حياة مشوها

part 39

﷽

#حياة_مشوها
بقلمي آزار

فاضل عبد الساده يكول...
والسوالف كلها تكضي وتبقى
سالفتي طويله..
.....................

:- ماري مالي حق امنعج من مشاعرج

:- شنو يعني

:- يعني مثل ما انا صالي سنين احب شخص 
ما اعرف هو وين هسه انتِ الج حق تحبين
شخص انتِ تريدينه بس انا اذا منعتج من شي
بسبب عمرج لان بعدج زغيره وما تعرفين مشاعرج
صحيح

:- و انا ما راح اسوي شي بدون رضاتج

:- يلا روحي كعدي نور

لحن"
- راحت ماري و انا كملت الريوك
تركينا سوه و بعدين كل واحد منا
طلع بوكت مختلف وصلت الجامعه
و نوب طلعنا انا و طلاب للمحكمة
و جانت تقريباً ساعه تسعه الصبح
الجو جان كلش حار لان نهار صيف
مر الوكت و المحامين واحد يصد و
الثاني يرد واحد يريد المحكم يطلع
و ثاني يريده يبقى بالسجن وما تعرف
الحقيقه عد منو لان محامي الى يدافع
ما يريد يخسر القضيه و محامي الى يكول
ما يستحق طلعه من السجن هم يريد ما
يخسر القضية و يريد ياخذ حق الى نقتل
و بالنهاية تحقق مراد المحامي الثاني و
مقتول اخذ حقه كامل خلصنا من الجلسه
و طلعنا انا و الطلاب بره حتى شوي نرتاح
على الجلسه الثانية

دخلت بنيه بعمر الورد اتصرخ و تكول
اريد احجي ويه القاضي طلع القاضي
من الغرفة الى يرتاح بيه و تقدمت البنيه
علي ركعت جوه رجلي و هو كومها

:- ساعدني

:- ب شنو ساعدج

:- والدي ما ينطيني مصرف ابد وانا عندي طفلة

:- بس انتِ متزوجه مالج حق على والدج
و حتى لو مطلقه هم مالج حق على والدج
لان الى ينطي النفقه والد طفلة

:- مو هاي طفلة صيرت ب ابوي

لحن"

- كل احنا صفنه من كلامها بس القاضي
ما نصدم و اخذها وراحو للمكتب حتى
يحجون بقيت مصدمه من الى سمعته
معقوله اكو هيج شي بهل زمن ولو ما
استقرب من شي بعد اجه واحد من
الطلاب وكعد بصفي

:- شبيج لحن

:- افكر بكلام هاي البنيه

:- لا تستقربين كونج صرتي محاميه
راح تمرين ب هواي امور تصدمج
و اكو امور يمكن ما صدكين هنه
موجودات ب ارض الواقع

:- لا ما استقرب ابد لان انعيش و نشوف

:- يلا كومي نحضر الجلسة ثانيه و نشوف
الصالح منو من جلسة

:- ترى هيه مبينا الحقيقة ليش القاضي
ما ينطق الحكم و يخلص كلشي

:- لازم يشوف كل دلائل يلا ينطق الحكم

:- يلا امشي

لحن"

- دخلنا و جان هستوه القاضي بادي
و هم نفس المرة الاولى يسمع دلائل
الطرفين و اخر شي نطق بالحكم
خلصنا من المحكمه و رجعنا كل
واحد البيته  جنت اخر وحده ترجع
دخلت للبيت تعبانه حيل و مصدومه
من الى صار اليوم جانت الساعه 2
هم مثل كل مره اروح بيها للمحكمة
ما ادري الدكتور الحقير ليش يخلي اسمي
بكل مره على العناد مادري شنو موضوعه