حياة مشوها

part 18

﷽

#حياة_مشوها
بقلمي آزار

صباح الهلالي يكول...
وكت العطش من عيني جنت اسكيكم
روحــي اشتهتكــم خايبيــن شبيكــم
..........

- صدك ما كعدتني لحن بعد بس انا
فزيت لان بالي يمهن وما كدرت انام عدل
كعدت على طرف جربايه افكر ب كلامي لحن
و ما اعرف شسوي لان عقلي يكلي شي
و احساسي يكلي شي ثاني ومحتار
امشي وره منو هل مره بكل مره ارجع
اكول ياريتني بعدي وحدي وما افكر ب شي
ولا عندي هل مسؤولية الصعبه عليها و ما اعرف شسوي و اذا عفتهن منو الهن غيري و بالخير لحد هسه ما اعرف ام ماري غير بالاسم و ما اعرف حتى وين ساكنه ...عفت تفكير و طلعت بره جانت ماري كاعده بحضن لحن و يتابعن بتلفون ما اعرف شنو

:- ليش كعدت

:- ما كدرت انام

:- ليش ب شنو تفكر

:- بكلامج تمام نبقى بالبصرة

:- احسن والله

:- بس ترى ما نبقى هواي بالاخير نجي هنأ

:- ايي عوود بعدين من يصير عمر ماري خمسه

:- هيه هسه تلاثه يعني سنتين

:- اي سنتين و نجي هنأ

:- والله ما اعرف شكلج بس يلا نفكر

:- نفكر يعني مو اكيد

:- اي مو اكيد...ماري تعاي حبيبتي

- راحت ماري يمه وانا واكفه بالباب ابوع لهم

آسر:- نطلع بعشوي لو ما تريدين

ماري :- وين اروح

آسر :- نطلع نتونس

ماري:- اوك اريد انا

آسر:- لحن ماري صار لسانها مو مثل قبل

لحن:- اي قبل لسانها كلش ثكيل هسه صايره تحجي عدل

آسر:- الحمدلله بدايه خير

لحن "

- مر الوكت عادي ساعه نسوالف ونضحك
و ساعة نضف بالبيت مر الوكت واجه وكت
الصلاه صلينا سوه و بعدين تغدينا و بالخير
كل واحد راح الغرفته ينام بس ما كدرت انام
لان تغير مكاني و مو بسهوله اكدر اغير مكاني
خليت ماري بغرفتي لان نامت وانا طلعت
بالحديقه جنت اسمع صوت السيارات البعيده
و جنت حابه اسمع صوت الجهال يلعبون بالشارع بس ماكو ولا صوت لان البيت كلش بعيد عن
ناس كعدت بالحديقه و بقيت صافنه على
السمه و سمعت صوت آسر وراي...

:- لحن ليش كاعده هنأ

:- ما كدرت انام لان مكاني تغير

:- ماري وين شو ماكو وياج

:- نومتها و انا طلعت هنأ
شوكت نرجع للبصرة

:-  اليوم وصلنا خلي نرتاح على الاقل و نرجع