حياة مشوها

part 6

﷽
#

حياة_مشوها
بقلمي آزار

عريان السيد خلف يكول....

حل شعرك حبيبي الليل بلچي يطول

- مثل كل يوم كعدت ويه صلاه الفجر
صليت و بقيت كاعده بمكاني و كلبي
ما مرتاح ما اعرف شراح يصير بس
الله يستر من هل يوم و يعدي هل
يوم على خير...حسيت على لحن
تتحرك..

:- ماما  بيش ساعة

:- بعد وكت رجعي نامي حبيبتي

:- اريد اصلي

:- كومي توضي و تعاي صلي يلا امي

- كمت اتوضيت و جان الجو بارد
و نمسات الهواء تكرص خدودي
دخلت بسرعه للبيت فرشت مصلايتي
بصف امي و بديت اصلي و امي تتبعني
بكل حرف احجي خلصت صلاه و كعدت
يم امي

:- ماما ليش ما كعدتيني اصلي وياج

:- شفتج نايمه ما حبيت اكعدج

:- بس انا اريد اكعد

:- يلا ما صار شي..هسه كعدتي انتِ
و صليت هم..هسه لازم كومي نامي

- هزت راسها و كامت رجعت الفراشها
حسيت على حركه بالبيت كمت حتى
اشوف منو الى جاي يتحرك بالبيت بهل وكت

:- بدر جاي سوي

:- اريد اسوي ريوك وراي طلعه

:- ما راح تعوف هل شغل

:- شلون اعوفه و انتِ تدرين يطلبني فلوس

:- صالك تلاث سنين وياه ما خلصن هل لفلوس
شكد بعد تبقى تشتغل وياه يلا يخلصن

:- بعد تلاث سنين

:- شكد ما اخذ منه اذا كل هل شغل

:- مو مهم شكد

:- مبين هواي ماخذ منه

:- مو مهم

:- دوم مو مهم و لا مره حجيت و كلت
هل كد اخذت منا حتى لهل وكت مستعبدني
مثل العبد... و منو دافع الثمن غيري انا و لحن

- انطاني ظهره مثل كل مره حتى لا يجاوبني
ولا اعرف شي....و انا ضاله بس اكل بروحي

:- اليوم راح تاخر هواي

:- عادي ماكو شي جديد...رايحه انام

- رجعت للغرفه قفلت لباب و تمددت يم لحن... كعدت
على لمسات لحن على وجهي بديها نعمات