﷽
#حياة_مشوها
بقلمي آزار
سمير صبيح يكول...
و شبر عن النهر اتعب و احفر بير
لان ماريد اطلب حاسب احسابي
..........
دك تلفوني باوعت للاسم جان ابو ليل تفاجأت شنو يريد مني رديت علي...
:- الوو
:- شلونك آسر
:- الحمدلله ليش متصل
:- اريدك ترجع الشغلك
:- كتلك انا ما ارجع بعد
:- بس انا محتاجك هسه اكثر من قبل
و انتَ اكثر شخص اكدر اثق بي بهل وكت
:- ما اكدر ارجع انا اخذت قرار نهائي
و انتَ تعرفني اذا ما يحتاج اكلك بعد
:- و الحل شنو
:- اعتذر ماكو اي حل ياريت ما تتصل عليه بعد
يلا اترخص منك
آسر"
- حجيت هيج و سديت الاتصال
شكو ليش تصل هسه و معقول
يسوي شي لان رفضت ارجع وياه
ما اهتميت الشي و كمت نمت
كعدت مثل كل يوميه على ماري و هيه
تلعب ب لحيتي فتحت عيوني و جانت
الساعه تقريبا تسعه الصبح فركت
عيوني و كعدت...
آسر:- وين اختج حبيبتي
ماري:- كاعده تنظيف بالبيت
آسر:- مو نظفت امس هيه
ماري:- ما اعرف كالت اريد انظف على ما يكعد آسر
- شلتها و طلعت من الغرفة و جانت
لحن تغسل بالبيت و ملابسها نكعه
من فوك اليجوه...
آسر:- بناتي شسوين من الصبح
لحن:- مثل ما اشوف اغسل بالبيت
آسر:- مو امس نظفتي
لحن:- امس نظفت بس ما غسلته
و هسه بديت اغسل بي
ماري:- حنن جوعانه
لحن:- والله اسمي لحن مو حنن
ماري:- حنن احلى من اسمج
لحن:- روح جيب ريوك على ما تجي مخلصه
آسر:- ليش ما كعدتيني ساعدج
لحن:- عليمن اكعدك اشو بيت زغير
يعني وحدي اكدر اخلص بسرعه
آسر:- على راحتج
لحن"
- راح آسر و اخذ ماري وياه و انا
طلعت قفلت لباب وره و رجعت
حتى اكمل التنظيف خلصت كل
التنظيف و كعدت ميته تعب من الهوسه
ما اعرف شعجبه بهل بيت و عاف البيت
الى كامل و شكبره و اجه هنأ
آسر"
- اخذت ماري و صعدت للسياره
راحنا للمحل الى بعيده هواي عن البيت
اشتريت غراض للرجع و ريوك و رجعنا
للبيت طلعت مفتح اريد افتح باب ونسيت
انا مو بيتي الى بالبصره دكيت لباب وطلعت لحن
أنت تقرأ
حياة مشوها
Acak- قصة من مزج الخيال بحداث حقيقية تحمل في سطورها الظلمات - من نبع الظلمات تبدّى حياة اخرى لكن من ممكن ان لا تكون مختلفة عن غيرها لا نعرف مذا تخبئ لنا هذهي السطور - بقلمي آزار تم الكتابه ب تاريخ.....2024,6,20 تم الختام بـ تاريخ.....2024,8,15
