Unicode
ဆူညံနေသောအသံများကြားထဲမှ၊
အတောက်ပဆုံးနတ်သားနတ်သမီးများထဲမှ၊
အတောက်ပဆုံးသော ခန့်ညားထက်မြက်သည့် မင်းသားတစ်ပါးလိုအရှိန်အဝါရှိသော သူတစ်ယောက်။
သူ့ နာမည်က
"အောင်မြင်ထည်ဝါ"
"ထည်ဝါ နေကောင်းတယ်မလား"
"အင်း...ကောင်းပါတယ်"
ဒါသူ့အကျင့်ပါ။အမြဲတမ်းတိုတိုနှင့်လိုရင်းသာပြောတတ်သူ။ထို့ကြောင့်လည်း အောင်မြင်ထည်ဝါ ဆိုသည့်သူက မာနကြီးတဲ့မင်းသားတစ်ယောက်ဖြစ်သည် ဆိုသည့် ရာထူးကိုရရှိခဲ့သည်ပဲမဟုတ်လား။သို့သော် သူ့ပရိတ်သတ်များအတွက်ကတော့ ဤအချက်သည် အပြစ်မြင်စရာဟာကွက်တစ်ခုအစား စွဲမက်ဖွယ်အကျင့်တစ်ခုကဲ့သို့သာဆက်လက်တည်ရှိနေ၏။ထို့ကြောင့် အောင်မြင်ထည်ဝါ၏ ပရိတ်သတ်အပေါ်လွှမ်းမိုးနိုင်မှူ့အားက ကြောက်မက်ဖွယ်ကောင်းလောက်အောင် အင်အားကြီးမားလွန်းသည်။
ထည်ဝါရောက်ရှိနေသည်ကတရုတ်နိုင်ငံ ဟောင်ကောင်မြို့ရဲ့အကြီးကျယ်ခမ်းနာဆုံး နံမည်ကြီး Idol တို့အားဖိတ်ခေါ်ပြီးစုဝေးသော Miss Show ပွဲတစ်ခုမှာပင်။ထည်ဝါက မြန်မာပြည်ကဖြစ်သည့်တိုင် တရုတ်ကအနုပညာရှင်တစ်ချ်ို့နဲ့ Project အမြောက်အမြားကိုပူးတွဲလုပ်ဆောင်ထားသည့် အနုပညာရှင်တစ်ယောက်ဖြစ်သည့်အလျောက် အလေးထားဖိတ်ကြားခံရသည့် မြန်မာအနုပညာရှင်တစ်ယောက်ဖြစ်၏။
"ထည်ဝါ မင်းဒီလထဲဘာအစီအစဉ်ရှိလဲ"
"ဘယ်တစ်ခုကိုမေးတာလဲ ရိုက်ကူးရေးလား ပြိုင်ပွဲတွေလား"
အသိမိတ်ဆွေတစ်ဦးရဲ့စကားကို ထည်ဝါစိတ်ရှုပ်စွာပြန်လည်မေးခွန်းထုတ်မိခြင်းပင်။အမှန်တကယ်ဆို သူဒီချိန်မှာဘယ်သူနဲ့မှစကားမပြောချင်ပါ။သူ့စိတ်အခြေအနေအရ ပွဲကိုတောင် မဖြစ်မတေသဘောဖြင့်သာတက်ရောက်နေရခြင်းပင်။
"ရိုက်ကူးရေးကိုပြောတာပါ"
"မရှိပါဘူး...။ဒီလထဲမှာ ဘယ်ရိုက်ကူးရေးမှလက်မခံထားပါဘူး"
YOU ARE READING
Make You Mine
Romanceငယ်ရွယ်စဥ်အခါမှ ချစ်ခဲ့တဲ့ချစ်ခရီးလမ်းဟာ လမ်းတစ်ဝက်မှာတင်ပြတ်တောက် လမ်းခွဲကြဖို့ဖြစ်လာပြီးတဲ့နောက် နှစ်အနည်းငယ်အကြာမှာ နာမည်ကြီးအနုပညာရှင်နှစ်ယောက်အနေနဲ့နောက်တစ်ဖန်ပြန်ဆုံတွေ့ကြတဲ့အခါ သူတို့နှစ်ယောက်ရဲ့နှလုံးသားတွေက ဘယ်လိုဖြစ်နေမလဲ။ ငယ္ရြယ္စဥ္အခါမွ...
