العنقاء ( تم تعديلها )

مقدمة السلسلة

مقدمة السلسلة :
دى مقدمة للسلسلة كلها ودى اللى هكلمك شوية عن السلسلة القصصية ككل ، ومش هتلاقى ( مقدمة السلسلة ) فى باقى القصص ( أو الروايات ، سميهم زى ما تحب يعنى ) أهميتها ايه ؟... أهميتها انك هتفهم ايه هى سلسلة إمرا وبتتكلم عن ايه  ..
اولا اسمها إمرا واللى بمعنى عجيب  ، ودى كلمة ذكرت فى القرآن الكريم في سورة الكهف آخر الايه ٧١ ، اخترتها ليه ؟ ... لأنها كلمة بتعبر عن محتوى السلسلة وأنها خياليه + أن شاء الله تعالى السلسلة دى هتكون من عشر اجزاء ، اتعمل منهم خمس وخلصانين ( ومتوسطين يعنى بيتراوحوا فى عدد كلمات ما بين ١٣ ل ٢١ ألف كلمة يعنى القصة تاخد منك يومين أن شاء الله 😊) وحالياً السادسة شغال فيها ، والسرد والحوار بالفصحة + دى سلسلة قصصية - او روايات قصيرة و متوسطة - خيالية درامية ( بقول عليها قصصية لأن كلمة قصة  أشمل أو بتعبر عن أن دى قصة مش رواية ، يعنى مش مكتوبة لأجل الادب بس لا دى مكتوب لأجل القصة نفسها ومهتم بالقصة اكتر من أن اخليها تحفة أدبية ، لكنهم روايات وفيها ادب أيضا برضو  ) 

ثانيا تصنيف السلسلة كلها هيتمحور حولين الدراما والخيال ، وطبعا فيه فنتازيا وكوميديا واكشن وحزن وسعادة ووو...الخ ، بس عمتا اللى تقدر تقول أو تصنف بيه القصص عمان هيبقى دراما على خيال
ثالثا القصص مربوطة ببعض بتفاصيل صغيرة وتفاصيل كبيرة ، وانا شخص مريض بالتفاصيل وبحبها قوى ( لذالك بعشق breaking bad لأنهم بيهتموا بالتفاصيل الصغيرة ) لكن متخفش مش هطلب منك التركيز المُميت لكن هطلب انك تاخد بالك من التفاصيل
رابعا كل قصه هنتكلم عن شخصية معين وبجانبها هتظهر شخصيات أخرى معاها فى قصتها ، لكن لكل قصة هيكون بطل محدد + الراوى هيكون ادم  ( ودا هتعرفه بعدين ) أو بطل القصة نفسها أو انا ككاتب ، وانا ككاتب مش مش هعدى رواية القصة ليك غير مرة وحدة بس اعتقد أن شاء الله
خامساً ركز فى اسماء الفصول فى كل قصة ، وركز فى بعض الجمل اللى برزعها فى بدايات القصص ، وركز فى الأغلفة ، كل دا هتقدر تحرق بيه على نفسك القصة بدرى بدرى 😂 ، لكن لا طبعا متعملش كدا الا لو عاوز تربط النهاية بتاعت كل قصة بدايتها
سادساً هتلاقى كل السرد والحوار بالفصحى + معلش استحمام اول اتنين من القصص هما كويس خالص بس مش احسن حاجه ككتابة ( لكن يظلوا جيدين ) ، أما التالته فهتلاقيها اتحسن فيها الكتابة بشكل كبير ومن بعدها الرابعة والخامسة بتطور اكتر
سابعا هتلاقى أسلوب الكتابة متأثر ( ومش مقلد وان كان ليا شرف التقليد لكن متأثر بس ) بالدكتور احمد خالد توفيق ( اللى قرتلوا كل اعماله تقريبا ) والدكتور تامر ابراهيم ( الراجل العمدة اللى مش معروف قوى للاسف ) ، دول اكتر اتنين أتأثر بيهم

ثامناً تبدأ السلسلة ازاى وبانهى ترتيب ؟ ... بص ابدا بأى قصة وبأي ترتيب ، بمعنى ابدأ كدا ٤١٥٢٣ أو ٣٥٢٤١ أو أى ترتيب انت عاوزه ، ودى حبيت اعملها عشان تاخد اريحيتك فى الترتيب ، بس هيكون فيه حاجه أن لو بدأت بالخامسة وبعدها الرابعة وكملت كدا ، هو عادى وكل حاجه بس هتحس بأن الموضوع غريب ومش احسن حاجه ، فلذالك انا كمحمد احبذا الترتيب العادى ٥٤٣٢١ ودا هيكون احسن ترتيب ليك واللى هاحسه احسن ( لكن برضو براحتك امشى على الترتيب اللى عاوزه )

تاسعاً اوعدك انك هتعجب القصص وهتعب بيها وهتحبها ، من الحر هتستمتع ، لكن موعدكش بأنهم افضل ما رأت عينك ( ككتابة أو قصة ) لكن اوعدك انك هتلاقى حاجه مختلفة وحقيقى متعوب فيها ( انا بدأت أفكر فى هذه السلسة تقريباً من اربع سنين والموضوع اتطور لحد ما وصلت على هذه الصورة ) وحقيقى هتستمتع بالاحداث والقصص أن شاء الله

عاشرا احب اشكرك من كل قلبى انك وصلت ، واتمنى انك تدعمنى بكل ما تستطيع وجزاك الله الجنة وجزانا اجمعين أن شاء الله يارب