قعدو يهدرزو عند الساعه 1 و بعدها كل واحد ركب سيارته و طلع للحوش
فى نص الطريق سياره سكرت ع إبراهيم في نص الشارع و نزلو منها 3 شباب
إبراهيم : شن في أن شاء الله!
واحد منهم : انت إبراهيم إدريس ؟
إبراهيم : أها تفضل شن تبي
الآخر : تو تشوف شن نبو
و بدو يضربو فيه ، يضربو يضربو عند ما إبراهيم قعد ينزف من خشمه و رأسه
بعد طاح في الوطا هربو و سيبوه
قعد طايح قريب ربع ساعه عند خطمت عليه سياره
نزل منها الشاب بسرعه و اسعفه للمستشفى
قعد يدور في بطاقته و النقال متاعه
شاف النقال و كان آخر شي مسج طبعا متاع سلسبيل
الشاب كان اسمه مصطفي قعد يفكر يفكر و ما عرفش شنو يدير
دز مسج لرقم سلسبيل مكتوب فيه
" آسف يا اختي بس آخر حاجه لقيتها منك ، أنا لقيت الشاب صاحب النقال طايح في الشارع و ما عرفتش نتصرف شلته للمستشفى و يا ريت تساعديني ، ما قدرتش نرن عشان الوقت متأخر "
تم التسليم الرساله */
~
~
~
سندس : صوت فون من هذا
سلسبيل : فوني راجي نشوف من منو ، حي من هيما
سندس : شن كاتب
سلسبيل : هيييييماااا
سندس : كنه ؟
سلسبيل : داير حادث و لا مش عارفه شنو
سندس : هاتي نشوف
سلسبيل : حي عليا راح فيها الراجل
سندس : اسكتي بس
سلسبيل : نرن ع أميره ؟
سندس : تو تفجعيهم الساعه قريب 2 توا
سلسبيل : محمد تو نقول لمحمد
سندس : محمد منو ؟
سلسبيل : راجي بس نكتب مسج للشاب
" انا خطيبته بس ما نقدرش نقول لهله توا ما نبيش نفجعهم و ياريت تشوف رقم واحد اسمه محمد ، كلمه و تو يجيك "
وصل المسج ل مصطفي و دور رقم محمد و اتصل بيه ع طول
محمد : ها يا برو حلك رايفت عليا
مصطفي : اهلين يا خويآ انا مصطفي
محمد : تفضل يا استاذ !
مصطفى : شن نقولك و الله لقيت صاحب النقال مضروب و طايح في الشارع
محمد : شن قاعد تحكي انت !
مصطفى: كيف ما سمعت و دزيت مسج لخطيبته و هيا قالتلي نكلمك
محمد : تم في أي مستشفى قاعد ؟
مصطفى: في 1200
محمد : تم توا جايك
~
~
~
سندس : اسو بطلي بكاء
سلسبيل : ما زلت ما فرحت بيه
سندس : الله غالب تي ادعيله بلا ه البكاء
سلسبيل : سندس و الله نحبه
سندس : أن شاء الله يكون كويس
سلسبيل : أن شاء الله يا رب
سندس : صبي صلي و ادعيله
صبت سندس و سلسبيل قعدن يصلن و سلسبيل تبكي من جد جدها خلاص تعلقت بيه قعدت تدعي عند الفجر
في الوقت هذا كان محمد في المستشفي مع مصطفي
كان محمد يبي يبكي بس ماسك روحه و مصطفي فطنله
مصطفى: يا راجل كنك ما في شي
محمد : هذا رفيقي من و نحن صغار كان جت فيا انا عادي بس إبراهيم لا
مصطفي : ساهله أن شاء الله
محمد : تعبانك معانا تقدر تروح خلاص وقت
مصطفي : تلز فيا يا معلم و لا كيف
محمد : لا غير نبيك تتريح
مصطفي : لا منور متريح انا هكي بس ضروري نمشو نديرو بلاغ
محمد : تي إي بلاغ في هالبلاد الخاربه
مصطفى: نقانك صدقت توا يقتلوك و لا يخطفوك ما حد يدورك
محمد : عمار يا سي
مصطفي : رسمي عمار
محمد : آهو الدكتور طلع
مصطفي : طمنا يا دكتور
الدكتور : الحمد لله حالته استقرت
محمد : فيه جروح و هكي !
الدكتور : في وجه مش واجد أكثر الضرب كان في الضلوع بس ما فيش كسور
محمد : تمام الحمد لله
مصطفي : الحمد لله
مشى الدكتور و خشو ع إبراهيم بس كان راقد و حطينله تغذيه
مصطفي : اكيده خطيبته مشغوله عليه
محمد : كيف نسيتها أزف
مصطفي : أهو النقال
خذا محمد النقال و كتب جا يبي يكتبلها مسج و لقى سلسبيل اصلا دازه مسج " بالله يا خويآ طمني ع إبراهيم كيف صار فيه ؟ "
كتبلها محمد " انا محمد يا سلسبيل و إبراهيم كويس و انا قاعد معاه غير راقد توا "
وصل المسج ل سلسبيل و فرحت شويه انه كويس و رقدت بعد الفجر طشه و كل شويه تبحت في الفون مرات هيما يكون متصل و لا هكي
سمر : صباحو كنك واعيه بدري
سلسبيل : صباح النور لا شي غير راقده بدري
سمر : اسو كنك عيونك دموع " و مشت اضبطتها "
سلسبيل : هيما في المستشفي
سمر : شن في
و حكت سلسبيل ل سمر اللي صار أمس و قعدت تمسح في دموعها عند ما رنت عليها أميره
سلسبيل : صباحو يا حبي
أميره : اسو هيما في المستشفي
سلسبيل : كنه شن في ؟ " ما تبيش اتبين أنها عارفه "
أميره : مضروب من جماعه أمس في الليل
سلسبيل : أن شاء الله خير ما تبكيش بس
أميره : تمام باه غير قلت نقولك " حست انها بارده و مش مدوره خطيبها "
سلسبيل : سلام
~
~
~
سمر : كنك تحكي معاها هكي ؟
سلسبيل : لو عرفت انه عندي علم من أمس كانت هتزعل و ادير قصه و لو طولت معاها المكالمه كنت ه نبكي و نبيش نبان اني ضعيفه
سمر : باه تمام انا ماشيه نلبس الباص قريب يجي
سلسبيل : حيييييييي
سمر : كنك
سلسبيل : هيما يرن
سمر : ردي باه
سلسبيل : مرات محمد صاحبه مش هوا
سمر : آهو فصل يا هبله
سلسبيل : عادي خير ما نحصل هزيبه بعدين
و هيا تحكي جاها مسج " نعليا انا و خلاص ردي يا مراتي "
سمر : من منو
سلسبيل : من حبيبي
و رن آخره و : الفرحه ردت ع طول
إبراهيم : صباح الخير يا حبي
سلسبيل : هيما
إبراهيم : كنك تبكي أزف
سلسبيل : كويس انت توا
إبراهيم : تي ب7 ارواح انا
سلسبيل : خفت عليك
إبراهيم : قالوها الشباب و حاسديني عليك
سلسبيل : بيبي
إبراهيم : عيونه و روحه
سلسبيل : توعدني ما تسيبنيش ؟
إبراهيم : وعد يا عمري ما يفرقنا غير الموت
سلسبيل : تهنا يالي فيك نموت
إبراهيم : نعليا
سلسبيل : كانت تحكي معايا أميره
إبراهيم : أها الدايخ محمد كلمهم و توا باتي في الطريق و امي تبكي و قصه
سلسبيل : حتي انت وحيدهم عاد
إبراهيم : سوستي
سلسبيل : شنو هذه عاد
إبراهيم : هذا الدلع الجديد
سلسبيل : باه حلو بكل
إبراهيم : باه يا سوستي نبي نحكي معاك وجه لوجه ^_*
سلسبيل : عليك و ع بابا
إبراهيم : باه تمام بعد نطلع من المستشفى تو ندير رأي
سلسبيل : تم
إبراهيم : هيا باه سكري الشباب خشو الدار
سلسبيل : نحبك رآه :$
إبراهيم : حتي انا و حق ربي نحبك
~
~
~
طلع إبراهيم من المستشفى و قعدو الناس يجوهم و حوشهم ما يفضاش بكل
و طبعا قعد ع اتصالات هوا و سلسبيل و مره مره يجيها في الجامعه و يحكي شويه
عند جا يوم عيد ميلادها كان يوم 25 / 4
طبعا السنه هذه في 2014 يعني
ع العموم جاها في الجامعه و كان موتي كل حاجه هوا و محمد و سندس بدون علم سلسبيل
و الساعه 12 في الظهر جاها
سلسبيل : اوو بيبي نورت
إبراهيم : هذا نورك يا عيون البيبي ^_*
سلسبيل : حي بيبي محمد جاي من بعيد
إبراهيم : سوستي نحبك را
سلسبيل : حتي انا
جا محمد و كانت سندس ورا سلسبيل و هيا مش فاطنه
عيطت سندس من وراها عشان تفجعها :O
كانت ماسكه انبولات و محمد جايب التورته
سلسبيل مصدومه و تبحت في هيما و تقوله نحبك ♡_♡
إبراهيم : كل سنه و انتي معايا :*
سلسبيل : و انت معايا يا روحي :$
محمد : كل سنه وانتي طيبة يا مرات خويآ :D
سلسبيل : و انت طيب تسلم :D
سندس : كل عام وانتي بخير :*
سلسبيل : و انتي بخير :*
قطعو التورته و وزعو منه في الجامعه ع أي حد يخطم و طبعا أحمد كان يبحت فيهم من بعيد
إبراهيم دار روحه فاته و نسى الموضوع بس يخططله في حاجه قاعد
روحت سلسبيل و كانت قريب اطير بس مستغربه انه هيما ما جابلهش هديه
صاح المفاجأة كانت حلو بس كان في أبسط حاجه يجيبلها هديه
نزلت لوطا مع هلها لأنهم دايرين حفله بسيطه و طبعا عازمه أميره
بعد جت أميره جايبه معاها تورته آخره و قالتلها من هيما
قعدو يهدرزو طشه و بعدها طفو الشمع و تمنت "أنه ربي ما يفرقش بينها و بين هيما إلا في الموت "
روحت أميره مع الساعه 10 و نص و جوهم كان حلو
قعدت سلسبيل ترن ع هيما و مآ يردش
سلسبيل : اكيده صايره معاه حاجه حي :(
سندس : عليك فال بالك مش فاضي
سلسبيل : من قبل اول ما نرن يعطيني مشغول و يعاود ع طول
سندس : من الصبح و هوا معاك و جاب أخته هنا خلي الراجل يتنفس شويه -_-
سلسبيل : كان انتي خالد يكلم فيك مره وحده في اليوم انا متعوده ع هيما كل شويه يكلمني :( زعما داير حادث :O
سندس : خطيني توا :D
قعدت ترن عليه من الساعه 11 عند الساعه 11:30
فقدت الأمل قالت رسمي في حاجه
مع الساعه 12 رن عليها
سلسبيل : هيما وينك :O
إبراهيم : اس و اطلعي من روشن دارك
مشت سلسبيل تجري و فتحت الروشن بسرعه
كان واقف لوطا هوا و محمد
و فجأه بدن الألعاب النارية و سلسبيل دموعها ينزلن بروحهن
" ع الفون "
إبراهيم : اسسس يا هبله :D
سلسبيل : مش مصدقه :'(
إبراهيم : نحبك و رأس امي :D
سلسبيل : ربي يخليك ليا :*
إبراهيم : و ليا يا رب
سلسبيل : خلاص امشي بطل فضايح :D
إبراهيم : في عينك انزلي خوذي هديتك
سلسبيل : بعد هذا كله مازال في هديه O.o
إبراهيم : أها بسرعه انزلي
سلسبيل : حاضر تو نحاول بابا قاعد اصلا
إبراهيم : نراجي فيك :*
خشت تجري لبست الوشاح و دارت شوية بودره و لمعه و نزلت يشوبه
فتحت الباب و طبعا فطنلها عبدالله غير داير روحه حول :D
إبراهيم : نعليا من هالسماحه :*
سلسبيل : بسرعه قبل ما عمو يفطن :D
إبراهيم : هاكي البوكس هذا و الورد
سلسبيل : نجك ليا واجد يا روحي
إبراهيم : خلاص خشي و بعد تشوفيهن رني عليا " و باس يدها :* "
سلسبيل : حاضر :$
~
~
~
و هيا خاشه بشويه شافها باتها
