إبراهيم : أنسه سلسبيل
سلسبيل : نعم
إبراهيم : من هذا إلا كنتي معاه
سلسبيل : و انت شن دخلك اصلا و من حضرتك
إبراهيم : جاوبي من هذا ، صاحبك صاح
سلسبيل : شن قاعد تخرط انت ، كذا فوتني
إبراهيم : و الله كان يطلع يبيك و لا يدحنس تي و حق ربي نوريه
سلسبيل : بصفتك شنو توريه ؟
ابراهيم : بصفتك هتكوني ليا انا بس
سلسبيل : غير انت من قبل
إبراهيم : انا إبراهيم آل،،،،،
سلسبيل : إبراهيم خو ميرا ؟:O
إبراهيم : أها
سلسبيل : أها اهلين
إبراهيم : اهلين بيك ، شنجوك و شن دايره ؟
سلسبيل : الحمد لله و انت
إبراهيم : تمام ، بس من هذا إلا كنتي معاه ؟
سلسبيل : الأستاذ متاعي
إبراهيم : و شن كان يبي منك
سلسبيل : و انت شن دخلك
إبراهيم : احكي كويس خيرلك
سلسبيل : كان يسأل فيا ع الامتحان بس " مش عارفه ليش كذبت بس خفت منه "
إبراهيم : أها ، باه بس مره آخره معش في تصباي مع ذكور
سلسبيل : اااا أأأ أن شاء الله
ابراهيم : أمتي مروحه ؟
سلسبيل : توا نبي نرن ع بابا
إبراهيم : تمام و انا هنكون وراكم بالسيارة
سلسبيل : عليش ، و قصدك انت إلا تلحق فينا، رآه بابا فطنلك أكثر من مره
إبراهيم : خليه يفطن عشان نطلبك منه رسمي
سلسبيل : معرفه سعيده
إبراهيم : انا أسعد ي الحب ^_*
اتصلت سلسبيل ب باتها و قعدت تراجي فيه ، و تذكر في كل كلمه قالها لها إبراهيم
سلسبيل : ما كنتش متوقعته هكي ، راجل و جذاب ، بس شكله عصبي بكل ، حي عليا كني نفكر فيه ، زعمك عجبني ، بس لالا نبيش نفكر في حب و جو ، بس ما شاء الله عليه يجنن بكل ، و غيرته تهبل ، بس واعر شوي ، باهي ليش كذبت عليه ع قصه الأستاذ ييييييي عليا
'
'
في الوقت هذا إبراهيم كان يبحت فيها من بعيد و متأكد انه عجبها ، من ملامح وجها ، براءة فيها مش عآديه و بنت عسل ،
جا باتها و ركبت معاه و طبعا إبراهيم وراهم و هيا مره مره تبحت فيه في المرايا
كان إبراهيم قريب يطير من الفرحه خلاص حكى مع حبيبته
رن ع محمد و طلعو برمو في البلاد و شرو شوية دبش و جو
° • ° • ° • ° • ° • ° • ° • ° • ° • ° • ° • ° • ° • ° • ° • ° • ° • ° • ° • ° • ° • ° • ° • ° • ° • ° • °
سندس : اسو روحتي
سلسبيل : لا مازلت غادي
سمر : حي ع الحناطه
عوض : هيا حطن الغداء
امينه : حاضر هيا سندس تعالي ساعديني
سندس : آهو جيت
سلسبيل : سمر تعالي نبيك فوق
سمر : هيا هي
مشت سندس مع أمها للمطبخ و خش عوض يغير في دبشه و سمر ركبت مع سلسبيل لدار
سمر : شن في احكي
سلسبيل : عارفه أميره !
سمر : أها كنها ؟
سلسبيل : اليوم جاني خوها في الجامعه و حكى معايا
سمر : حي عليك
سلسبيل : يهبل بكل ♡_♡
سمر : هههههه كبدتي و لا شنو
سلسبيل : ههههه لالا
سمر : باه شن يبي ؟
سلسبيل : يبي يخطبني
سمر :يبيك جديات ؟
سلسبيل : أها
سمر : شن قلتيله
سلسبيل : شي
سندس : شن قاعدات تحكن
سلسبيل : شي شي
سندس : باه الغداء واتي هيا
سلسبيل : ما عنديش نيه انا
سمر : أها اسو شبعانه
سندس : واكله في الجامعه ؟
سمر : واكله طرف توكس يهبل بكل
سلسبيل : و الله بارده
نزلن و تغدو و سلسبيل تفكر في إبراهيم ، بعد كملو الغداء و خشن رقدن
ناضت سلسبيل ع صوت فونها ، و لقتها أميره
سلسبيل : اهلين يا حبي
أميره : اهلين ب كنتنا " و كانت فاتحه السبيكر و إبراهيم جنبها "
سلسبيل : ههههههه ، شنجوك
أميره : تمام و انتي
سلسبيل : الحمد لله ، شنجو هيما
أميره : هيما ؟ حي حي
سلسبيل : قصدي إبراهيم يا سامطه
أميره : نفخلي راسي عشان نكلمك
سلسبيل : هههه نجيه ي ربي
أميره : حي حي في تطورات و لا شنو
سلسبيل : ههههه ما دخلكش
أميره : باهي باه ، منو باه إلا كنتي مصبيه معاه
سلسبيل : الأستاذ متاعي
أميره : أها ، كنه باه ؟
سلسبيل : يبي يخطبني قال
أميره : حي ع أمه يخطبك كيف
سلسبيل : انا بروحي انصدمت من كلامه
أميره : رآه قلتيله مخطوبة
سلسبيل : عرفتش شن نرد عليه
أميره : ردي بالك ي اسو انتي لنا رآه
سلسبيل : يستر الله
أميره : باهي نبي نسكر ، هيما يبيني
سلسبيل : تمام ، نتلاقو بعدين
أميره : تم ، تشاو
~
~
~
إبراهيم : ه الحيوان هذا من شكله دحناس
أميره : وسع بالك
إبراهيم : و تكدب عليا و تقول يسأل فيها ع الامتحان تي و حق ربي نطربقها ع رأسه
أميره : هيما عاد مش هكي القصه
إبراهيم : خطيني توا
و طلع إبراهيم و مشى لحوش محمد و طلعو للمقهى و قعد يدخن في ارقيله و يفترش في الدوه
إبراهيم : انا اديريلي قرون آخر الوقت
محمد : يا راجل الموضوع مش مستاهل
إبراهيم : نبي نعرف ليش كدبت عليا
محمد : بالك عشان هيا مش موافقه عليه اصلا
إبراهيم : تو نوريه ، عقاب سنكوح
محمد : يا را ارزن أستاذ هذا
إبراهيم : أستاذ ع روحه أزف
محمد : شن تبي ادير باهي
إبراهيم : بكرا ماشيله في الجامعه و تو يشوف كيف يدوي مع المدام
محمد : تو انت متأكد انها تبيك !
إبراهيم : أها
محمد : غير استهدى ب الله و طلع الراجل من رأسك
إبراهيم : اخرته طلقه في نص رأسه
محمد : إبراهيم من أمتي نتعاملو بسلاحنا ؟
إبراهيم : يا راجل راقيلي بكل
محمد : تو نمشو نحكو معاه و نقولوله البنت شورنا خلاص
إبراهيم : و كان ما بش !
محمد : ساهل بعدين
إبراهيم : باهي توا نبي نروح عشان نصحصح بكرا
محمد : نوصلك باهي ؟
إبراهيم : تشوف فيا سكران و لا شنو
محمد : باهي هيا
طلعو من المقهى و كل واحد مشى لحوشه ، طبعا اول ما طلع إبراهيم من الحوش أميره اتصلت ب سلسبيل لأنها خافت إبراهيم يدير شي حاجه
أميره : هلو يا سمحه
سلسبيل : هلوات يا سمحتي
أميره : شن جوك !
سلسبيل : تمام و انتي
أميره : تمام أها
سلسبيل : صوتك مش تمام ، كنك ؟
أميره : لما كنت نحكي معاك إبراهيم كان جنبي
سلسبيل : باه و بعدها
أميره : خلاني نفتح السبيكر عشان يبي يسمع صوتك
سلسبيل : حي عليا و حي
أميره : و الله نيتي كانت صافيه
سلسبيل : عارفه يا حبي ، بس اكيده سمع قصة الاستاد !
أميره : أها و انفصل بكل و قعد يقول عليك كذابه
سلسبيل : لما هوا جاني خفت لما سألني عليه ما عرفتش شن نقوله و قتله يسأل ع الامتحان بس
أميره : أها تمام ، باهي انتي تبيه الاستاذ؟
سلسبيل : ما عمريش فكرت فيه أساسا
أميره : تمام بكل ، و ردي بالك ع نفسك
سلسبيل : ميرا تخوفي فيا هكي رآه ، ابراهيم يبي يدير حاجه ؟
أميره : لالا بس افطني و خلاص
سلسبيل : تم ان شاء الله
~
~
~
بعد وصل إبراهيم للحوش طلعتله أميره
أميره : هيما نبيك في موضوع
إبراهيم : فوتني نبي نرقد
أميره : انت ظالم سلسبيل
إبراهيم : سكري فمك و خشي جوا
أميره : حرام عليك رآه
إبراهيم : امييييييره
أميره : خلاص باه
~
~
~
تاني يوم ناض إبراهيم و رن ع محمد و طلعو شور الجامعه
قعدو يبرمو عند شاف سلسبيل دوبها جايه ، شويه هكي و مشى هوا و محمد و صبي قدامها
إبراهيم : صباح الخير " و عيونه قريب يطلعن "
سلسبيل : صباح النور
إبراهيم : هذا صآحبي محمد
محمد : صباح الخير
سلسبيل : اهلين بيك ، صباح النور
إبراهيم : من الأخير شن اسمه الأستاذ إلا أمس ؟
سلسبيل : عليش ؟
إبراهيم : نبيه بس
سلسبيل : و رأس إبراهيم ما نبيش مشاكل
إبراهيم : شن اسمه ؟
محمد : ما تخافيش نبوه في موضوع بس
سلسبيل : اسمه أحمد ال،،،،،،،
إبراهيم : تمام ، بس نبي نعرف ليش كدبتي عليا؟
سلسبيل : مش قصة كدبت بس ارتبكت و عرفتش نرد
إبراهيم : موافقه عليه ؟
سلسبيل : هوا مجرد استاد بس بالنسبه ليا
إبراهيم : تمام
محمد : هيا باهي !
إبراهيم : هيا ، ردي بالك ع روحك يا اسو ^_*
سلسبيل : حاضر و حتي انت :$
محمد : يا عليك قصه هيا
إبراهيم : هيا
~
~
~
محمد : توا بنقولو يا من
إبراهيم : نشوفو الاداره
محمد : باه
مشو و قعدو يبرمو قريب ساعه و سالو عليه و طلع يعطي في محاضره و عرفو المكان و قعدو يراجو فيه عند الباب
بعد نص ساعه كملت المحاضره و طلع استاد أحمد محمد : لو سمحت يا استاد أحمد ، لحظه بس
أحمد : نعم تفضل
إبراهيم : كيف حالك يا أحمد
أحمد : الحمد لله، تحضرو معايا انتو ؟
محمد : لا متخرجين
أحمد : في شن نساعدكم باهي
إبراهيم : سلسبيل ! فوتها
أحمد : نعم ؟
إبراهيم : كيف ما سمعت
محمد : البنت عاطيين فيها كلمه هل إبراهيم
أحمد : بس هيا ما قالتش هكي
إبراهيم : الخلاصه ، تبي تفوتها و لا لا -_-
أحمد : عدي العب بعيد
إبراهيم : لا نبي نلعب معاك ، تعرف مزرعة ،،،،، تعال بعدين و تشوف اللعب شن شكله :)
أحمد : شكلك سكران انت ، وين الأمن بس ؟
إبراهيم : امن ! هههههه نقاني خفت :D
محمد : ههههه شكلنا بنستعملو السلاح رسمي :D
أحمد : سلاح ؟
إبراهيم : و طبعا بلاد تهبل ، يعني نقتلك ما يندري عليك واحد :)
أحمد : اصلا البنت ما نبيهاش
محمد : ههههههه تمت القصه يا هيما هيا :D
إبراهيم : تعجبني يا استاد :D
طلعو و روحو من هنا ، و أحمد قعد يدور في سلسبيل و يبرم عند شافها مقعمزه في الباركي
أحمد : سلسبيل ؟
سلسبيل : نعم
أحمد : ، ، ، ، ، ،
