انتَ مثل النور في عيني.

بارت 3

part 3
-تسريع الاحداث
-وقت الفرح بيت عبدالله -
ازدحمت الاجواء بالتباريك وتجهيزات زواج نور وسيف الانارات تملي المكان تجمع الرجال في الحوش ورقصهم ولعبهم وفرحهم بسيف
الحريم على السطوح والبنات الي يطّلون من الشبابيك ويناظرون الحوش
والعجايز الي يصارخون عليهم وينهرون / اهبي الله يهبيك لايشوفك الرجال ....
سهام تتعمد تستفزها/ اوووف شفيك ياجده ... بكره لحد جا ودق بابي اقلها اعرف شكله
الجده / من بياخذك انتِ شايفه وجهك يالعنز حتى برق ماادري رعد بيتركك
عضت شفاتها تداري غصتها ماحبت تعلمهم انها فسخت الخطوبة ولاحبت تنكد فرحة نور نطقت تتصنع اللامبالاه / شوفي البنات يطّلون وانتِ بس قاعدة في حلقي ومعاملتني معاملة الفاسقة
ضربتها الجده بالعصا / انثبري تبين عريس ترقصي لين الله يفرجها علييتس
سهام/ ويعععع ياجده ماتو الي امهم تزوجهم
حور / يمه ماعليك منها هالبنت محد يقواها
تكتفت بنت معيض وعينها تتنقل بين امها وجدتها والبنات الي يطلون ومحد يقولهم شي تأففت وهي تنفخ خصلات شعرها البني المنثور ووقفت بعد ماسحبت عذاب معها/ بروح لنور
الجده / روحي قلعتس
حور بهمس بعد ماراحت بنتها / يووومه البنت بعيده عني وماصدقت تجي هاليومين اونسها واحببها بعيشتنا وانتِ مغير تسمعينها كلام
الجده / دامتس تبينها ليه ماانثبرتي عند رجلك وصبرتي عليه ليش لميتي عفشك وجيتيني!
تنهدت حور / الشكوا لله من يصبر على جهنم الي كنت فيها
-
-
نزلت سهام ودقت الباب
نور والروج بيدها تشيك على شكلها وطرحتها الطويلة / حياك
توسعت شفايفها وانفرجت اسنانها بإبتسامة تبعتها ضحكة طويلة فتحت احضانها وماكان من سهام الاانها تعجل خطواتها وتبادلها نفس حضنها وتشد عليه بشكل كبير / تجنننننيييييننننن
نور تنهدت بتوتر / سهام حاسة تهورت

نور مسحت وجهها بتوتر / سهام حاسة تهورت
سهام بعبوس / استعجلتي بس عاد شنقول دام هذا الي تبينه
نور صكت الباب وهمست لها بجديه / مو هذا الي ابيييه
سهام بغيض / وش حادك عليه ؟؟؟؟ امشي يابنت انا مستعدة اهربك وخلي زواجهم وولدهم لهم
نور وسط ضغوطها / سهام لاتزيدينها علي .... الرفض ماكان الاحسن
سهام وعيونها مليانه دموع لو رمشت كان طاحت ولكنها متماسكة ولاتبغا تضعف / لو اقنعتي اهلك !!! لو صبرتي شوي
نور حطت يدها على فم سهام بعد مااندق الباب / اشششش صار الي صار يابنت معيض ماعاد باليد حيله
دخلت دروب راسها وبشكل سريع / شوي ونجيب الكتاب تجهزي بعده الزفة
هزت نور راسها بإيجاب وابتسمت مجامله ووقفت امامها سهام ترتب لها الفستان

...
~ غرفة سيف ~
للحين ماتجهز وللحين حاس ببرود تجاه كل شي ضحك بقهر يرد على محجن / هههههههه يبوني اخذ بنت الديرة تعرف البدو الي ماشافوا الحياة .... يبوني انا الي من نسل الشيوخ اخذ من عندهم ...
محجن / وش فيها بنت الديرة ياخوك مافي مثل بناتنا خل عنك الهياط
قاطعة بإنفعال / طفشتني بناتنا بناتنا قسم يا ركبتي انها احلا من بناتكم
بعصبية/ سيففففف !! تبني القمممك تراب الحين
سيففف / محجنننن ماني متحمل الوضع كيف انهم يخطبون من وراي ويختارون البنت الي مااطيق ابوها واخوانها ... ماني متحمل مالقو الا اخسسس بيت !!!
محجن / استهد بالرحمن واخوانها بيتعدلون معك دام اختهم عندك.... ويلا قفل انا واهلي جايينك نبارك ونشارك
قفل الجوال وصرخ سيف وهو يرميه ويكسره بالارض
.
.
في الحوش عند وهّاج الي تعب من وقفته ومن كثير السلام وردّ المجاملات كان بإنتظار سيف الي تأخر كثير وصابه من هالتأخر ريبه خلتّه يجرّ خطاه لداخل البيت يبحث عنه لمح امه وفزّ عندها / يمممه شايفة سيف ... مالقيته
امه (سحاب ) / ايه كان في غرفته يتجهز
وهّاج / حوشنا مليان والناس جو من كل مكان وولدك للحين مانزل !!
-
-
#انت_مثل_النور_في_عين_الضرير