محمد : هيما بحت بحت
إبراهيم : كنك يا راجل
محمد : بحت الطرف إلا خشت المحل توا
إبراهيم : تي فوتني و فكني من وجيجك
محمد : اوكي اوكي تو نطيحها انا
إبراهيم : وجك هي
خش محمد ورا البنت في المحل و حاول ينابشها و يعطي رقمه بس البنت و لا كآنها تشوف فيه و طلعت من المحل بكل
و هيا طالعه جت عينها في عين إبراهيم بس مشت ع طول لأنه باتها يراجي فيها في السياره
إبراهيم : شن صار يا برو
محمد : ما عبرتنيش
إبراهيم : وجك وجه تزليط اصلا
محمد : بس نقانها صاروخ
إبراهيم : هيا نفسها إلا طلعت توا ؟
محمد : أها
إبراهيم : تي باهي مش انت مصاحب اصلا مالك و مالها
محمد : تي هذك أم النكد و نبي نفوتها
إبراهيم : واطي من يومك
محمد : طالعلك
إبراهيم : هيا باه اركب السياره الشباب يراجو فينا في المقهى
محمد : هيا باه
ركب إبراهيم سيارته و كان يشوف في البنت و هيا مع باتها و تضحك و أول ما طلعو ب السياره مشى وراهم
محمد : تي وين ماشي يا راجل مش من هنا المقهى
إبراهيم : سكر فمك بس
محمد : مش هذه نفسها سيارة بات البنت
إبراهيم : أها
محمد : شن في رأسك بس
إبراهيم : نقانها خشت خاطري
محمد : دير جوك يا معلم
قعد إبراهيم يمشى ورا السياره عند ما عرفها وين تسكن و بعدها مشى للمقهى
و طول الوقت يذكر في شكل البنت و كيف تضحك و حركاتها
كانت بنوته ناعمه بكل و ستايلها أنيق بس رافعه خشمها
هدرز إبراهيم مع الشباب و كان يفكر كيف يبي يتعرف عليها و مرات تكون مرتبطه اصلا
بعد روح للحوش اتصل ب محمد
محمد : شن تبي يا را دوبنا كنا مع بعضنا
إبراهيم : البنت يا احميده ما حولتش من رأسي
محمد : هههههه قتلك من إلاول صاروخ ما تضيعهش
إبراهيم : تبي تقعد تحكي صاروخ ما صاروخ نفوت القصه بكل
محمد : ههههه لا خلاص
إبراهيم : شن ندير باه
محمد : مش انت عرفت حوشها خلاص امشي أسأل غادي و لا دير أي لقطه
إبراهيم : خلاص تم بكرا في الصبح نمشي
محمد : اول مره نشوفك هكي يا فرخ
إبراهيم : وجك باهي
سكر إبراهيم و هو يفكر كيف يبي يمشي و من يسأل و هوا ما يعرفش حتي اسمها
ناض تاني يوم و اتصل ب محمد و اتفقو يتلاقو عند حوش البنت
و بالفعل جا محمد و لقى إبراهيم غادي
محمد : خير يا برو
إبراهيم : تي ساعه يا طير عشان تجي
محمد : هههه كنت مع الحب في الجامعه
إبراهيم : خزي يا معفن
محمد : ع أساس جايين هنا عشان نقرو فاتحه
إبراهيم : ههههه ما نلعبش ب بنات الناس انا
محمد : باهي توا شن نبو نديرو
إبراهيم : مش عارف بس سيارة باتها مش قاعده
محمد : تعال نسالو الشايب هذا باه
إبراهيم : السلام عليكم يا عمي
الراجل : و عليكم السلام تفضل
إبراهيم : و الله شن نقولك نبي نسأل ع بنت تسكن هنا
الراجل : شفتك من بدري تبرم و حايس أن شاء الله خير بس
إبراهيم : انا إبراهيم و حاب نسأل ع بنت باتها سيارته عاليه و لونها أسود
الراجل : أها قصدك الاستاد عوض
إبراهيم : رآه راجل مش كبير في العمر
الراجل : تمام عرفته و انا البواب متاعهم و اسمي عبدالله
إبراهيم : تشرفنا يا عمي
عبدالله : باه ما قلتليش شن قصتها البنت و شن تبيها
محمد : لا غير أخته تقرأ معاها
إبراهيم : أها و تبي منها شوية حاجات
عبدالله : باه شن اسمها
ابراهيم : شن نقولك تي نسيته بكل الاسم
عبدالله : هن 3 بنات بس وحده متخرجه و دكتوره
محمد : لالا مش دكتوره
إبراهيم : أها أصغر يعني
عبدالله : أها معناها سلسبيل
إبراهيم : و الاخره من
عبدالله : الأخيره تقرأ في الإعدادي
محمد : اوكي معناها سلسبيل
عبدالله : تقرأ سنه تانيه جامعه
إبراهيم : ايواه هي هذ
محمد : صحيت يا عمي
عبدالله : مش تبو حاجات ع قولتك
إبراهيم : خلاص تو نجيب اختي بعدين
و مشو محمد و إبراهيم و عبدالله قعد مستغرب و مشي دق الباب
كان حوشهم كبير بكل بس مش فيلا
رن الجرس و فتحتله أصغر بنت
عبدالله : صباح الخير يا سموحه
سمر : صباح النور يا عمو
عبدالله : سلسبيل قاعده صاح ؟
سمر : أها قاعده ، تبيها ؟
عبدالله : ياريت
سمر : هيا لحظه نكلمها
خشت سمر و دورت سلسبيل و كانت ما تسمعش فيها لأنه السماعات في وذنها
سمر : اسو ساعه ندور فيك
سلسبيل : نعم يا روحي
سمر : عمو عبدالله يبيك برا
سلسبيل : هيا باه تو ننزل
نزلت سلسبيل و في عقلها تقول شن يبي عمو البواب مني !
سلسبيل : صباحو يا عمو
عبدالله : صباح النور
سلسبيل : سمر قالتلي انك تبيني
عبدالله : أها ! يا بنتي تو جو شابين و يسالو عليك
سلسبيل : من هما ؟
عبدالله : و الله واحد فيهم قال اسمه إبراهيم و لآخر مش عارف
سلسبيل : باهي كنهم
عبدالله : قالو ع أساس أخت إبراهيم تقرأ معاك بس ما تريحتلهمش
سلسبيل : مش مذكره وحده من صحباتي عندها خو اسمه إبراهيم
عبدالله : ردي بالك ع روحك يا بنتي
سلسبيل : حاضر يا عمو
خشت سلسبيل و تفكر من هذوم و كنهم يسالو عليا و شن يبو مني ! زعمك منو
°•° • ° • ° • ° • ° • ° • ° • ° • ° • ° • ° • ° • ° • ° • ° • ° • ° • ° • ° • ° • ° • ° • ° • °
سلسبيل بنت مواليد 94 و تقرأ في جامعه و تخصصهآ طب ، ستايل بكل و ماعندهش ع وجيج الشباب
أختها الكبيره اسمها سندس و هيا دكتوره اطفال
و أصغر وحده اسمها سمر و تقرأ سنه 3 إعدادي
باتها اسمه عوض و كان أستاذ في جامعه برا ليبيا
الأم اسمها امينه و متخرجه من كلية الاقتصاد بس ما تشتغلش
° • ° • ° • ° • ° • ° • ° • ° • ° • ° • ° • ° • ° • °
امينه : اسو مع من كنتي تحكي ع الباب ؟
سلسبيل : مع عمو عبدالله
امينه : كنه ؟
سلسبيل : مش عارفه قال في شابين يسالو عليا
امينه : شن يبو
سمر : بالك يبو يخطبوها ههههههه
سلسبيل : هههههه سامطه
سمر : انخطبي و ريحينا نفس سندس
سلسبيل : مش عارفه شن قصتهم
امينه : يستر الله و خلاص
|~ | ~ | ~| ~ | ~ |~ | ~ | ~ | ~ | ~ | ~ | ~ | ~ | ~ | ~ | ~ | ~ | ~ | ~ | ~ | ~ | ~ |
محمد : هيما شن تبي ادير توا !
إبراهيم : نبي نعرف في أي كليه تقرأ و نحكي معاها شخصيا
محمد : كان نمشو لحوشهم آخره تو يشك فينا البواب
إبراهيم : هههههه شكله زقاب بكل
محمد : هههههه مركز معنا طلع
إبراهيم : باهي توا ع وين
محمد : عندي شوية مواضيع نبي نجيب بضاعه للمحل و هكي
إبراهيم : خلاص امشي و انا نبي ندير طله ع المكتب و نشوف هلي
محمد : تم بيناتنا آلو يا طير
إبراهيم : تم يا معلم
° • ° • ° • ° • ° • ° • ° • ° • ° • ° • ° • ° • ° • ° • ° • ° • ° • ° • ° • ° • ° • ° • ° • ° • ° • °
إبراهيم شاب غني و عيلتهم فوق الريح ، متخرج من كلية الهندسة و مواليد ال 83
عنده أخت وحده اسمها اميره و تقرأ في الثانوي
و طبعا أمه مدلعته بكل سواء هوا سواء أخته
و باته ديما مسافر برا
و هوا ماسك مكتب باته
| ~ | ~ | ~ | ~ | ~ | ~ | ~ | ~ |~ | ~ | ~ | ~ | ~ | ~ | ~ | ~ | ~ | ~ | ~ | ~ |
محمد صاحب إبراهيم من و هما في الثانوي بس متاع وجيج و ما في بنت ماهو مصاحبها
سمح و فلوس و مواليد 83 حتي هوا
يعني حلم أي بنت بس هوا طبعا يمشي معاهن بالجو بس و ما عمره حب أي بنت
وحيد هله و باته نفس بات إبراهيم و حتي هما أصحاب
° • ° • ° • ° • ° • ° • ° • ° • ° • ° • ° • ° • ° • ° • ° • ° • ° • ° • ° • ° • ° • ° • ° • ° • ° •
كانت سلسبيل في دارها و تفكر في القصه و في الشابين و دق باب دارها و كانت سندس و معاها سمر
سندس : اوه اسو من الشباب
سلسبيل : ههههه وصلتها لكي البصاصه
سمر : ههههههه
سندس : باه شن قصتهم
سلسبيل : تي ما نعرفش بس عمو عبدالله قال ما تريحتلهمش
سندس : حي علينا
سمر : كنك
سندس : رآه يخطفوك و لا شي حاجه
سلسبيل : هههههه عليك جو أفلام عايشه فيه
سمر : لا معاها حق و البلاد اصلا مش تمام
سلسبيل : يستر الله
و طلعن البنات و ساعدن امهن و جا باتهم و تغدو
و خشت سلسبيل و سمر و قعدن يقرن
●●●●●●●●●●●●●●●●● ● ● ● ● ● ● ● ● ● ● ● ● ● ● ● ● ● ● ● ● ● ● ● ● ● ●
إبراهيم : يا أمي وينك
سميره : كنك تعيط شن في
إبراهيم : أميره وين
سميره : عند صاحبتها
إبراهيم : مش قتلها ميه مره ما تطلعش في هالوضع إلا يخوف
سميره : شالها باتك و قريب تروح خلاص
إبراهيم : باه انا نبي نخش ناخد دوش و نرقد بعد اتجي أميره خليها تنوضني نبيها
سميره : باه حاضر
بعد ساعه تقريبا روحت أميره و قالتلها امها انه إبراهيم يبيها و خشت تنوض فيه
أميره : هيما هيما نوض
إبراهيم : بالي روحتي يا ابله
أميره : هههههه كنك بسم الله
ابراهيم : تي البلاد مش تمام و انتي ماشيه ل صاحبتك
أميره : تي قريبه منا
إبراهيم : باهي ع العموم نبيك في موضوع
أميره : موضوع شنو
إبراهيم : في بنت ......
