حياة مشوها

part 2

                                 ﷽

# حياة_مشوها
الكاتبة آزار
باهر الجنديل يكول..

انه عندك مو عزيز و دمعي ما مره جواگ
يا اعز طين أعلى عيني شغيراك

:- ماما خليتهن بالمطبخ

:- اي حبيبتي شفتهن شوي و اكوم اغسلهن

:- ماما اذا اجه راح يضربج

:- لا حبيبتي

- بعدنه جاي نسوالف و دخل للهول جان منزل راسه
كعد بصف امي و لزم ايدها

:- اعتذر ميسون

:- لحن ماما روحي الغرفه

- سمعت كلام امي و كمت للغرفه بس وكفت وره لباب لان جان عندي فضول اعرف كلش

:- بكل مره تعتذر و تكول ما اعودها بعد و ترجع مثل قبل و اكثر

:- مو بيدي والله

:- اكيد مو بيدك من وره السم الى تاخذه

:- صبري عليه

:- صالي 15 سنه صابره عليك يمته تتغير

:- شنو بيدي اسوي هذا السم سكن جسمي
ما يطلع من جسمي بعد

:- ناوي تموت روحك بتك عد منو تروح

:- ما اموت

:- لكل يموت ماكو شخص ما يموت

:- و انا عار و ما راح اموت

:- بدر ماكو هيج شي لكل بالاخير راح يموتون و يتحسبون توب قبل لا يجيك الموت و انتَ بجسمك هذه السم ربك هسه منطيك وكت تغفر ذنوبك

:- و انا ما اريد ينغفرلي ولا ذنب انا استاهل النار
و مالي مكان ثاني حتى النار راح تكول حشه اخلي يسكني

:- بدر حاول تعوف هل سم

:- كتلج ما اريد اعووووفه

- جنت اسمع لكلام بس ما جنت اعرف عن شنو امي تحجي ويا سم تقصده بس بعدين عرفت كلشي و ياريت بقيت جاهله بهل موضوع وما عرفت القصد شنو

:- خليك مثل ما تريد ماكول غير الله يهديك
و حسبي الله ونعم الوكيل على الناس الى دخلتك بهل طريق و دمرت حياتي

:- كومي سويلي شي اكله اريد اطلع

:- وين رايح

:- عدنه تسليم بضاعه

:- ما عدنه شي بالثلاجه بس الدبس

:- هسه رايح السوك راح اسوك مال شهر
لان راح تاخر هل مره يلا ارجع للبيت

:- هل مره التسليمن وين؟

:- الطراف الناصرية و اطراف البصرة

:- وحدك لو وياك اشخاص

:- انا و أسر و چم ولد بعد

:- ما اعرف شكلك ياريت لو اكدر اكلك الله يسهلك
بس حرام عليه اكلك هل كلمة و انتم جاي دمرون حياه الناس بهل سم