part 7
عند وهّاج
دخل غرفته واستنكر عدم وجودها تنقلت انظاره حول الغرفة يدور شي لها ولكن شكلها مادخلتها حتى
البيت هادي الا امه تبكي متحسرة تقدم يقبل راسها
ناظرته بعجز /يممه لايكون صار له شي وانت هنه تلومه !
وهّاج وداخله بينفجر / ليته يمه صار له شي ومعه عذره ولايتركنا بها الموقف ويطيح وجيهنا ... انا ماعندي اخ ولاعاد ابي اشوفه
بنحيب/ لاتقول كذه خله يجيني ابغا اكلمممه بتطمن عليه
وهّاج بقهر / رمى جواله ... ولدك سحب نفسه بأبشع طريقه مافكر فيك ولافكر فينا ... ماابغى حد يطريه ولاعاد اسمع له سيره
زادت دموعها وزاد وجعها قام وسئلها / فينها بنت حمود
بدون نفس وغيض / ماشفتها المنحوسه !!! جايه بنحسها ... هي السببب ماابغاها في بيتي
تنهد / لاترمين غلط ولدك على بنت الناس ... سأل دروب الي رفعت كتوفها بعدم درايه دورها بالغرف
دروب بسخرية / باقي مالقيتها ربانزل شوفها يمكنها تنتظرك تصعد لها السطح !
بذهول وتعجب / مانزلت !
ردت بعدم اهتمام / شدراني عنها ست الحسن
لقاها بالسطح الهوا يضرب وجهها ومنهارة ولاتحس بشي حولها / وش مقعدك هنه ؟
نزلت دموعها الحارة / ودني المستشفى بشوف اخوي
وهّاج / اخوك في بيتهم ماهو في المستشفى
طاحت عند رجوله تترجاه / ابي اشوفه
نزل لمستواها وسحبها بقوه / ماعندي هذي الحركات انا !!! تحسبين بحن عليك ووديك شايفه الساعة ؟؟؟
سحبت يدها ودفته ودموعها عالقه في رمشها الاسود الطويل/ انت استغليت حالتي وحطيت اسمك مابغاك انا ولاتتأمر علي كل الي بيننا على ورق !!!!
تأفف / انزلي وبدلي ملابسك انتهت الحفلة
نور / مو بكيفك والحين توديني عند اخوي وبكره تفسخ العقدد فاهم؟؟؟
احتدت ملامحة واحتد معها صوته / مااحب الزن وصوتك هذا لاعاد يرتفع عليّ الحين تبدلين ثيابك ولاعساك لابدلتيها في بيتي تجلسين بإحترام ...ويلا اذلفي مالك روحه
بشكل هستيري صارت تقطع فستانها وتبكي بحرقة / الله ياخذني ان سمعت كلامك والله ياخذني ان نمت الليه هنه ويدك النجسة لمستني ... انا مو لأحد
كانت تقطع الفستان حتى ماجرحت الكرستالات يدينها ...
بحده / اهجدي يابنت ... ولكنها كانت تزيد ماتهدا
مسك مرفقها ووسع عيونه عليها / لاتجبريني امد يدي
-
-
مسك مرفقها ووسع عيونه عليها / لاتجبريني امد يدي
كانت تحاول تفك نفسها منه ولكنه ماسمح لها مشاها لين خرجها من السطح وصرخ عليه / انزليييي
دموعها وحرتها هي ردها
صرخ بصوت اعلى وعروقة برزت اكثر من اول / انزللي قلت !
نزلت تجر فستانها المشوه بخيبة وخذلان
كانت بتدخل اقرب غرفة ولكن دروب وقفت بوجهها / مالك غرفه ومانبيك عندنا انتِ اصلاً بدون كرامه كيف تسمحين لنفسك تجلسين بعد الي صار
نور / الي صار انتم المفروض تتفشلون منه مو انا
تقدمت دروب وبرفعة حاجب / تدرين الغلط على اخوي الي اخذك الا انتِ شايفة وجهك !! شايفة النحس الي جبتيه معاك
تجمعت دموع نور ومشت بتدخل الغرفة الفاضية والضيقة ماخذه كل المكان في صدرها ولكن تفاجاءت بثقل الفستان من الخلف وسقطت بعدم توازن
دروب ببرود شالت رجلها / اسفه ماقصدت
تقدم وهّاج الي دوبه نزل بعد ماسكر السطح وانواره مسك فك دروب بقوة / اقص يدك ولسانك الي يطول عليها
دروب دمعت بقهر / هي الي بدأت اقولها هذي غرفة سيف وهي غصب تدخلها
ارتفع ضغطه ودفع دروب / انقلعي نامي لااشوفك
اسرعت دروب لغرفتها مبتسمه ومتحمسسسه تسمعه يهاوشها
ولكن مر الوقت بدون تسمع اي شيء
وقفها وهّاج بصعوبه بعد التواء رجلها وقفت بقلة ثبات ماهي قادره تدوس وتمشي ولكنه شالها يجلسها على سريره وقبل تمتد يدينه ينزع فستانها
مسكت يده بمعنى وقف
فهمها وخرج يدور العاملات ولكن مالقى احد
رجع لها / اش رايك اصحيهم عشان حضرتك !
نور / بنام بفستاني
زفر / خبله انتِ مااحب الزحمه انا بعدين مالقيتي اكبر من هالفستان
ضمت شفاتها الي ترجف وناظرت تحتها بإحراج /لف وجهك
وهّاج / وكيف تبيني اشوف ! بعدين الي بتزوجها ازين منك ماني طمعان فيك ( شاله عنها بشكل سريع ورما قميصها تلبسه )
ماتنكر انه جرحها بها الكلام رغم انه ماتحمل له مشاعر
طبع غترته ولفها على رجلها بعد مادهنها بالكريم وقبل يقوم مسكت يده : ممكن تعطيني جوالك
ناظرها : موممكن نامي لااسمع حسك
تمدد جنبها واعطاها ظهره
فزت بخوف / بتنام هنه !
لف عليها بغيض / اجل بتخرجيني من غرفتي !
نور وقفت بصعوبة / لا انا الي بخرج
بسخرية / انتبهي بس لاتضيعين وتدخلين غرفة سيف
-
-
#انت_مثل_النور_في_عين_الضرير
أنت تقرأ
انتَ مثل النور في عيني.
Mystery / Thrillerيختفي اخوي، اليوم عقد قرانه، وحتى ما نتفشل گدام اهلها والمعازيم اعقد عليها بداله.!!!
