تاني يوم العيد كلم إبراهيم سلسبيل و قعدو يحكو عند الساعه 12 و ع أساس يبو يرقدو
سكر إبراهيم و قعد في السرير ما قدرش يرقد عند الساعه 1
رن ع سلسبيل لقاها انتظار
إبراهيم : العب مع من انتظار هذه مش تبي ترقد قالت
رن عليها آخره و مازالت انتظار
~
~
~
سمر : اسو اسو نوضي
سلسبيل : شن في كنك
سمر : كنت نحكي ب فونك و هيما خش انتظار
سلسبيل : حي عليا و حي
سمر : أسفه
سلسبيل : شن نبي نقوله توا
سمر : قوليله سمر كانت تحكي مع ولد خالي
سلسبيل : 100 مره قتلك في الليل ما تحكيش
سمر : ديرولي فون و معش ناخده متاعك
سلسبيل : باهي خليني نحكي مع هيما و نفهمه
و قبل ما ترن عليه جاها مسج منه مكتوب فيه " زيد شلطي ع الفون معاه يا حنه بس آنسي حاجه اسمها إبراهيم و من اليوم انتي حره لا عندك خطيب لا سو "
سلسبيل : وووه عليا حي
سمر : كنك ؟
سلسبيل : يحسابني نحكي مع واحد
سمر : رني عليه بسرعه
سلسبيل : قافل نقاله
سمر : كله مني
سلسبيل : تو نكلمه بكرا في الصبح و نشرحله
سمر : أسفه و الله
سلسبيل : فوتي خلاص
رقدت سمر و سلسبيل غير تفكر في إبراهيم و شن تبي تقوله و هل ه يصدقها و لا لا !
تاني يوم في الصبح ترن عليه مره مقفل و مره خارج نطاق التغطية
و طول اليوم تحاول توصل فيه ما صار شي
مسكر ايميله ع الفيس و مش باين بكل
كلمت سلسبيل أميره و حكتلها إلا صار و ع أساس أميره تبي تحكي ل إبراهيم بعد يروح لأنه طالع من الصبح و ما روحش
~
~
~
محمد : بالك فاهم غلط كنك انت
إبراهيم : الساعه 1 انتظار يا احميده واضحه و لا ع أساس كانت نعسانه و تبي ترقد
محمد : خلاص يا راجل بطل شرب
إبراهيم : فوتني خليني سكران هكي و روح
محمد : ما نيش مسيبك بروحك في نص الليل و المزرعة بعيده أزف
إبراهيم : خانتني يا رفيقي " و قعد يبكي "
محمد : تبكي ! من أمتي تبكي و ع بنت آخره و يمكن تكون ظالمها
إبراهيم : شن ناقصها بس راجل شاريها و يحبها ليش تخون فيا
محمد : إبراهيم أزف اسكت و الله ما نتحمل دموعك
إبراهيم : نبي نرقد انا خليني نبكي عند نرقد
محمد : مصطفي جاي هنا رآ
إبراهيم : مصطفي من !
محمد : اللي سعفك مره أصلي بكل و صاحب صح
إبراهيم : مرحبتين بيه
محمد : أميره ترن
إبراهيم : كان سألت عني قوللها راقد
محمد : تم
~
~
~
محمد : الو يا حبي
أميره : اهلين يا روحي
محمد : شنجوك
أميره : مش تمام
محمد : كنك شن في ؟
أميره : هيما من الصبح طالع عند توا ما روحش و نقاله مقفل
محمد : أها ما تخفيش قاعدين في المزرعة
أميره : باهي الحمد لله ، كويس هوا ؟
محمد : أها تمام و راقد توا
أميره : باه تمام " كانت ما تبيش تخشش محمد في مواضيع سلسبيل و إبراهيم "
محمد : حبي صاحبنا الآخر جا بعدين نكلمك
أميره : تم يا روحي
~
~
~
مصطفي : اووووو احميده شن حالك يا طير
محمد : اهلين يا برو نورتنا
إبراهيم : انستنا يا بوفا
مصطفي : منورين و الله
ابراهيم : تفضل تشرب معاي ؟
مصطفى : لا صحيحه مش شوري الخبر هذا
محمد : حتي نحن مش شورنا غير لما تضيق بينا نشربو
مصطفى : أن شاء الله خير بس
إبراهيم : احميده ولع التلاوي
محمد : زمر عليك قصه
مصطفی : تو نولع من نقالي انا
" ليش البكاء يا عين ، يا عين فيها خيره ، كان ما قسم ربك يسهل غيره
كفي البكاء هنيني ؛ ديري عزايم و اصبري يا عيني . لا تجبدي الماضي و لا تشقيني ، هذه أحكام الله و امقاديره "
إبراهيم : هيوالله
محمد : اسمع هذه تمشي معاك
" انتي باغيه واحد يكون دمو بارد ساكت ديما جامد "
إبراهيم : و حق الله بارد
محمد : اضحك لدنيا تضحكلك
و قعدو ساهرين للفجر و سلسبيل غير تبكي و ترن عليه مقفل
~
~
~
سلسبيل : سندس حاسه روحي بنموت بدونه
سندس : صاح إلا صار غلط بس انتي إلا عليك درتيه و شكله هوا ع سبله
سلسبيل : يغار عليا عارفته
سندس : له يومين توا شنو هذا عاد
سلسبيل : عادي باه نمشيلهم في الحوش ؟
سندس : عنجد هذه و خلاص
سلسبيل : خلاص نحبه و مسحوره فيه نبيش حاجه غيره
سمر : اسو كله مني
سلسبيل : نبي هيما
سندس : خلاص بطلي بكاء
سلسبيل : مش قادره نقعد دقيقه بدون ما نسمع صوته افهمي
~
~
~
قعد إبراهيم و محمد أسبوع كامل في المزرعة و سلسبيل كل يوم تضعف أكثر و مش قادره تتحمل أنها تعيش بدونه
عند يوم داخت و شالوها المستشفي و جتها أميره غادي بس كان باتها جايبها مش إبراهيم
و في اليوم هذك بعد روحت أميره لقت إبراهيم في الحوش و حكتله إلا صاير مع سلسبيل
و قرر يكلمها بس عشان يطمن عليها لأنه مقتنع أنها خاينه
~
~
~
إبراهيم : آلو
سلسبيل : حبيبي وينك هذا كله و الله قريب نموت بدونك
إبراهيم : انا كلمتلك عشان نقولك لابأس بس حاجه آخره لا
سلسبيل : أفهم باه شن صاير و الله مش انا يا هيما
إبراهيم : انا كنت واثق فيك و حبيتك بصدق بس نوعيتك ما ينفعش فيهن
سلسبيل : هيما شن قاعد تحكي انت
إبراهيم : قهرتني و حرقتي قلبي
سلسبيل : هيما و الله نحبك و مستحيله نخونك
إبراهيم : ما عنديش ما نقولك غير أني مش مسامحك و اطلعي من حياتي يا بنت الناس
سلسبيل : بيبي كنك تي سمر كانت تحكي مع حبيبها
إبراهيم : تشوفي فيا بقروني عشان نصدق تي عدي اضحكي ع غيري
سلسبيل : ما تبيش تصدقني ؟
إبراهيم : أها
و سكر في وجها ، انهرت سلسبيل و معش قدرت تمسك روحها
خلاص حبيبها و خطيبها سيبها ، مجرد انه شك فيها و مش واثق اصلا
قعدت ساكته و ما قلتش لهلها انه سيبو بعضها ، كان عندها أمل انهم يردو لبعضهم
و مشن قريب 10 أيام و هما ع نفس الحال مره مره تبعتله في مسجات بس ما يردش عليها
و في يوم كانت سندس فاتحه الفيس و تتصفح
سندس : بنات تعالن أجرن
سمر : كنك ؟
سلسبيل : شن في !
سندس : جايبين جثث الناس المقتوله اليوم في وحدين ب الغلط و وحدين في الرأس
سمر : كذا نشوف
سندس : حرام شباب
سلسبيل : حي عليا ووووووووووووووه هيما
سندس : كنك ؟
سلسبيل : صورة هيما و حق ربي هيما
هيما قتلوه حي عليا و حي قتلو حبيبي
سندس : تي وين صورته
سلسبيل : اللي لابس أسود و حق ربي هوا
امينه : كنك تعيطي
سلسبيل : يا مما قتلو هيما و ووواك عليا هيما يا ماما راح يا سندس قتلوه خذوه مني
سمر : اس بالك واحد يشبهله
سلسبيل : نعرفه من بين 1000 راجل و رأس بابا هيما هذا حبيبي خلاص خذوه يا ربي ليش
امينه : راجي نتصل ب باتك
و كلمت امينه عوض و قاللها قاعدين في المستشفي يتعرفو ع الجثه و طلعت جثت إبراهيم صاح
و خذت سلسبيل فونها و ترن ع إبراهيم و تلقي فيه مقفل
سلسبيل : فونه مقفل خلاص معش يرد عليا ليش يا ربي ليش خذيت حبيبي
و اتصلت ب أميره و لقتها تعيط و حالتها حاله و لبست ع طول و مشو لحوش إبراهيم و أول ما وصلو كان محمد قدام الباب و يبكي
محمد : ليش يا رفيقي مش قتلي مستحيله نمشي و نخليك بروحك ، آهو حتي انت مشيت نفسهم ليش يا إبراهيم ليش تمشي يا رب صبرك يا رب خوذني حتي انا
سلسبيل : محمد أسس ما تبكيش يا هبل هيما عايش تو يجي
محمد : سلسبيل و الله قبل ما يطلع قالي نحبها قولها لها يا احميده ، كان حاسس انه معش هيقولها لكي
سلسبيل : كنك تخرط انت تي هيما وعدني مستحيله يسيبني
و خشت جوا و قعدت تبكي مع أميره و سميره
أميره : هيما خلاص راح يا سلسبيل
سلسبيل : مش قادره نصدق انه سيبني
أميره : خويآ قتلوه ربي يحرقهم كيف ما حرقو قلبنا
سلسبيل : نبي هيما نبي نشوفه
قعدت سلسبيل تبكي و تعيط تبي تشوفه و مشت للمستشفى و شافاته
قعدت تضبط فيه و تخبط فيه ع صدره
نوض يا هيما انت عارفني نموت بدونك و رأس هيما هيا روح معايا ما نحبش المستشفى انا
قعدت تبوس فيه ع رأسه و تبكي من جد جدها
عند جا باتها طلعها و روح بيها
و هيا مش قادره تستوعب انه خلاص مات و سيبها
كل يوم في الليل ترن عليه بس تلقى فيه مقفل و ع الفيس معش يفتح
تشوف في كل حاجه جابها لها و تبكي كل يوم
كل شويه تتخايل فيه قدامها ، مرات تشوف فيه معاهم يهدرز و يبصر و يضحك
هلها بدو يخافو عليها ، قعدت كآنها مريضه بيه و مش قادره تعيش بدونه
قعدت سلسبيل تحكي مع روحها
سندس : اسو كنك حبيبتي مع من تحكي ؟
سلسبيل : مع هيما حبيبي
سندس : هيما مات من شهر افهمي
سلسبيل : تي آهو قاعد قدامك بحتي بس :×
سندس : اسو و الله خايفين عليك
سلسبيل : هيمتي رد عليها عشان تصدق انك عايش
~
~
~
سندس : ماما خايفه ع اسو نحس فيها مش طبيعيه
امينه : الله غالب شن نبي ندير
سندس : ضروري تتعالج رآه
امينه : باتك يبي يطلعها برا
سندس : أن شاء الله خير
~
~
~
سلسبيل : سموره عارفه لما نحساب هيما مات خفت بكل
سمر : ليش
سلسبيل : نحسابها مات و هوا مش مسامحني
سمر : أها
سلسبيل : آخر مكالمه قال مش مسامحك بس لما يجيني الأيام هذين جونا تمام بكل
سمر : أمتي يجي !
سلسبيل : عندي بكري كان هنا و قالي سلمي ع البنات
سمر : اسو من جدك انتي ، تي هيما مات كنك انتي ؟
سلسبيل : هههههههه بعيد السو عليه انا نموت بدونه و قلبه يموت و ينحرق
~
~
~
محمد : أميره كيف حالك
أميره : الحمد لله علي كل شي
محمد : تبو تي حاجه انا موجود
أميره : تسلم ، صوتك تبكي !
محمد : مش مستوعب انه رفيق عمري راح
أميره : و الله حتي انا عند توا مش مصدقه
محمد : دنيا معفنه بس ربي ينصر الحق و يأخذ حق المظلومين و الا انقهرو بسببهم
أميره : آمين يا رب
محمد : مازلتي تحكي مع سلسبيل ؟
أميره : أها يا حرام حالها يوجع بكل
محمد : كنها ؟
أميره : تقول انه هيما عايش و تشوف فيه و يحكي معاها
محمد : فوزت رسمي شكلها
أميره : ربي يكون معاها
*
*
*
و بعد كم يوم طلعو برا البلاد بس ما زالت سلسبيل نفس ما هيا
~|*سترافقك لعنه من السماء مادام ذلك القلب كان يحترق بسببك*| ~
