فتحت الباب و طبعا فطنلها عبدالله غير داير روحه حول
إبراهيم : نعليا من هالسماحه
سلسبيل : بسرعه قبل ما عمو يفطن
إبراهيم : هاكي البوكس هذا و الورد
سلسبيل : نجك ليا واجد يا روحي
إبراهيم : خلاص خشي و بعد تشوفيهن رني عليا " و باس يدها "
سلسبيل : حاضر :$
و هيا خاشه بشويه شافها باتها
عوض : سلسبيل شن اديري برا توا
سلسبيل : بااااباااا اااا غير عمو عبدالله جايبلي حاجات ع عيد ميلادي
عوض : الساعه 12 معقوله ؟
سلسبيل : ما حصلش وقت بدري بس
عوض : باهي خلاص خشي ارقدي
سلسبيل : تصبح ع خير
عوض : قدامك الخير
ركبت لدار تجري و شافت البوكس و كان فيه ساعه و عطر و فستان أسود قصير و ورد مجفف غير باقه الورد
سلسبيل : سمر شوفي شوفي
سمر : الفستان خيال
سندس : حي حي ما شاء الله
سمر : ذوقه يهبل طلع
سلسبيل : ههههه نجيه ليا و خلاص
سندس : صبي جربي الفستان
سلسبيل : هيا هي
و جربت الفستان و جا عليها من غادي و يهبل بكل و اتصلت ب إبراهيم و قعدو يحكو عند الفجر
كان مازال ع خطبتهم أقل من شهر
قعدو يوتو في الحاجات و مشى الوقت بسرعه و ع أساس الخطبه كانت بعد امتحانات الجزئي بس إبراهيم قعد ساكن عند قربو الموعد قبل الامتحانات ب أسبوع
قعدت سلسبيل تطلع كل يوم تشري في دبش و شوية حاجات
مره مره كانت تتفق معاه يتلاقو في المحلات و جوهم قعد يهبل
~
~
~
سندس : اسو شن تبي تلبسي بكرا
سمر : البسي الفستان الأحمر اللي شريته جديد
سلسبيل : هيما يبيني نلبس الأسود إلا جابه ليا خاطره يشوفه عليا :$
سندس : يا عليك جو
سمر : قلة أدب خزي
سلسبيل : ريحي روحك انتي وياها
سمر : باهي شوفي فونك صوته يرن
سندس : اكيده حبيب الألب
~
~
سلسبيل : احممم آلو
إبراهيم : احممات يالحب
سلسبيل : شنجوك
إبراهيم : تمام و انتي
سلسبيل : تمام بس متوتره شويه
إبراهيم : تي خلاص بكرا تقعدي خطيبتي قدام الناس كلها
سلسبيل : أها بس خايفه
إبراهيم : خايفه من شن
سلسبيل : منك
إبراهيم : مني انا كيف ؟
سلسبيل : خايفه بعد هذا كله تسيبني
إبراهيم : تي نسيب عينك انتي روحي يا هبله
سلسبيل : توعدني باه
إبراهيم : يا عليك قصه قتلك 100 مره ما يفرقنا غير الموت
سلسبيل : و انا خايفه من الموت ياخذك مني
إبراهيم : سكري ع أم الموضوع كذا
سلسبيل : حاضر باه
إبراهيم : وتيتي كل حاجه !
سلسبيل : أها كل حاجه تمام
إبراهيم : بكرا تلبسي الفستان و اتحطي من العطر را
سلسبيل : حاضر :$
إبراهيم : شن رأيك بالمره نقرو الفاتحه
سلسبيل : أقرأها بروحك
إبراهيم : تي نحكي جد
سلسبيل : بابا هيرفض حتي سندس عند توا خطبه بس قال الفاتحه في أسبوع العرس
إبراهيم : باه تمام بعد تكملي السمستر نطلعو العرس
سلسبيل : لالا بعد ما نتخرج
إبراهيم : في عينك انتي طب مازالك 70 سنه
سلسبيل : 70 صار
إبراهيم : باه هيا امشي ارقدي محمد خش انتظار
سلسبيل : تبو تطلعو توا قصدك
إبراهيم : مش شورك يا وليه
سلسبيل : وليه في عينك
إبراهيم : تي انتي وليتي انا بس
سلسبيل : باهي دير بالك ع روحك يا بيبي
إبراهيم : نحبك آزح
سلسبيل : حتي انا بدون ازح
إبراهيم : تشاو
سلسبيل : سلام
~
~
~
سكرت منه و مشت رقدت و تفكر في يوم بكرا كيف هيكون :$
و طبعا ابراهيم طلع هوا و محمد و مشو برمو شويه و إبراهيم شرا لبسه علشان يمشي بيها تاني يوم
و كمل السهره هوا و الشباب و داروله جو و هكي
و روح قريب مع الفجر رقد ع طول و ناض تاني يوم ع صوت أميره
أميره : هيما نوض الساعه 5
إبراهيم : حي ع أمه 5 شنو
أميره : نبصر عليك الساعه 1
إبراهيم : اقلبي وجك باه
أميره : تي مشيت للمدرسه و جيت و انت راقد
إبراهيم : مبردك اليوم خطبة خوك و ماشيه تقري
أميره : عندي امتحان يا فالح
ابراهيم : باهي ديريلي قهوه و تعالي نبيك في موضوع
أميره : باه
و مشت أميره للمطبخ و تفكر في إبراهيم زعمك موضوع شنو اللي يبيني فيه
دارت القهوه و مشت لداره و كان يصلي و يدعي
اول مره كانت تشوفه هكي
يدعي و عيونه دموع " يا رب تتملي موضوعي ع خير يارب نحبها ما تحرمنيش منها و لا تحرمني منها يا رب ما يفرقني عنها إلا الموت "
أميره : تقبل الله و بعيد السو
إبراهيم : كنك تبكي يا عبيطه
أميره : اول مره نشوفك هكي
إبراهيم : اس باه و تعالي
أميره : هيما تحبها ؟
إبراهيم : نموت فيها مش نحبها
أميره : ربي يتمملكم بخير يا رب
إبراهيم : أن شاء الله
أميره : بعد خطرها شن كنت تبي ؟
إبراهيم : شن رأيك في محمد ؟
أميره : محمد صاحبك ؟
إبراهيم : أها هوا في غيره اصلا
أميره : كويس
إبراهيم : يبيك را
أميره : نعم
إبراهيم : يبي يخطبك :3
أميره : و انا شنو دخلني -_-
ابراهيم : خرفي :3 صبي باه حطيلي غداء :D
أميره : عليك اللي ما عنده نيه قهوه و غداء و بعدين يبي يخطب :D
إبراهيم : صبي و انتي ساكته :D
و صبت وتتله الغداء و خشت هيا لدارها تجهز في دبشها
قعدت تفكر في كلام إبراهيم
" محمد يبيني انا ، مش مصدقه هوا صاح انا سمحه و صغيره :D بس نص البنات طايحات فيه و يهبل و نفس هيما حي حي نقعد خطيبة محمد مش مستوعبه O.o
سميره : ميرو مازلتي
أميره : كل حاجه جاهزه و انا نص ساعه نكون واتيه بس عميمه مريم أمتي جايه ؟
سميره : توا كلمتها قالت في الطريق جايبها محمد
أميره : باه تمام نبدأ نلبس انا
سميره : حتي انا نمشي نلبس
و كل وحده مشت تلبس و كملت أميره و دارت شوية ميك اب و طالقه شعرها و تسمع في الباب يدق و ما حد فتح
نزلت تجري قالت اكيده هذه مريم و مشت تفتحلها
فتحت الباب و كان اللي مصبي محمد O.o
كان جايب شوية حاجات معش عرفت شن ادير شعرها مطلوق و انحرجت منه و هوا فاتح فمه و عيونه قريب يطلعن
قالتله تفضل و خشت تجري
مريم : ما شاء الله عليها رايحه سمحه و كابره
محمد : أها ما شاء الله ♡~♡
مريم : شن رأيك فيها
محمد : نبيها ♡_♡
مريم : كنك يا اوليد :D
محمد : نبيها يا أمي :D
مريم : خلاص بعد نكملو قصه هيما تو نفتح الموضوع مع هلها
إبراهيم : اوووه عمتي مريم نورتينا
مريم : الف مبروك يا هيما :*
إبراهيم : الله يبارك فيك :*
محمد : مبروك يا برو :* :D
إبراهيم : يبارك فيك و عقبالك :* :D
محمد : بعدك ع طول أن شاء الله :D
إبراهيم : تقليد يا سي :D
قعدو يهدرزو شويه عند ما جت الساعه 5 و طلعو شور حوش إدريس و كل شويه محمد يبحت في أميره لما نزلت و هيا راكبه السياره كل حركه مركز فيها ♡_♡
وصلو للحوش و كانت سلسبيل طالعه كيف الملاك تجنن بكل و ناعمه و هيا بيضه و الفستان أسود و شعرها كان بسيط طلعت روعه بكل
قعدو شويه و طبعا مولعين اغاني و مدو الكافي و الحلويات و الرجاله في المربوعه اتفقو ع كل حاجه و دفعو فيها
و خش إبراهيم عشان يلبسها و هكي
قعمز جنبها و قعد ماسك يدها :*
سلسبيل : هيما يبحتو فينا حول
إبراهيم : طز :*
سلسبيل : احممم طالع تهبل رآه
إبراهيم : تي انتي اللي طالعه طرف
سلسبيل : شن رأيك في الفستان باهي
إبراهيم : عليك من غادي بس بعدين صوري بيه هوا و الدبش اللي جايبينه هلي
سلسبيل : حاضر :$
و لبسها الدبله و لبساته هيا و طلع و أصحابه كانو دايرين جو برا و غيطه و حركات :D
صبت سلسبيل و خشت عشان تلبس البدله بس لقيتهم جايبين أكثر من بدله
و أكثر من فستان
سندس : ما شاء الله عليك حاجات
سلسبيل : شن نلبس باه بسرعة
سندس : البسي البدله الحمره هذه حلوه بكل
سلسبيل : باه
و طلعت عليهم و البدله تجنن عليها و قعدو هكي عند قريب المغرب بعد ما روحو
في الطريق مريم قالت ل محمد انها تبي تفتح موضوع أميره قبل ما يخطبها شي حد
و روح إبراهيم للحوش مع هله و كان أسعد انسان في الدنيا و هذا أحلى يوم في حياته
كانت مجرد بنت شافها مره طالعه من محل و تطورت العلاقه و توا خطيبته
~
~
~
امينه : اسو كذا نتفرجو شن جآبو
سلسبيل : هيا هيا ، سموره تعالي معايا حاجات واجد نقدرش بروحي نجيبهن
و قعدت تجيب و توري فيهم كان كل فستان معاه سندل و كل بدله معاها كندره و شنطه و عطور و ميك اب و دبش نوم و جو :D
قعدت تجرب في كل لبسه و تصور فيها سندس عشان العريس يبي يشوف عاد
و في الليل رن عليها و قاللها افتحي الفيس عشان تبعتله الصور و فاتح فمه من سماحتها في كل صوره
سندس : اسو بالك تبطلي -_-
سلسبيل : كنك يا حنه
سندس : تو هوا مجرد انه خطيبك بس ما يحقلش يشوف صورك
سلسبيل : خطيبي و هيقعد راجلي شن فيها :3
سندس : و انتي ضامنه انه هيتزوجك
سلسبيل : ههههههه متأكده كيف ما نشوف فيك
سندس : باه براحتك انا نصحتك
سمر : خلاص خليها فرحانه
سلسبيل : سمورتي فوتي تي هيما قالي مستحيله نسيبك :P
سمر : أن شاء الله
قعدو يهدرزو هذك اليوم عند الفجر في الأول ع الفيس و بعدها ع الفون
و تاني يوم جت مريم عند عيت إدريس و حكت مع سميره ع موضوع محمد و أميره
و طبعا لأنه محمد رفيق إبراهيم من و هما صغار قالتلها ما نلقوش خير منه
مشن ايام و جن أيام و علاقة إبراهيم و سلسبيل تقوى أكثر و بدت سلسبيل في الامتحانات و كانت حتي أميره تمتحن و ع أساس بعد تكمل محمد يبي يقرأ فاتحه فيها
محمد كان يبي يقرب من أميره بس خايف يخسر صاحبه و رفيق عمره مهما كان مش خاطبها بس خاطره يحكي معاها فون وهكي
و في يوم كانو في المقهى و إبراهيم مسيب نقاله ع الطاوله و يجيب في دخان من السياره
هذا محمد النقال بسرعه و قعد يبحت في الأسماء و ما فطنش إلا و إبراهيم فوق رأسه
