراضي وحركت ورحت لدوام وكنت مقهور لأنها ماتروح من بالي وقعدت ابكي بالمكتب وكنت مقفل علي وقعدت افكر قلت وش شعورها تجاهي الحين اخ اخخخ يالسنين الي عذبتني اااااهه بس واستوعب اني جرحت يدي قلت يا الله ليه ليه كذا يارب وسجدت وانا ابكي ومنهار قلت يارب ريحني ياارب ان كان قربها فيه راحه لي فجمعنا وان كان بعدها فيه راحه لي فطلعها من قلبي بدون ما انوجع زياده وقمت وغسلت وجهي وانسدحت على الكنبه وغفيت ونمت
ساره: كنت سهرانه على الأسهم كنت ابي ارجعها مثل اول واكثر بعد عشان اضمن انها بخير ودق علي راشد وابتسمت قلت يا الله شتبي مني ياحلو انت شتبي قلت ارد ولا ما ارد ورديت قلت اهلاً؟ قال ارحبي قلت تسلم قال حبيت اكون اول من تسمعين صوته في يومتس الجديد وكانت الساعه1:00 وابتسمت قلت داق علي عشان كذا قال اا لا الصدق اني طفشان وابي نسولف وابتسمت قلت ماني فاضيه قال لا فاضيه من ابتسامتس عرفت انك فاضيه قلت ششلون عرفت اني ابتسمت قال حافظ نبرة صوتس لما تبتسمين وبكل حالاتك عارفتس من نبرة صوتس وابتسمت قلت الصراحه ايه فاضيه بس انتظر الدبور يرسل لي معلومات قال وينتس انتي قلت غرفتي قال امم طيب انا يابنت سعود مابي اطولها وهي قصيره وابتسمت وضميت مخدتي وانسدحت قال انا رجال جاهز ومستعد ياخذتس من بيت ابوتس بالحلال تقبلين فيني يابنت سعود وابتسمت وانبسطت ومسكت نفسي قلت اا بفكر يعني مو بذي السرعه قال احبتس يابنت سعود قلت يولد مساعد ماودك تنام قال نامي بعد انتي قلت تصبح على خير قال وانتي بخير يام عيالي وابتسمت وسكرت وقعدت اناقز من الفرحه قلت ساااره خير ان شالله وجلست وبعدت المخده وقعدت اشتغل وبنص الشغل ابتسم واتذكر يام عيالي وانبسط واخذت المعلومات ونعست ونمت
