Unicode
"Hello ကိုကို"
"အင်း ကလေးလေး"
"နက်ဖြန်အားလားဟင်...စွဲမက်ဆီလာခဲ့ပါလား"
"မနက်ဖြန် ကိုကိုမအားဘူး ကလေးလေးရဲ့....၊ဝိုင်အသစ်တင်သွင်းဖို့အတွက် အစည်းအဝေးလုပ်ရမှာ"
"ခဏလေးပဲ မရဘူးလား ကိုကိုရယ် ဟင်....၊စွဲမက်
ပြိုင်ပွဲဝင်ဓာတ်ပုံတွေအတွက် Photo Shooting ရှိတယ်"
"အာ...."
ဇာတ်လမ်းတွဲရိုက်ကူးရေးက ပြီးသွားပြီမို့ ထည်ဝါနဲ့စွဲမက်လည်း အရင်လိုတပူးပူးတတွဲတွဲနှင့်နေလို့မရတော့ပင်။ဟိုတစ်နေ့ကလည်း နှစ်ယောက်သားချိန်းပြီး အပြင်ထွက်တာ နဲ့ပတ်သတ်ပြီး
Dating Rumor တွေထွက်လာတာမို့ အတော်လေးရှင်းယူခဲ့ရသေးသည်။ထို့ကြောင့် နှစ်ယောက်သား တွေ့ကြတာတွေ ကျဲထားရသည်။
"ကိုကိုလည်းလာချင်တာပေါ့ ကလေးလေးရယ်....၊ဒါပေမယ့် ဒီဘက်မှာ ရှယ်ယာရှင်တွေနဲ့အလုပ်က အကုန်ချိန်းပြီးသားဖြစ်နေလို့ကွာ"
Laptop Screen မှာမြင်နေရသည့် ကိုကို့မျက်နှာခပ်ချောချောကိုကြည့်ကာ စွဲမက်ရင်ထဲလေးလံနေရသည်။ မတွေ့ဖြစ်သည့်နေ့တွေမှာ တစ်နေ့ကို တစ်ခါလောက်တော့ Video Call ပြောဖြစ်ကြသည်။သို့ပေမယ့်အခုနောက်ပိုင်း Video Callကိုတောင် မှန်မှန်မပြောဖြစ်ကြတော့။
အခုလတွေမှာ ကိုကိုက သူ့ဖိုးဖိုးရဲ့အလုပ်တွေကိုကူရင်း မအားမလပ်ဖြစ်နေသည်။ဒါ့အပြင် နာမည်ရလာသည့် Celebrity တွေဖြစ်လာသည့်အလျောက် ထိန်းသိမ်းစောင့်စည်းရမည့်အရာတွေက ပိုမိုများပြားလာကာ သူတို့ရဲ့နှလုံးသားတွေကျဥ်းထဲကြပ်ထဲကျနေသလိုတောင်ခံစားရသည်။
"ကလေးလေး"
"စွဲမက် သိပါပြီ....၊ကိုကိုဂရုစိုက်နော်"
သိသိသာသာနွမ်းသွားသည့် မျက်နှာလေးကြောင့် ထည်ဝါ့မှာစိတ်မကောင်းနိုင်။သို့ပေမယ့် တကယ်လည်း ဖျက်လို့မရတဲ့အကြောင်းအရာတွေကြောင့်....၊
"ကိုကိုက ကလေးလေးကိုချစ်တယ်နော်"
"စွဲမက်လည်းချစ်ပါတယ်"
ချွေးသိပ်တယ်ပဲပြောပြော၊ရသေ့စိတ်ပြေပဲဆိုဆို စွဲမက်အတွက်တော့ ကိုကိုပြောတဲ့ချစ်စကားသံက ကမ္ဘာလောကကြီးမှာ အချိုမြိန်ဆုံးပင်။ဒါ့အပြင် နားလည်မှု့ရှိတဲ့ချစ်ခြင်းမေတ္တာခရီးလမ်းတွေကပိုပြီးအထိအခိုက်နည်းသည်မို့ စွဲမက်အနေနဲ့ သိတတ်နားလည်သည့်မိန်းကလေးဖြစ်အောင်ကြိုးစားကြည့်ရုံမှတစ်ပါး....။
YOU ARE READING
Make You Mine
Romanceငယ်ရွယ်စဥ်အခါမှ ချစ်ခဲ့တဲ့ချစ်ခရီးလမ်းဟာ လမ်းတစ်ဝက်မှာတင်ပြတ်တောက် လမ်းခွဲကြဖို့ဖြစ်လာပြီးတဲ့နောက် နှစ်အနည်းငယ်အကြာမှာ နာမည်ကြီးအနုပညာရှင်နှစ်ယောက်အနေနဲ့နောက်တစ်ဖန်ပြန်ဆုံတွေ့ကြတဲ့အခါ သူတို့နှစ်ယောက်ရဲ့နှလုံးသားတွေက ဘယ်လိုဖြစ်နေမလဲ။ ငယ္ရြယ္စဥ္အခါမွ...
