انتَ مثل النور في عيني.

بارت 40.

part 40

غمضت عيونها بوجع لها الذكرى وهذا الي خلاها تترك الجهاز حتى ماشافت وهّاج عاود الاتصال الا انها ماردت عليه ...
دورت بعيونها عن مشط امها والي كان رفيقها بكل مكان رغم قدمه وبساطته ..
دورته بكل مكان مالقته اختفى وكأنه ماكان !!
فكرت انها ممكن نسته وماجابته من الاساس ..
بهدّت حيل القت نفسها على السرير ومن التعب والسهر نامت دون تحس ودون تاخذ وقت حتى ...
---
--المحكمة عند لافي--
بعد ماطلع بطاقة باسم عذب عقد عليها وكان مطلق وفزّاع شهود على زواجه
مطلق بإستخفاف / مجهولة نسب وبكما شكلها دعاوي ابوي عليك
فزّاع ماحب يتدخل بين الاخوان وكان مكتفي بمراقبتهم
لافي بهدوء ولايبي يخرب مزاجه / ماهي مجهولة نسب .. اسمها عذب لافي .. نسبها يرجع لي وبعدين والله ياسكوتها ازين من كلامممك
مطلق بنقد كثير / وتقول اسمها قدامنا الله يخلف بس
ابتسم لافي / وش فيها ؟ اشار لفزّاع وبصوت جهوري / اسم الي تزوجتها عذب... شسمها يافزّاع؟؟
فزاع ضحك ولخبط/ لافي عذب ...اققصصـدد
لافي قاطعة بدون يعدل له / اي عادي كلنا واحد
فزّاع يدري ان لافي يسوي كذه عشان يستفز مطلق ويطلع جنانه وفعلاً مطلق احمر وجهه غضب وشد قبضته الي كان وده يتهور ويهوي بها على خد اخوه ولكن اخوه مجنون وبيرد له الضربه عشر وش يفكه بعدين !
وقف وتركهم ماخذ عذب معاه وكانت تناظر البطاقة بعبوس اسمها وحده موجود بدون اب وسلسلة اسماء بعده
لافي خرج البطاقة من جيبه ولصقها جانب بطاقتها وقرتها / عذب لافي
لافي وعيونه تلمع حب / انتي بنتي انا
عذب كانت متضايقة ولاواساها حكيه
باس يدينها / لاتزعلين ... شوفيني انا عندي اهل بس احس اني وحيد .. خلينا انا وانتِ كثيرين ببعض
ابتسمت تجامله
قرص خدها / يلا عاد مفروض انا وانتي اليوم مانتضايق .. بعدين في مكان لازمممم نروحه الحين
عقدت حاجبينها تستفسر
لافي يسحب يدها بعجله / مانبي نتأخر
-
--جده داخل بيت رعد -
انكمش وجه امه من شافتها وسلمت بدون نفس
رفيف ( اخته ) تبتسم بمجامله وترحب فيها
انسحبت الام ووجهت نظرها لرفيف/ انتبهي للبيت بطلع عندي مشوار
ماغاب عن سهام ان محد متقبلها
رعد / يممه اجلسي معنا مشوارك هذا انا اوديك بنفسي بعدين
الام بإقتضاب وحدّه مقصوده لرعد / مهههم مايتأجل
وانسحبت من امامهم
وبعد جلسة ثقيلة تركهم رعد بعد اتصال لازم انه يرد عليه
سهام / وينه حمامكم ؟
رفيف تنادي لها العامله تدلها
زفرت سهام وهي تناظر شكلها بالمرأة وتحفز نفسها تسوي الشي الي جات عشانه ( لازم تقوين نفسسك عشان ابوك )
تفقدت المكان حولها وصعدت لفوق تتذكر رعد من كان يكلمها فيد يدخل غرفه بداية الممر ومن فتحتها تأكدت انها غرفته بشكل متعجل ومربك دورت هنا وهناك
ابتسمت من كان الملف بأخر درج في المكتب ومعه اوراق لا وماهي اي اوراق اوراق تخصه دخلتها بالملف واخذتها تخبيها الا انها فزت وانخطف لونها من سمعت صوته وحركته عند الباب وكل الي قدرت تسويه رغم الرجفة الي تسسري بكامل جسدها دخلت اول دولاب
رعد يفتح باب غرفته / وين تخبين عن رعد ؟
سهام الي عضت شفاتها وغاصت بين الثياب ودها تختفي بها اللحظه
رعد بهيام وصوت كله لهفه وحب / ماتدرين اني اسممعك واششوفك حتى لو ماكنتي قبالي

--
سهام كانت بتكشف نفسها لو لا ضحكته الطويلة تبعتها جملة / ياميار انتي عنهم كلللهم والله وانتي الاولى والاخيرة ماعليك بهرجهم وش يقولون
وهنه فعلاً حست بإشمئزاز منه وكرهته وكرهت وجودها معه وانها غبية وظنت انه ممكن يقصدها او بيوم من الايام يتزوجها
اشمئزت من نفسسها انها وثقت فيه ولو شوي
ورغم انكسارها وخذلانها الا انها دعسست على كل جرح وسمعت كل شي حتى تبين لنفسها انه بيستاهل كل شي يجيه بعد اليوم وانها بترد له الكسره كسور دون تحس بذرة ندم
طلع رعد وطلعت خلفه بحذر شديد مستأذنه تبي تمشي
وبعد ربع ساعه من خروجهم
قطع رعد صمتهم الثقيل / سهام متأكدة انك تبيني
سهام بكرهه ونفور شديد حتى ماتبي تطالع بوجهه ولكنها مجبوره تجامل / جاوبتك قبل
رعد بإصرار شديد/ تبيني ولا لا؟؟؟
سهام / يعني وش تغير حتى تعيد لي السؤال ؟؟
رعد / طلعي الملف !

وهّاج
دخل غرفتهم بثقل لقاها نايمه اخذ المقص من الدرج وانسدح جانبها ناظر رموشها وتذكر كلام ناصر ... ( اهوجس برمّشـها )
باس عيونها مره مرتين وثلاث ... كان يتمنى تصحى وتمنعه قبل يقص اخر شعره واكثر شي تحبه في نفسها واكثر شي بعد يحبه والي يجمع بين محبتهم لشي ! ولكنها متعبه ولاحست بأنه عدل نومتها ولاحتى بثقل راسه الي صار على صدرها
وبعد ساعات ماهي قليلة
فتحت عيونها بشويش تتعود على النور الموجود
تضاربت دقات قلبها بعنف من شافت راسه عليها
ازاحته بهدوء وعدلت جلستها تمسك مكان قلبها علّ ضرباته تهدا وانفاسها تنتظم / اهججد يرحم اممممك ، مو هذا الي تدق له!
اتسعت انظارها وفزت برعب من الدم بملابسه والمقص المغروز بعضده و

--
#انت_مثل_النور_في_عين_الضرير