حياة مشوها

part 17

﷽

#حياة_مشوها
بقلمي آزار

حسن الفتلاوي يكول...
چي أنشد انه عليك صارت مصيبه
مثل النشد عل خال برز النهيبه
..........

- كعدت على صوت لحن و هيه تكول...

:- آسر كعد اكعددد

:- شبيج ثول ما شوفيني نايم

:- كوم صلي وياي يلااا

:- كتلج ما اصلي

:- مو بكيفك كووووم يلا

:- راح اهفج ب راشدي و ربي

:- يلا بلا شوفني عضلاتك

:- لحن عوفيني نايم

:- حباب كوم صلي وياي

:- ما اعرف

:- اعلمك سهله والله يلا حباااب

:- بقت تلح على راسي وانا ما بيه حيل

:- يلا آسر

:- امشي عمي أمري الربي الى بلاني بيج بلوه

:- اي انا بلوه امشي يلا

- نزلنا ثنينا جوه توضت هيه قبلي و انا توضيت وراها دخلنا للصاله فرشنه المصلايات وهيه تصلي بصوت و انا ارد وراها ما اعرف ليش فكرتني من صدك ما اعرف اصلي و انا اخذتها على كد عقلها وسويت مثل ما كتلي خلصت الركعتين و كعدت تسبح تسبيح فاطمه الزهراء بيدها من خلصت اجت يمي

:- اعلمك تسبيح فاطمه الزهراء لو تعرفه

:- ما اعرفه

:- يا يمه منك چا شتعرف انتَ

:- ما اعرف شي بس اعرف شعره طالعه من محرمج

:- شكد مركز ويه شعري

:- مو حرام يطلع شعرج

:- ليش

:- بعتبار انا شخص اجنبي يعني حرام اشوف شعرج الى جنه ذهب صافي

:- يعني لازم لبس حجاب يمك

:- اي لازم

:- بس انا ما اريد البس بالبيت

:- بس حرام

:- عادي بعدي زغيره من اكبر البس يمك

:- بكيفج بعد

:- هسه اعلمك لو لا

:- علميني يا ماي عيوني

:- كل يوميه تسميني ب اسم جديد

:- چم اسم صار هسه

:- بلوة، ام لسان، ماي عيوني، بناتي

:- مو هواي بعد

:- لا هواي كلش هذني

:- منو احلى اسم بيهن

:- بلوه

:- وبعد

:- الباقيات مو حلوات

:- يعني ماي عيوني مو حلو