طلعو و روحو من هنا ، و أحمد قعد يدور في سلسبيل و يبرم عند شافها مقعمزه في الباركي
أحمد : سلسبيل ؟
سلسبيل : نعم
أحمد : دازتيلي شباب يهددو فيا !
سلسبيل : شن قاعد تقول انت ؟
أحمد : كيف ما سمعتي ، أنا آخر الوقت ايجو شباب و يهزبني و آخره يهددو فيا عشان خاطر بنت
سلسبيل : اكيده في سوء تفاهم
أحمد : قولي مش موافقه بلا هالطروح إلا اديري فيهن ، خزي و خلاص
و مشى و سيبها ، سلسبيل معش قدرت تمسك روحها و قعدت تبكي ، انقهرت بكل ، استاذها يحكي معاها بطريقه هذه ، اكيده إبراهيم حاكي معاه
طلعت فونها و اتصلت ب أميره ، بس ما رديتش اذكرت أنها في المدرسه
حظرت محاضرتها و روحت و جوها مش تمام بكل و كرهت إبراهيم بشكل غريب و قررت أنها ه ترفضه
~
~
~
سندس : اسو فونك يرن من بدري
سلسبيل : منو ؟
سندس : أميره
سلسبيل : آلو
أميره : اهلين اسو
سلسبيل : اهلين
أميره : شن جوك
سلسبيل : تمام
أميره : لقيتك رانه عليا
سلسبيل : نبي نحكيلك ع إلا داره خوك في الجامعه
أميره : شن دار ؟
سلسبيل : ماشي للأستاذ متاعي و نعرفش شن قايل ع العموم جا الاستاد و قعد يفترش ، قالي اديري في طروح و خزي " و خنقتها العبره "
أميره : ما اديريش هكي في روحك تي فوتي
سلسبيل : قولي لخوك يفوتني ، معش نبيه
أميره : غير اهدي بس
سلسبيل : كيف ما سمعتي معش نبيه كرهته خلاص
أميره : باه تمام
سلسبيل : نبي نمشي نقرأ توا
أميره : تم ، ديري بالك ع روحك باي
سلسبيل : حتي انتي سلام
~'~
'~'
~'~
أميره : ماما هيما وين
سميره : توا طلع ، ليش
أميره : لا غير نبيه يشيلني ل صاحبتي بس
سميره : قولي لباتك و لا شوفي السواق
أميره : تو نرن ع هيما هوا عارف الحوش اصلا
سميره : باه براحتك
رنت أميره ع إبراهيم و صوت هرجه حداه و عرفتش كيف تحكي معاه و في المغرب روح
إبراهيم للحوش
إبراهيم : ميرو وينك
أميره : نعم
ابراهيم : بدري رنيتي عليا و كنت في زحمه ما سمعتش شي
أميره : أها ، كنت نبيك تشيلني ل سلسبيل
إبراهيم : أها بس عليش تبي تمشيلها ؟
أميره : بدري تبكي كانت
إبراهيم : كنها ؟
أميره : الاستاد متاعها مش عارفه شن قايلها
إبراهيم : حي ع أمه و حي
أميره : كله منك
إبراهيم : هاتي نقالك
أميره : شن تبي فيه
إبراهيم : هاتي الخرا
أميره : هاك
رن إبراهيم ع رقم سلسبيل ، يرن يرن و بعدها ردت
سلسبيل : اهلا يا حبي
إبراهيم : اهلين يا روحي
سلسبيل : منو ؟
إبراهيم : إبراهيم يا الحب
سلسبيل : أها ، كنك شن تبي ؟
إبراهيم : نبي نعرف الحيوان أحمد شن دآرلك ؟
سلسبيل : ما دارلي شي و فوتني
إبراهيم : نفوتك ؟
سلسبيل : أها خليني في حالي ، تي من وين طلعتلي انت
إبراهيم : شكله عاجبك الاستاد ؟
سلسبيل : لا عاجبني لا شي ، نبيك تطلع من حياتي بس "و بدت تبكي "
إبراهيم : اسسس ما تبكيش
سلسبيل : حرام عليك، قعدت نخاف حتي لم نقعد في الحوش ، نحس فيك تراقب فيا
إبراهيم : انا نبيك كنك انتي ؟
سلسبيل : و انا ما نبيكش ما نبكيش سيبني في حالي " و سكرت الخط في وجه "
قعدت سلسبيل تبكي من جد جدها مع خشت سندس
سندس : اسووووو كنك ؟
سلسبيل : ما كني شي
سندس : تي شن في ؟
بدت تحكيلها سلسبيل ع القصه من الأول ، من عند ما جتها أميره و حكتلها ع خوها عند ما إبراهيم تعارك مع أحمد
سندس : أها
سلسبيل : شن رأيك في الموضوع؟
سندس : كان يبيك يجي أقل حاجه قدام ماما و بابا و بعدين ساهل
سلسبيل : هو يبي يجي بس عارفه بابا هيرفض
سندس : أقل شي يبان انه يبيك رسمي
سلسبيل : بس انظني بعد إلا قلته له معش يدورني بكل
سندس : عطيني رقم أميره بس
سلسبيل : شن تبيها
سندس : مش شورك انتي هاتيه بس
سلسبيل : 092*******
سندس : تو نرن عليها
رنيت أكثر من مره و ما ردتش لين دزتلها مسج مكتوب فيه " ردي يا أميره انا سندس اخت سلسبيل "
و أول ما وصل المسج رنت أميره ع سندس على طول
أميره : اهلين يا سندس
سندس : اهلين أميره كيف حالك؟
أميره : الحمد لله ههههه سامحيني غير ما نردش ع أرقام غريبه
سندس : هههههه و لا يهمك
أميره : شن جو سلسبيل و سمر
سندس : كويسات ، بس نبيك في موضوع
أميره : تفضلي أن شاء الله خير!
سندس : حكتلي اسو ع قصه إبراهيم خوك
أميره : أها تمام
سندس : كان يبيها جديات يجيب هلك مفروض
أميره : و الله كان ع هيما رآه خاطبها من أول يوم غير سلسبيل قالت باتك تو يرفض
سندس : أها عشان مازالت تقرأ ، بس أقل حاجه يجي يعطي كلمه ، حتي لو صار ما صار و حد شافه يقولو خطيبها
أميره : خلاص تم ، تو نحكيله و نرد عليك
سندس : زعمك مازال يببها ؟
أميره : أها اكيده
سندس : بدري سلسبيل انفصلت عليه
أميره : أها قالها ليا بس متفهم موقفها
سندس : باه تمام
أميره : خلاص بيناتنا اتصال
سندس : أن شاء الله
~
~
~
أميره : ماما
سميره : نعم
أميره : شن رأيك نمشو نخطبو ل هيما البنت إلا يبيها
سميره : مش قلتو هلها ما يعطوش بناتهم إلا بعد يتخرجو
أميره : نعطو فيها كلمه بس
سميره : قولي لباتك و انا ما عنديش اعتراض
أميره : باه بابا وين
سميره : برا بس قريب يروح
أميره : آهو صوت الباب انفتح اكيده هوا
إبراهيم : السلام عليكم
سميره & أميره : و عليكم السلام
أميره : نحسابك بابا
إبراهيم : مازال في المكتب ، شن تبيه
سميره : نبو نمشو نخطبولك
إبراهيم : تخطبو من ؟
أميره : سلسبيل
إبراهيم : لا فوتي الموضوع
أميره : تي كيف نفوته تعال بس نبيك في الدار
إبراهيم : نشرب شاهي و نلحقك
~
~ أميره : تي ساعه عشان تجي
إبراهيم : كنك شن تبي
أميره : كلمتني سندس
إبراهيم : أخت سلسبيل؟
أميره : أها
إبراهيم : كنها ؟
أميره : سلسبيل موافقه عليك و تبيك تجي تعطي فيها كلمه
إبراهيم : احلفي ؟
أميره : و حق ربي
إبراهيم : و كنها بدري تقول ما نبيكش و هكي
أميره : كانت مضايقه بس
إبراهيم : تمام تو يجي باتي و نقوله
أميره : انا حكيت مع ماما و موافقه
ابراهيم : تم خلاص الحمد لله كل حاجه تو تمشي تمام
أميره : نمشي نرن ع اسو و نبشرها
إبراهيم : سلميلي عليها
أميره : حاضر
~
~
~
أميره : خيرات يا حبي
سلسبيل : اهلين يا روحي
أميره : مبروك يا عسل
سلسبيل : الله يبارك فيك بس عليش؟
أميره : خلاص هيما يبي يجيك رسمي
سلسبيل : جديات ؟
أميره : أها ، توا حكيت معاه و نراجو في بابا عشان نحددو الموعد
سلسبيل : تمام خلاص خليكي ع اتصال بيا
أميره : هههههه اول باول يا حنه
سلسبيل : منوره
أميره : بوجودك
'
'
'
سميره : ميرا تعالي آهو باتك جا
أميره : آهو جايه ، هيماااا تعال
ادريس : شن في
سميره : العيال يبوك
إدريس : أن شاء الله خير
أميره : خير يا بابي
إدريس : خيرات
إبراهيم : اوو إدريسو جا
سميره : نبو نمشو نخطبو ل هيما
إدريس : بنت عوض ؟
إبراهيم : أها
إدريس : ع خيرة الله
أميره : يعني نتصل ب البنت
إدريس : أها و قوليلهم امتو يفضو نجوهم
أميره : باه
إبراهيم : صبي كلميها توا هيا ♡_♡
أميره : حاضر
و مشت أميره و كانت فرحانه بكل و رنت ع سلسبيل
أميره : رورورووروري يا حبي
سلسبيل : باتك وافق ؟
أميره : تي هوا موافق اصلا
سلسبيل : تمام
أميره : أمتي قاعدين نجوكم
سلسبيل : ههه مش عارفه
أميره : بعد بكرا شن رأيك ؟
سلسبيل : تمام كويس
أميره : خلاص قولي لهلك
سلسبيل : تم
أميره : سلام
سكرت أميره و مشت قالت لهلها انه بعد بكرا يمشو و من الفرحه إبراهيم ما قدرش يرقد و طلع من الصبح للعمل و مع الساعه 10 اتصل ب محمد و مشو لجامعه
محمد : تي مش أمس كنا هنا ؟
إبراهيم : أها و نبي أحمد
محمد : شن تبي فيه؟
إبراهيم : تي يا راجل تعرض للمدام
محمد : اوووه مدام مره وحده
إبراهيم : ماشي بكرا شايل هلي
محمد : حي ع التطورات
إبراهيم : قول لامك عشان تمشي معاهم
محمد : تم يا برو
إبراهيم : العب ، آهو أحمد
محمد : أستاذ أحمد ؟ لحظه
أحمد : شن تبو آخره
ابراهيم : مش قتلك فوت البنت
أحمد : انا بروحي فتتها و معش نبيها
محمد : و ليش متعرضلها
أحمد : لا تعرضتلها لا سو بس كنت نحسابها بنت محترمه بذات نعرف باتها
إبراهيم : محترمه غصبن عنك يا ،،،، " و كره من السوريه متاعه "
محمد : فوته يا راجل
إبراهيم : عليا الطلاق نعرف انك جاي شورها ما تلوم إلا روحك
محمد : هيا نطلعو
~
~
~
طلعو الشباب من الجماعه و استاد أحمد مشى شور الاداره و يسأل ع رقم الاستاد عوض ، بحكم انه كان يقري برا و جا فتره هنا معروف بين الدكاترة و هكي
ع العموم حصل الرقم و رن عليه
أحمد : السلام عليكم
عوض : و عليكم السلام
أحمد : استاد عوض صاح ؟
عوض : أها تفضل يا خويآ
أحمد : بنتك سلسبيل تقرأ في العرب الطبيه ؟
عوض : أها كنها ؟
~
~
~
امينه : سلسبيل كنك ما مشيتي لجامعه ؟
سلسبيل : ما عنديش نيه
امينه : باهي تعالي ساعديني في المطبخ
سلسبيل : حاضر هيا و نبي نفتح معاك موضوع
امينه : موضوع شنو؟
سلسبيل : في عرب يبو يخطبوني
امينه : من هما !
سلسبيل : خو صاحبتي و عيله ما شاء الله و يعرفو بابا
امينه : إلا فيه خير يقدمه ربي
سلسبيل : يبو يجو بكرا رآه
امينه : حي حي كيف نبو انلحقو
سلسبيل : عادي تو نجيبو جاهز
سندس : صباح الخير من يبي يجي
امينه : عرب ل اختك
سندس : أها مبروك
سلسبيل : ههههه يبارك فيك
امينه : كيف نبو نديرو باهي
سندس : تو نقول و لعمو عبدالله يجيب الحاجات
سلسبيل : تو نكتبله في ورقه شنو نبي
امينه : باه بسرعه
ركبت سلسبيل لدارها فوق و قعدت تكتب في الحاجات
و فجأه تسمع في صوت باتها يناديلها بصوت عالي
عوض : سلسبيل سلسبيل وينك
امينه : شن في كنك تعيط
نزلت سلسبيل تجري
عوض : بنتك تبي تجيبلي العار
سلسبيل : بابا
عوض : تعالي هنا " و عطاها كف "
سندس : بابا شن في ؟
امينه : كنك مع البنت ؟
عوض : آخر الوقت بنتك تصيع و تضيع مع شلتت
سلسبيل : بابا و الله مش هكي
عوض : سكري فمك
امينه : تي منو هذوم
عوض : الجامعه معش في و طلوع معش تحلمي بيه
آمينه : سلسبيل احكي
سلسبيل : و حق ربي ما درت غلط
عوض : و تحلفي آخره " و ضربها آخره "
سلسبيل : بابا " و طاحت "
!!!!!!!!!!!!!!!!!!!!!!!!!!!!!!!!!!!!
