بعد اسبوعين
ريم: كنا ببيتنا وكنت بغرفة لحالي وتركي بالغرفة الي انا رسمتها ومارضى يطلع منها كانت الساعه10اليل وكنت ميته جوع بس ماقدر اسوي اكل ورحت دخلت عند تركي وعلى بالي انه نايم ورفع راسه قال وشو وابتسمت ورحت عنده وجلست قلت ابي اطلب من المطعم عادي قال لا المطبخ مليان وانسدحت جنبه قلت بليز وقربني له وكان ماسكني من خصري قال شتبين بضبط قلت ابي شاورما طولي وضحك قال طيب وقمنا جلسنا واخذ جواله وطلب قال لادق الباب تعالي لي قلت اوكيه وقمت وطلعت وانسدحت بصاله وكنت ضامه المخده وكان فيني نوم بس جوعانه شوي وطلع تركي وجلس عند راسي وقعد يمسح على شعري قال بتنامين قلت ابي انام بس جوعانه قال طيب شوي وقمت جلست ورفعت شعري عن وجهي ولفيت عليه وكان على جواله قلت للحين تراسلون بعض قال مافهمت قلت انت ومنى وابتسم قال ايه ورجع على جواله قلت تمام شلون عرفتها قال بيني وبينها ذا الشي قلت وشش سؤال عادي ترا قال ايه بس اول لقاء بينا مو عادي ابداً قلت اها طيب وينها فيه قال هنا بالمدينه قلت طيبب قال المهم بكره اخلص دوامي وبنمشي لديره قلت اا مابي اروح معك قال وليش قلت كذا مابي نزلني عند اهلي قال لا بتروحين معي قلت لاا يعني لا خذ منى معكك ولفيت عنه شوي ودق الباب قلت واخيراً وقام وراح وجاب الاكل وجاء وقعدنا ناكل وخلصت قلت شكرا قال العفو بس تعالي ورجعني وجلسني قال ماخلصتيها قلت شبعت قال انتي طالبه شاورما طولتس وضحكت قلت تركي والله شبعت قال عوافي ورتبت الطاوله وغسلت ورحت ونمت.
بعد شهر
ريم: تملكت اختي قبل يومين وكنت مبسوطه مررهه ولما رجعت البيت تعكر مزاجي كان تركي معي بارد كنا قبل نسولف ونضحك ونسلم على بعض الحين لا حتى السلام مايسلم ورحت قعدت بغرفتي وماطلعت وكنت ابي اعرف شفيه ذا وقمت ولبست قميص بيت قصير وناععم مررهه وحطيت ميكب خفيف وتعطرت وسويت شعري ويفي ورحت المطبخ وسويت حلا بس ماعرفت اسوي القهوه العربيه ورحت لغرفته ودقيت الباب ودخلت وكان يكلم ومعصبب مره وكنت خايفه وابتسمت له وسكرت الباب ورحت جلست جنبه وكان مفهي فيني وتغيرت نبرة صوته العصبيه وقرب وبعد شعري عن وجهي شوي وسكر قال شتبين قلت بكل دلع سويت حلا بس ماعرفت اسوي القهوة العربيه وابي تعلمني وابتسم وارتحت قال يلا وقمت ومسكني من خصري وابتسمت ولفيت عليه قلت بعد يدك وابتسم وعاندني ومسكني بقوه قلت ياعنيد انت بعدها قال اخ طيب وبعد ورحنا المطبخ وقعد يعلمني وسوينا القهوة سوى ورحنا جلسنا بصاله وقعدنا ناكل ونسولف قلت اا تركي قال هلا قلت ليه متضايق هاليومين سويت شي يضايقك وابتسم وقرب مني ومسك خصري وقربني له قال لا مو منتس متضايق قلت اممم اجل من مضايقك وابتسم ابتسامه غريبه قال ااخخ منو قلت اها طيب وبعدت يده قلت اكل اكل قال ماتبين تعرفين ليه متضايق منها وابتسمت قلت لا مابي اعرف مايهمني قال اهاااا مايهممتس قلت ايييه مايهمنيي قال اوكيهه وقمت بدخل غرفتي قال وين وطنشته ورحت لغرفتي وكنت معصببه مرهه وجت الساعه2 الليل وطلعت ورحت لغرفته وكان نايم ودخلت بشويش واخذت جواله وكان فضولي بيقتلني قلت ياربيهه كم الرمز وكان فيه بصمة الوجه وجلست على السرير بشويش وحاولت احطه على وجهه بس ماضبط وجيت برجع الا ادق الكاس برجلي بالغلط وطاح وانكسر ونقز من نومه وكان منخرش قال شفيييهه ودزيت جواله تحت المخده قلت اا ابي انام عندك قال ليه قلت خايفه قال ااه منتس اااه وانسدح قال تعالي وحطني بحضنه ونام وماكنت مستوعبه الي صار هبدت اي كلمه قدامي عشان مايعرف اني غيرانه موت عليه ونمت هاليله معه وبحضنه وكنت شويي مبسوطه.
