انتَ مثل النور في عيني.

بارت 4.

part 4
وهّاج / حوشنا مليان والناس جو من كل مكان وولدك للحين مانزل ... وبعدين لايكون هو العروسه حتى يتجهز كل ذا الوقت
توترت / بطلع اشوفه
وهّاج بشكل سريع / خلك انا رايح له .....
خرجت دره بها اللحظة وغض بصره بشكل سريع دون يدقق بملامحها ولكن سحاب ضحكت بإعجاب / هذي درتنا
دره بحيا / كيف حالك وهّاج
رجع يناظرها وهّاج وكأنه اول مره يشوفها كانت غير عن يوم شوفتهم قبل سنتين صارت محلوه وملامحها بانت اكثر رد ببرود / بخير ... ابعدي عن الطريق ولاتمشّين بالاسياب - قال هالكلام وصعد يدور اخوه
سحاب بمواساة بعد ماشافت وجه دره انقلب ونفسيتها انسدت / وهّاج يحببك مشكلته مايعرف يعبر شايفه قد ايش غار ؟
ابتسمت دره تتناسى زعلها / عارفه اطباعه وماوافقت عليه الا وانا ابيه وراضيه
.
.
وهّاج
مالقى سيف بغرفته مسح وجهه بتوتر وطلع جواله يدق عليه وكل الصدمه من تلفت لمصدر الصوت وشاف جوال سيف في الزاوية شاشته مكسورة بدون اي ملامح
اشتدت قبضة يده بقهر وزفر بغيض يدوره بالحمام على امل يلقاه مايبي يتهور اول مره يتمنى يكذب ظنونه /مسسستحييل يسويها !!
ناظر من الشباك كيف الرجال متكدسين ومن كثرهم البعض ماهو لاقي مكان حسّ برهبة الموقف وان المشكله كلها تلتف حوله
انفعل يسببب ويلعن بعد دخول محجن / فيننننه الكللب يبي يحط وجيهنا بالارض ....
محجن تذكر اخر مكالمه معه وتوتر بعد ماداهمته الشكوك/ مدري مدري كنت احسبه هنه الله يستر وش سواتنا الحين
مسكه وهاج ودفعه على الجدار وشد ياقته / الحين تسأل عن السوات ليه ماعلمتني بالشـّر الي في راسه !!
محجن وتوتره يتضاعف/ ظنك لوكنت ادري كان سكت ماقال لي انه بيسوي هالسواه ولو ادري انا كان مسكته وقعدته غصبن عليه
ضعفت مسكت وهاج له لين تركه نفض ثوبه بشكل سريع
وخرج من الغرفة يلتقط انفاسه نزل ومحجن متفشل ويراقبة من الشباك وجسده مشتد بشكل عصيب
فجاءة يشوف وهّاج ينادي ابو نور والمملك ويهمس بكلمات تمنى انه سمعها ولكنه صد وجلس على سرير سيف منحرج من الموقف ولا جا في باله واحد في الميه انه بيتجرا ويترك كل شي خلفه بدون يلتفتتت
هذا الحدث محد راح ينساه والكل بيحكي عنه وعن اهله للأسف ان الضرر مو على سيف وحده
دب الرعب في صدره بعد ماسمع ضرب الرصاص فز للشباك وارجف صدره المنظر تجمهر وصراخ احدهم ازداد ارتفاع الاصوات وتشابكت حتى معد يميزها نزل بخطاوي متعجله واسعه كل الي يبيه يتطمن ان الدم الي بالارض ماهو دم وهّاج ...

-

فز للشباك ورجف صدره من التجمهر وصراخ احدهم ازداد ارتفاع الاصوات وتشابكت حتى معد يميزها نزل بخطاوي متعجله كل الي يبيه يتطمن ان الدم الي بالارض ماهو دم وهّاج ...
--
صار الوضع مربك بعد ضرب الرصاص الكل خايف ويترقب حتى الحريم كان الوضع عندهم مقلوب
رفع صوته ينادي بشكل سريع / دروب ... يمممه
فزعت دروب الي كانت تنتظره لعنده واخذت من يده الكتاب تسأله وشصار
ولكنه مااعطاها فرصة وبعصبية / بعدين بعدين
ناظرت الكتاب تستوعب... صاح فيها بصوت اعلى وبشكل متنرفز / عجلييي ... انتظرك هنه
انصرفت وطلعت جوالها تاخذ صورة ذكرى لمحت الاسم وشهقت وطاح الجوال من يدينها تقدمت دره / وش فيك ؟؟
دروب رفعته بشكل متوتر وراحت من غير تتكلم بعد ماسمعت صراخ وهّاج
دره من خلف الباب / وش فيك معصب
وهّاج الي كان الوضع مربك ولاصدق يلقى حد ينفجر عليه/ مالك دخل وكم مره اقولك اذلفي ولااشوفك تمشّين بالاسياب !!!!
دره بغصة وزعل/ وهّاج احترمني
بدون اهتمام لنبرة صوتها الي تغيرت / تأخرررت روحي شوفيها ...
دره فتحت الباب على اخره حتى يشوفها / ترا ماحد في البيت وانا ادري انك انت الي عند الباب عشان كذه جيت ولكن شوف انت كيف تعاملني !
وهّاج / اذلفي فوق ماني فايق لك
بلعت غصتها وصعدت عند الحريم بعد ماكانت تساعد اهله وتعبانه معهم جرحها كثير
بها اللحظه جات نور الي اعصابها تلفت وماعاد تتحمل تقعد اكثر تعبت من خوفها واشتداد اعصابها رمت الغطا على وجهها بعد شافت وهّاج
عرفها من ماشاف حالتها والفستان الي واضح من تحت العبايه ناظرها مبهوت معقول رفضته ؟؟؟ ليش خارجه صابه جنون وتنامى خوفه من الفضيحة بعد شافها تقترب وفعلاً خارجه بس تنتظره يبعد عن الباب هو كان يبغى يتدارك الوضع ولكنه ماحسب حساب هاللحظه ... ماحسب ان بيكون لها قرار وترفض / بنت حمود ؟
مشت بدون ترد عليه ولكنه سحبها ورجعها بشكل سريع يحاول يقنعها / ماراح نطول الزواج هذا ماراح يستمر اوعدك مالمسك بس وقعي !
ناظرته وعقدت حاجبينها بعدم فهم / انت وش قاعد تقول ؟!!!

-
-
#انت_مثل_النور_في_عين_الضرير