حياة مشوها

part 14

﷽

#حياة_مشوها
بقلمي آزار

عريان السيد خلف يكول...
حته اعز الناس
من شاف الوكت مجفي
ابتعد ماجنه منه
..........

- كعدت على صوت ماري بالغرفه باوعت الساعه و جانت ساعة بـ 5 الفجر اخذت و نزلت جوه

آسر:- ماري جوعانه حبيبتي

ماري:- لاع ما جوعانه

لحن:- ليش ما كعدتني اصلي

آسر:- هستوي كعدت ما صار شي روحي صلي

لحن:- ما يصير بعد طالع شمس

آسر:- تعاي نطلع بره

لحن:- شنسوي بره

آسر:- ما تحبين تطلعين بره الصبح و الشمس هستوها طالعه

لحن:- رايحه اغسل وجهي احسن

آسر:- بره غسلي مو هنأ

لحن:- انتَ تريد بس تخليني اطلع

آسر:- اي يلا بره

لحن:- ما اطلع

آسر:- انتِ كلتي اروح اغسل احسن الي
و انا كتلج بره يعني مو هنأ الى يغسل
المطبخ مال طبخ مو مال تغسلين وجهج بي

لحن:- خبيث

آسر:- اي خبيث يلا بره

- طلعت هيه و انا وره دقايق اخذت ماري وطلعت  وراها

لحن:- الماي بارد

آسر:- هو الجو كله بارد اكيد الماي بارد هم

لحن:- ما احب الشته

آسر:- بالعكس انتِ

لحن:- اي بالعكس

- عافتني واكف و دخلت جوه...هاي من هسه بدت تتمضيك فوك راسي وانا شلون الى خلك روحي
شوي واجت...

:- تلفونك يدك

- اخذت تلفون منها و طلع سجاد

:- صباح الخير

:- صباح النور

:- كول محتاج شي

:- اكلك آسر شنو رأيك يوم نطلع

:- انا هم كلت بعدين تصل عليك و اكلك
لانفس لعبت نفسي من البيت

:- خوش بليل روح للحديقه

:- ان شاءلله خير

:- اليوم لا تجي للمحل

:- ها ليش

:- باجر تعال

:- لا ما عندي شي اجي

:- بكيفك بعد...يلا مع السلامه

:- الله وياك

لحن:- وين اروح

آسر:- شنو جنتِ تسمعين عليه

لحن:- ما اسمع انا انتَ صوتك عالي شسوي

آسر:- روح للحديقه كولي ما اريد يلا كولي