حياة مشوها

part 26

﷽

#حياة_مشوها
بقلمي آزار

ستار محمد يكول...
يمن بگلوب المعرسات بس انتَ الصدك شفتك
..........

لحن:- ليش ما خليتونه يم آسر ليش

شمس:- شلون نخليج يم زلمه ما نعرفه

لحن:- انتم ما تعرفونه بس انا اعرفه
انا الى عشت يمه خمس سنين كامله انا
مو انتم ابد

شمس:- حتى لو تعرفينا هذه شي حرام

لحن:- اي حرام لمن بقيت يمه خمس سنين
بس مو حرام عليكم من هسه اجيتو و اخذتونه منا

عماد:- لحن بويه احنا ما جنه ندري ب شي

لحن:- ليش وين جنتو و هسه عرفتو

عماد:- جنه مسافرين

لحن:- مالكم حق بينا ابد و انا مستحيل ابقى
العمر كله يمكم راح يجي اليوم الى الرجع يم آسر

عماد:- مستحيل هذا الشي بعد

لحن:- نشوف يجي اليوم الى اذكرك بحجيي

- عافوني و طلعو كعدت ماري بصفي و كالت..

:- بعد ما نشوف آسر ها

:- نشوفه كل يوميه من نحل اروحله

:- بيت هذا البيت بعيد عن مدرستنا شلون

:- عادي ماكو شي صعب اروح بس المهم
نبقى هناك على الاقل نكدر نشوف آسر هسه
كومي جيبي جنطتج خلي ادرسج وراي دراسه

:- لحن لعبتي ماكو

:- جا وينها

:- يمكن بقت بغرفتنا

:- يمكن و انا بعد ما صعدت

:- باجر من اروح العصر اجيبها

:- خوش تعاي ادرسج هسه

لحن"

- بديت ادرس ماري اذان
كمت صليت و رجعت ادرس
ماري ساعه ثمانيه صاحولنا
نتعشه تعشينا انا و ماري و كمنا
بدون ما نحجي حرف خلصت
دراسه ماري كلها صارت بـ العشره
نومت ماري و انا بقيت كاعده ادرس
و افتر بالغرفه و احفظ لحد ما صارت
ساعه وحده كعدت على طرف جربايه
و انا اذكر آسر جان ابد ما يقبل ابقى
سهرانه الساعه وحده تنهدت بصوت
كمت حضرت ملابسنا و الجدول
مال باجر و نمت كعدت الصبح
مثل كل يوميه بالخمسه كعدت
ماري سويت شعرها و بدلته لها
رجعت لها القراءه و نوب بدلت
لمن خلصت تبديل اخذت ماري
و طلعنا للمطبخ جانت شمس
واكفه سوي ريوك

شمس:- صباح الخير حبيبتي

لحن:- صباح النور

شمس:- يلا هسه اكمل الريوك

لحن:- شعجب تكعدين من صبح

شمس:- اسويلهم ريوك لان ابد
ما احب اخليهم يطلعون من البيت بدون ريوك