السلام عليكم ورحمه الله وبركاته
قررت النهاردة افتح درجى ( هما على التليفون بصراحة 😂) واشاركم قصصى ❤️
واسف لو البوست طويل ، بس اتمنى تقرا البوست يعنى 🙏🏻 ، حتى لو هتقرا قراية سريعة بس خد فكرة 🙂😊
اسم السلسة إمرا واللى بمعنى عجيب ، ودى كلمة ذكرت فى القرآن الكريم في سورة الكهف آخر الايه ٧١ ، اخترتها ليه ؟ ... لأنها كلمة بتعبر عن محتوى السلسلة وأنها خياليه + أن شاء الله تعالى السلسلة دى هتكون من عشر اجزاء ، اتعمل منهم خمس وخلصانين ( ومتوسطين يعنى بيتراوحوا فى عدد كلمات ما بين ١٣ ل ٢١ ألف كلمة يعنى القصة تاخد منك يومين أن شاء الله 😊) وحالياً السادسة شغال فيها ، والسرد والحوار بالفصحة
دا سلسلة إمرا قصصية - او روايات قصيرة و متوسطة - خيالية درامية ( بقول عليها قصصية لأن كلمة قصة أشمل أو بتعبر عن أن دى قصة مش رواية ، يعنى مش مكتوبة لأجل الادب بس لا دى مكتوب لأجل القصة نفسها ومهتم بالقصة اكتر من أن اخليها تحفة أدبية ، لكنهم روايات وفيها ادب أيضا برضو ) ، نتكلم عن كل قصة منفردة باختصار بقى :
١- العنقاء
دى ممكن الفكرة تكون اتعملت قبل كدا بس دى مختلفة شوية لأنها بتفتح عالم أمرا اللى هتتمحور حواليه السلسة ولأنها افتتاحية السلسلة فكان لازم يكون فيها غموض زيادة ، عدد كلماتها زيادة عن 17 ألف ، ممكن متعجبش بأدم (البطل) بس هتحب بعدين اكيد + ممكن تحس الكتابة مش احسن حاجه بس عشان كانت أول وحدة فسمحنى بقى
٢- الغول :
دى برضو للوهلة الأولى هتحسها فكرتها اتعلمت لكنها مختلفة كذالك لأنها بتسعمل الحاجات اللى فى فى العالم دا ، زى قوى غريبة ( مش خارقة ) وهتحب الغول اكيد ، كلماتها تزيد عن 14 ألف ، هنا الكتابة اتحسنت
٣ - صانع الاحلام :
دى فكرتها مش مستخدمة كتير بل ومختلفة جدا عن اى حاجه سمعتها عن الاحلام ، دى كلماتها ١٣ ألف ، والكتابة اتحسنت بشكل كبير جدا فيها
٤- المَعْلُول :
دى درامية اكتر من خيالية بس اوعدك انك هاحب موسى بطل القصة ، وهتحب الأحداث ، كلمتها ودى اطول قصة فى اخواتها تقترب من 21 ألف ، والكتابة مش اتحسنت دى تطورت جدا عن الباقى
٥- من المستقبل للمستقبل :
دى بقى فكرتها مستحيل تكون شوفتها قبل كدا لأن انا اللى هابد النظرية اللى قائمة عليها القصة 😂 ، هتحبها جدا ومش هتحس بملل ، كلماتها تزيد عن 18 ألف ، والكتابة بقت احسن عن ذى قبل برضو ، ودى من اكتر اللى تعبت فيها
٦- ذو اللون القرمزى :
دى لسه هتتكتب + وهينزل فصولها مجرد ما الفصل بتكتب + والى اللى هيبقى البطل دا الراجل العمدة الفاجر اللى هيغير السلسلة كلها حرفيا
نتكلم عن السلسلة بشكل عام بقى :
+ تصنيف السلسلة كلها هيتمحور حولين الدراما والخيال ، وطبعا فيه فنتازيا وكوميديا واكشن وحزن وسعادة ووو...الخ ، بس عمتا اللى تقدر تقول أو تصنف بيه القصص عمان هيبقى دراما على خيال
+ القصص مربوطة ببعض بتفاصيل صغيرة وتفاصيل كبيرة ، وانا شخص مريض بالتفاصيل وبحبها قوى ( لذالك بعشق breaking bad لأنهم بيهتموا بالتفاصيل الصغيرة ) لكن متخفش مش هطلب منك التركيز المُميت لكن هطلب انك تاخد بالك من التفاصيل
+ كل قصه هنتكلم عن شخصية معين وبجانبها هتظهر شخصيات أخرى معاها فى قصتها ، لكن لكل قصة هيكون بطل محدد + الراوى هيكون ادم ( ودا هتعرفه بعدين ) أو بطل القصة نفسها أو انا ككاتب ، وانا ككاتب مش مش هعدى رواية القصة ليك غير مرة وحدة بس اعتقد أن شاء الله
+ هتلاقى كل السرد والحوار بالفصحى + معلش استحمام اول اتنين من القصص هما كويس خالص بس مش احسن حاجه ككتابة ( لكن يظلوا جيدين ) ، أما التالته فهتلاقيها اتحسن فيها الكتابة بشكل كبير ومن بعدها الرابعة والخامسة بتطور اكتر
+ هتلاقى أسلوب الكتابة متأثر ( ومش مقلد وان كان ليا شرف التقليد لكن تناثرت بس ) بالدكتور احمد خالد توفيق ( اللى قرتلوا كل العمالة تقريبا ) والدكتور تامر ابراهيم ( الراجل العمدة اللى مش معروف قوى للاسف ) ، دول اكتر اتنين أتأثر بيهم
+ تبدأ السلسلة ازاى وبانهى ترتيب ؟ ... بص ابدا بأى قصة وبأي ترتيب ، بمعنى ابدأ كدا ٤١٥٢٣ أو ٣٥٢٤١ أو أى ترتيب انت عاوزه ، ودى حبيت اعملها عشان تاخد اريحيتك فى الترتيب ، بس هيكون فيه حاجه أن لو بدأت بالخامسة وبعدها الرابعة وكملت كدا ، هو عادى وكل حاجه بس هتحس بأن الموضوع غريب ومش احسن حاجه ، فلذالك انا كمحمد احبذا الترتيب العادى ٥٤٣٢١ ودا هيكون احسن ترتيب ليك واللى هاحسه احسن ( لكن برضو براحتك امشى على الترتيب اللى عاوزه
+ اوعدك انك هتتعلق بالقصص وهتعجب بيها وهتحبها ، من الاخر هتستمتع ، لكن موعدكش بأنهم افضل ما رأت عينك ( ككتابة أو قصة ) لأنها مستحيل يكونوا كدا 🙂 لن اكيد مش هوصل للفيل احسن القصص فى التاريخ يعنى 😂 ، لكن اوعدك انك هتلاقى حاجه مختلفة وحقيقى متعوب فيها ( انا بدأت أفكر فى هذه السلسة تقريباً من اربع سنين والموضوع اتطور لحد ما وصلت على هذه الصورة ) وحقيقى هتستمتع بالاحداث والقصص أن شاء الله
+ للتفاصيل الزيادة بقى 😀 خش على الواتباد وافهم اكتر وابدأ اقرر بقى 🙂 ، وهسيب البنك فى التعليقات أن شاء الله تعالى
اخيرا اتمنى انك تدعمنى بكل ما تستطيع وجزاك الله الجنة وجزانا اجمعين أن شاء الله يارب ❤️
