غرام المغرور

الفصل الخامس عشر

ومراتك مع البنت مش عايزك تقلق من أي حاجه انا كلمتلك دار أيتام وخلصت كل الورق اللي خته منك وجبتلك جواب مشاهدة تقدر انت ومراتك تختار الطفل اللي عايزينه انهارده 

تامر بمتنان مش عارف أشكرك إزاي يا فارس باشا 

فارس مافيش داعي للشكر انا مديونلك بكتير وأولهم حق أخوك واوعدك إني هرجعهولك في أقرب وقت 

تامر برتياح تسلم وتعيش يا باشا والله ينور عليك الصراحة في فكرة انك تيجي بالبوليس كده هيبقي أحسن علشان الحته عندنا هنا ميعرفوش ان سيادتك كتبت على ام إسراء كانوا هيسالوني انت جاي تاخد بنت أخويا مني بصفتك أيه وحتي لو قولنا إنك جوزها الكلام هيكتر أكتر وهيجيب غلط فأنت كده صح وكأنها خدت بنتها بالقانون وهي كده كده حاضنه 

فارس بس في أقرب وقت الكل هيعرف أنها بقت مراتي وسواء دلوقتي او بعد كده

أنا مش هسمح بأي غلط يتقال في حق مرات فارس الدمنهوري 

بينما غفران أغلق هاتفه وظل واقفا مكانه لبرهه يحاول يتحكم في ضحكاته على شقاوة زوجته التي تزيد يوما بعد يوم فقد أحضرت مقعد ووضعته خلفه ووقفت عليه حتي تتمكن من وضع أذنها على الهاتف معه  

عرفتي بقي انه صاحبي مش مكالمة من الشغل 
نفسي تقضي معايا أنا وولادك أجازة زي كل البابيهات يا
ظبوطي ايه غلطت أنا ولا كل حاجه عندك شغل وبس وانا وولادك ركنتنا على الرفات وبقي علينا تربات 

لهنا ولم يستطيع كتم ضحكاته أكثر فنفجر بالضحك بقوة مرددا بصوته المزلزل لكيانها  
يا فرحة قلب غفران  

  
نظر لعينيها نظرة تعلمها هي جيدا وغمز لها بإحدى عينيه وحرك لسانه على وجنتيه بإيحاء جعلها ضحكت بستحياء وهي تقول  

تصدق غفران الوزير المتحرش واحشني أوي 

انتى اللي واحشتيني أكتر بس خليني أروح لصاحبي أقضي معاه مشوار مهم وارجعلك على طول 

دفنت نفسها بين اضلعه تستنشق رائحته بهيام وتمسكت به بكل قوتها مردفه  
لو اتأخرت هكدرك يا حضرة المقدم  

عند إسراء  

تسير حول نفسها ذهابا وايابا يتأكل القلق قلبها تفرك يدها بتوتر مردفه  
هو اتأخر أوي ليه كده بس! 

أنا رنيت عليه أكتر من مره لقيته أنتظار وبعد كده كنسل عليا اطمني متقلقيش يا حبيبتي خير إن شاء الله  

قالتها خديجه الجالسة بجوار إلهام بصوتها الناعم الرقيق 

إسراء ببوادر بكاء مش هطمن إلا لما اخد بنتي في حضڼي