حياة مشوها

part 36

﷽

#حياة_مشوها
بقلمي آزار

عباس الغالبي يكول...
جنت اظنك سنبله تموت اعله مايي
..........

نور:- لا تحلفين ولج احجي شمسويه
خوش لا تحجين انتِ يمه انتِ احجي
رزان شمسوية ليش ما تحجلي

شمس:- شحجي لك يا صخام الوجه منهن

نور:- احجي احجي و ريحيني

لحن"

- حجت له شمس كلشي صار
الهدوء صار سيد الموقف بس
اكيد نور ما راح يسكت مستحيل
يسكت و ما يسوي شي بس يمكن
جان بوكتها مصدوم لا اكثر من هيج
دقايق قليلة من بعد هل هدوء راح
الغرفته جاب اسلاح بيده و ما شفت
شي غير الدم يطاير على وجهي
طلقة مباشره بالراس عم البيا بصريخ
وصوت العالي الى ما ينفهم شي
ضليت صافنه و انا اشوف رزان
بهل شكل كدامي الدم ترس المكان
و ساعات قليلة و الشرطه بالبيت
اخذو نور السجن و شمس دك وتلطم
وانا بعدي ما فهمه شي دخلن نسوان
اثنين يهدن ب شمس و يواسنها
رجعت اليوره حضنت نفسي و عيوني
بعدهن على جثه رزان الى جاي يغطون
بيها و ما اعرف شيسون ما حسيت على
شي بعد غير لمن فتحت عيوني و جانت
ماري فوك راسي كاعده تبجي بسكته

لحن:- شنو صار

ماري:- ماتت زران

شمس:- ضاعو ضااااعووو من ايدي ضاااعووو

لحن"

- جانت رزان ثاني شخص اشوفه يموت
كدام عيني و انا ما بيدي شي اسوي رجعت
الي ذكريات موت امي جان يوم متعب هواي
وما اعرف شلون مر و لا فهمت شي منه ما
سوو فاتحه بس اجت نسوان تعازي شمس
و شمس لا الها صوت ولا حركه بس كاعده
و تبجي بدون صوت بعد يوم من تشريح
لان بعدهي زغيره و اعضائها تفيدهم نطونه
الجثه راحت شمس و كم شخص من الجيران
دفنوها يم ابوها و اجو ثاني يوم الصبح مرات
الايام و حاله شمس بدت اسوء يوم وره يوم
وانا ما بيدي شي اسوي و اجه اليوم الى تكون
بي محكمه نور راحنا انا و شمس و ماري بختصار
كل احنا رحنه بدت المحكمه و القاضي حكم
على نور سجن لا يقل عن ست سنين و جانو
شاكين بي يشرب و لمن سوولها تحليلات طلعت
نسبه كحول بجسمه و سجن سنتين هم على
الكحول بعدين اعترف على كل شخص عرفه
بيت سحر و جان يشرب وياه و قللو عنه ست
اشهر يعني صارت سبع سنين و ست اشهر
مرت ايامنا صعبه حيل و الناس جانت تصدق
علينا و كبرت قبل عمري و كل هذا شمس
جانت تسوي اكل بالبيت و تبيع الجوارين
حتى تكدر تعينا شوي و هم ما تركت دراستي
لا انا ولا ماري ف جنت مجبوره احاول اقلل
من كلشي وما اطلب شي النفسي بس الـ ماري
مرت سنين عمر صعبه و كلشي صار وياي وما
شفت آسر ولا سمعت صوت آسر بعد ست سنين
وكلنا محامي جديد علمود قضيه نور و المحامي
كال يطلع بفلوس يعني يشلون عنه السنه وست آشهر بهل وكت اطرين ابيع بيت عماد حتى اطلع نور و نسكن بيت آسر بعت كلشي ابيت عماد و بعد تعب شهرين كاملات طلع نور بس جان نور شخص مختلف 
جسمه كله وشم و شخصيته ابد مو نور الى عرفنه بس كل هذا وما تغير ويانه بعد ما سكنه بيتي الى هو بيت آسر صرت انام انا و ماري بغرفه آسر و نور هو و شمس ينامون جوه لان شمس اشللت وما كدرن تتحرك بعد