ساره: تجهزت لأن راشد طلب من ابوي ياخذني ونطلع سوى وتجهزت وكانت الساعه5 وكان يدق علي قال يلا انا تحت قلت يلا جايه ونزلت وكان واقف مع ابوي قال ابوي هاه انتبه على سويرتي وابتسم قال على خشمي ومسك يدي وطلعنا وكان مبسوط وركبنا قال اااخ ارحبي وقرب وباس راسي وابتسمت قلت تسلم وقربت وبست راسه وابتسم وقعد يطالع عيوني ويبتسم واستحيت قلت نمشي قال اخ ايه وحرك ومسك يدي قال وين تبينا نروح قلت الصراحه مادري قال طيب وشغل اغنيه وابتسمت لأنها أغنيتي المفضلة قال شكلتس انسجمتي مع الأغنية قلت غنيتي المفضلة قال صددق قلت والله قال وانا بعد احبها وابتسمت وباس يدي قال بوديتس مكان ماشفتي مثل جماله وابتسمت قلت وين قال قريب قلت وشو كافي قال اممم تقريباً وابتسمت شوي ووصلنا ونزلنا قلت راشد مو منجدك قال شرايك قلت حلو بس خايفه قال افا بس ومسك يدي وكان كافي بالجبال وكان فوق مره ونصه مغطيه الضباب ودخلنا ورحنا له وكان يخبل مرره وكان حاجز عند الإطلاله وابتسمت وجلسنا قلت راشد احس بنطيحح قال تأملي الضباب على الجبال وكان المنظر خيالي قال سويره وابتسمت قلت لبيه قال لباتس اي والله ومسك يدي قال وش تشربين قلت انت وش بتشرب قال كرك وابتسمت قلت اممم طيب مثلك وابتسم قال ضني قلت وشو قال ماتوقع بيعجبتس قلت حبيبي ترا اشربه بابريطانيا بعد قال ياروح حببيبتس انتي وابتسمت قلت لاتدقق قال احبتس والله احبتس وابتسمت قلت روح وراح قلت يمه منه وجلست اتأمل شوي وجاء وقعدنا نشرب ونسولف وتعرفنا على بعض اكثر قال ها يبنت سعود وين تبينا نسكن قلت الي تبي بس اكون قريبه من اهلي قال الي تبين تبين حي **** ولا الحي الفلاني قلت ابي الحي الي يكون قريب من الشركه وقريب من اهلي قال تم عرفته قلت حلو قال خلينا نروق شوي وننزل للحي قلت اوكيه ودق جوالي وكان الدبور قال من قلت الدبور وابتسم قال جيبيه واخذ جوالي ورد قال معك مدير اعمال مديرة الإداره وابتسمت قلت مجنون عطني شوي وقال ايوه ايوه تمام تامر بشي ثاني شوي وسكر قال يقول انهم يبون موافقتس على نشر الدعايه قلت اها طيب خلهم اليوم وخلصنا ونزلنا وركبنا قال ساره قلت لبيه قال تدرين ان دوامي بعد اسبوع وخلال اسبوع ابي نخلص الأشياء الأساسيه قلت طيب بتطول قال اسبوعين بالكثير قلت اها طيب قال بتشتاقين لابو عيالتس وابتسمت ونزلت راسي وماجاوبته قال مره تسمعيني قلت ايه اسمعك قال وين جوابتس قلت ايه بشتاقلك وابتسم قال وراتس منزله راستس قلت كذا ورفعه قال قوليها قلت يا الله بشتاقلك ايه قال لباتس ياروحي ووصلنا للحي وكان فيه بيوت للبيع وكانت مناسبه وحلوه مره ونزلنا وقعدنا نشوف كذا واحد واخترنا واحد حلو وعلى قدنا
بعد اسبوعين
تركي: اعطوني الموافقه اني اخطبها رسمي وارتحت قلت ليه وافقت وهي زعلانه مني وخطبتها رسمي وحددت الملكه بعد شهر ورجعو اهلي لديره وانا رحت لشقتي وماطلبت اشوفها لأني مابي ابين اني ميت عليها وانا والله ميت على شوفتها شوي ودقت علي لأننا اخذنا ارقام بعض ودقت وهي تبكي قالت انت مو على كيفك تحدد الملكه ويني انا ليه مالي رأي بالأشياء هذي مو لاني وافقت عليك بتسوي الي تبي من غير ماتاخذ شوري على كيفك هو وابتسمت قلت هدي شوي شوي مافيه سلام عليكم كيف حالك قالت لأنك جلطتني قلت شتبين الحين قالت الملكة مابيها بعد شهر قلت الي تبين بعد اسبوع قالت تركيي تستهبل انت خيير قلت صوتس يابنت سعود اخفضيه قالت تركي ليه بعد شهر على وش مستعجلين قلت والله عندي ضغوط دوام ولا فيه وقت مناسب إلا بعد شهر قالت انشاءالله بعد سنوووات مابي بعد شهر قلت ابوتس موافق تغيرين كلمته؟ وكنت اسمعها تبكي وقلبي عورني قلت ريم قالت وشو قلت بكره بجيتس بشوفتس ونتفاهم قالت طيب تصبح خير وابتسمت قلت وانتي من اهله وسكرت قلت ااخ حتى وهي زعلانه عسل وقمت وحطيت راسي ورقدت
