حياة مشوها

part 11

﷽
#حياة_مشوها
بقلمي آزار

الكاطع يكول...
تعلكنه برحم أمنه وصرخنه وگلنه مانطلع
..........

- مثل كل يوم كعدت من وكت غسلت وجهي
وطلعت من الغرفه حتى اشوف لحن و جانت
الممرضه فاتحه الباب و شبابيك حتى يدخف الضوه الغرفه لحن و الممرضه ما موجوده دخلت للغرفه كعدت ب صف لحن دقايق و شوي و دخلت الممرضه

:- صباح الخير

:- صباح النور

:- خوية انا اليوم ما راح اجي للبيت
اتمنى ديري بالج على لحن

:- سفره طويله

:- لا لنجف يوم واحد ما اتاخر

:- على راحتك خوية

:- راح يكون اكو حارس بالباب خاف تحتاجين شي انتِ او الممرضه ثانية فـ هو يجيبها الجن

:- ان شاءلله ما نحتاج شي

- عفتها وطلعت بدلت ملابسي نزلت للمطبخ سويتلي لفه و اخذتها بيدي اكلها و انا امشي صعدت بالسياره و تصلت على الدفان...

آسر:- السلام عليكم

الدفان:- وعليكم السلام

آسر:- عمي انا صديق بدر الى قبل فتره
اتصل من هذه الرقم حتى تسويلها كبر
المرته

الدفان:- اي عمي ذكرت تفضل محتاج شي

آسر:- ايي والله محتاج...اريد اجي النجف حتى اندل الكبر اذا ما صير زحمه عليك ممكن تاخذني

الدفان:- هلا بيك ب اي وكت من توصل النجف اتصل عليه و انا اجي اخذك للكبر

آسر:- مشكور عمي ان شاءلله انا اليوم اطلع بس اوصل اتصل عليك

الدفان:- ان شاءلله خير

- سديت الاتصال منا بس وصلت للمقر
دخلت و جان ابو ليل موجود و كاعد
يحجي ويه اسحاق من شافني سكت
وانا هم ما اهتميت سلمت و كعدت

آسر:- ابو ليل انا اليوم طالع غير محافظه
ما راح اكدر اجي

ابو ليل:- چم يوم تبقى

آسر:- يوم واحد ما تاخر لا تخاف

ابو ليل:- بده شهر يخلص ترى

آسر:- بسم الله بعدنا

ابو ليل:- حبيت اذكرك

آسر:- لا تخاف راح اخلصهن و اخذها مناك

ابو ليل:- مدامك تريدها اخذها اليوم

آسر:- اخخ كلبي يمه منو يحجي ابو ليل لو غيره
هذاك يوم شرطت عليه اجيب الفلوس يلا

ابو ليل:- غير رأيي روح الـ هدى و اخذها يمك

آسر:- لا خليها عد هدئ اليوم من ارجع انطيك الفلوس و اخذها بعد و هيج كلشي ينتهي لا انتَ تطلبني ولا انا اطلبك شي بعد