نكرهك 🖤🥀

البارة الأول 💜💜

_____________ميمي ترحب بكم ____________

اتمنى تعجبكم 🙏🏻😣

علامة كلام سيف    _
علامة كلام زين      •

نوض في هاذيك الضلما و انا مضروب و جسمي مليان بهاذوك العلامات تاع التغذيب المشكلة اني راني غير طفل صغير عمرو برك 7 سنين و مادره والو من نهار كنت صغير و الدنيا تكرهني مكانش واحد يحبني غير خويا يوسف عمرو 8 سنين يكبرني برك بعام بصح يفهمني فهامة الصح المهم نضت رحت حوست على كاش طرشونه نمسح بيها الدم لي راه فيا يا نمي جسمي راهو مشوه تقوليه ماهو تاع بنادم لي يدخل للحرب مايخرجش هكا اووووف المهم رحت لبسة قشي تاع القرايا باش روح للمدراسا والله نحبها علابالي ضرك تضحكو عليا بصح هي البلاصا الوحيدة لي نقدر نحس فيها بالأمان اقسم بالله و رحت خرجت من الشومبرا لي اصلن يحشم العبد يقول عليها شومبرا مافيهاش غير سرير و مكسر ثاني رحت للكوزينا باش نطلب من ماما الماكلا و لقيتهم متلايمين اكل في المايدا

•ماما
الأم: وش تحوس
•ر.. راني. جي.. عان
و كيما كنت متوقع عطاني بابا بكف و ماما راهي غير بالسبان و سيف راهو مهبط راسو زعفان رحت نجري لبرا باش روح نقرى بلا ما نستنا واحد لان بابا ضرك مايوصلني ما يحوس عليا

نيست نعرفكم على روحي
سلام انا زين عمري 7 سنين عايلتي من اغنى العايلات لأنو ماما تخدم مصممة ازياء و عارضة و بابا عندو شركة برطابلات بصح كونغير عشات حياتي مليحة ملي كنت صغير ماشميت ريحة الحنانا دايما نتضرب على جال اتفه الأسباب مكانش واحد يحبني غير خويا الكبير و الخدمات و الحراس تاوع القصر تاعنا حتى ولاو كي الخاوة بالنسبة ليا كاين وحد الحارس في القصر إسمو إبراهيم هو ثاني يعاملني مليح يضار يجيبلي الكادوات و الهدايا كيما الكتب تاع الطب هو يعني كي عشا يتيم يخدم في الحراسة بصح راهو يقرى في كلية الطب ثاني ولهاذي السبا يضار يحكيلي و يقريني الحوايج لي نحبهم نحلم اني نولي طبيب في المستقبل نشاله مشيان خلاص كيما يقولو الأمهات جلد على عضم بصح ماتلومونيش مانيش مهبول نلقى الماكلا قدامي و ماناكلش السبب هو اني نضار نقعد ب الليالي بلا ماكلا هاذيك النهار قعدت سمانة و 4 أيام بلا ماناكل حاجة علاه راني حي ماعلاباليش و جاي عيون زورق و شعر كحل معا بشرة بيضة و قصير خلاص بزاف عليكم هاذي هيا حياتي

رحت للمدراسا دخلت للقسم و يصدم عليا صحبي سمير بالأحضان
سمير: وشراك زينو
تبسمت لهذا الأرنوب
•راني مليح و نتا
سمير: مانيش مليح إيماجيني اني قلت لبابا يشريلي تيليفون قالي راك مزالك صغير
•نتا ثاني وش راك رايح دير بالتيليفون
سمير: خويا الكبير عندو واحد و عمرو 14
• هيه بيناتكم بزاف اصبر حتان تكبر
سكت رمزي و ملقا ما يهدر قعدنا نلعبو حتان دخلة الأستاذة عقب النهار مليح حتان جا وقت الخروج خرجة و رحت روحة و انا ميت بالعيا اليوم كان نهار الثلثاء سما مانقراوش اللعشية رحت بدلة قشي لبيجامتي لي اصلا هي مقطعا و رحت هبطت كشما نافيقي ماكلا مدتلي الخداما شوي خبز بالفرماج شكرتها بزاف على حنانتها و كليتو بالدرقا و كي خرجة للجاردا لقيد بابا يلعب معا سيف انا ضرك ماني نحقد في سيف بصح غاضتني روحي علاه يلعب بابا معاه و انا لالا بصح لي نوضني من شرودي هو بابا لي راح يهدر بالتيليفون فرحت و رحت نجري سوطيت على سيف و هو فرح بزاف و حضني
_توحشتك
•انا كثر
_وشراك معا القرايا
•راني مليح بزاف الأستاذة شكرتني و قالتلي تلميذ نجيب
_إيي باينا خويا الباهي و الذكي
ضحكة و الفرحا تخرج مني لأني نحب بزاف كي يشكرني و يمدحني واحد قعدنا نلعبو و نقسرو و كي لعبنا لعبة السباق ربحة على سيف
•ياي ربحتك
ناض سيف يبكي لأنو مايحبش واحد يربحو
•ياه علاه ارنوبي قاعد يبكي
_مانيش ارنب
•لا نتا ارنوبي الباهي لي يبكي لأني ربحتو
_مانيش نبكي دخلة حشرا في عيني
•نعم نعم باينا
بصح لي قاطع جونا اللطيف و الباهي هو صوة هذاك الراجل
الأب(حمزا) خلاص وقت اللعب و نتا ياوحد العفن روح ادخل للدار ضرك يجي حسابك لأنك بكيتلي بني
بديت نرجف بالقاوي لأني نعرف العقاب تاع بابا مليح
_لالا بابا مادارلي والو كاينا برك حشرة دخلة لعيني
حمزا: وليدي شحال لازم نعاودلك الهدرا
راح و حكم زين من رقبتو و رماه بعيد و كمل
حمزا: هذاك الرخيص المعفون مانقبلكش تزيد تقعد معاه و نتا إذا مارحتش لشومبرتك تشوف وش نديرلك
نضت رحت نجربدي لشومبرتي و انا قاعد نرجف بالقاوي

_____________ميمي تودعكم ____________