part 33
الديره - ابو محجن -
ام محجن والارهاق واضح من شكلها وصوتها / ابو محجن شوف لي صرفه ابي وحده تساعدني بالبيت .. الاشغال كثيرة وبنت اخوك محتجره بغرفتها ولاتكلمني الا من طرف خشمها وبعدين يعني !!!
زفر بضيق هالحرمه كل ماشافته تشّكت
ام محجن / تسمعني ؟؟
ابو محجن بهدوء / اسمعك
ام محجن / البنتتت ماتساعد ولانسوي شييي كله مقابله الجوال ماراح تقولها شي
ببرود ودها تخنقه عليه/ يمكن تعبانه
ام محجن / لا ماهي تعبانه انا الي تعبانه منها لكن اسمع اشتراكها خلص وانت لو شحنت لها مابتتسنع لي .. اياني واياك تشحن .. واقولك من الحين لو تشحن بخليك تجيب خادم وتدفع راتب كل شهر
------
غرفة عذاب
تأففت بعد ماكانت تشتغل على الجوال وفصل / مو وقتتتتككك
وقفت تعدل شكلها وتروح لعمها وزوجته جمبه تراقب الوضع / ياعم فصل علي النت
ابو محجن بغلظه رغم انه فاهم مقصدها / طيب ؟
عذاب / ابيك تشحن لي اذا ماعليك كلافه
ابو محجن / ما اقدر اشحن لك لان ماعندي فلوس
تبدلت ملامح عذاب اول مره يرفض هالطلب بالعاده هو يجي يسأل اذا ناقصها شي وتقوله / بس ياعم
ابو محجن / بدون بس ... روحي صلحي لي شاهي
عذاب عصبت وبنفس اسلوبه / مااقدر اصلح لك شاهي .. هي زوجتك خلها تقوم تصلح لك
وراحت وهي تسمع عمتها تقول / شفتتت قايلك انا شبيهة امها !!!
بكل موقف تبين له ام محجن انها صادقة وقدرت تهزّ صورة عذاب في نظره
عذاب ناظرت وجهها بالمرايه كيف شحـب من المرض والهم... هالعيشـه ماعاد تحتملها ومحجن مو داري عنها
.. على ايش صابره ياعذاب تنتظرين مين ؟؟؟
تنتظرين لين تشوفينه معها وقتها بتقتنعين انه مايبيك .. صدق انك خبله
---
اسرع ناصر بيشوفها ولاحس الا برصاصة حالت بين خطاويه
وصوت بلهجة شديده يحذره /وقففف مكاننننك
ناصر لف عليه بصدمه ولاهو مستوعب حركات وهاج/ البنت طاحتت !!!
تزايد لهيـب النار بصدره .. المشاعر الي يـعيشها تعمّي تفكيره وتفوق صبره رفع السلاح وبتركيز اطلق وحده يخدش فيها ياقة ناصر من الجهة اليمين / وانت رايح تطبب عليها ؟
ناصر جاه هبوط وهو يحس الرصاصه تمر من جانب رقبته
وهّاج بنفس وضعيته ولكنه ميل السلاح بشكل بسيط واطلق مره ثانيه ليخدش ياقة ناصر من جهة اليسار /ولابتشيلها عن الارض ؟
محجن تنرفز ولعب الموقف بأعصابه / وهّاججج !!!!
عند نور
تحاول توقف ولكن وقفتها ثقيله بثقل الموقف
دارلا ( مدربة دره ) تأثرت وتراجعت عن خيل دره بتساعد نور
الا ان دره اوقفتها بعد مافهمت مغزى الهوشه وتذكرة كيف نفسية وهّاج تبدلت من لحظة وصولهم لندن وتحديداً وقوف نور مقابل ناصر
تكلمت بإنزعاج وصراحه بلغة غير العربية // دعيها هذا ماتستحق
دارلا بصدمه / ولكنها بحاجه الى المساعده
دره / هي لاتجلب غير المتاعب .. لتتعب قليلاً مثل ماتفعل بالآخرين
دارلا زفرت بقلة حيله ولكن قلبها كان مع نور الي سمعت وفهمت الحكي بحكم انها دارسه طب وتحتاج تتعلم انقليزي ... استردت قوتها ووقفت لجل تغيض دره وتوريها انها مو بحاجة احد
---
نرجع لهوشة الشباب
ناصر وده يخنقه على هالحركه واحرجه بهالكلام / ماتستحي على وجهك !!
رمى السلاح وتقدم لناصر يدفعه / ماتستحي انت ابعد عن اشياء ماتخصك
مسك محجن مرفق وهّاج يفض هالهوشه قبل تصير نزاع / ياجماعه الشيطان شاطر استهدوا بالله
ناصر انفعل بغيض / انا هادي هذا الي من دخل لندن والشياطين جايه معه ماتبي تجي منت مجبور
سحب وهّاج نفسه من شاف نور توقف على حيلها وتعجّل خطاويها للجهه الثانية
استوقف من سؤال دره وبحتها الحزينه والكثير مليانه عتب / كل هذا عشانها وقفت معه ؟
وهّاج / دره بعدين
لمعت عيونها / متى يصير وقته وهّاج ؟
تابع طريقة وحاس بـضغط وضيقه تلفّه من كل مكان
--
#انت_مثل_النور_في_عين_الضرير
أنت تقرأ
انتَ مثل النور في عيني.
Misterio / Suspensoيختفي اخوي، اليوم عقد قرانه، وحتى ما نتفشل گدام اهلها والمعازيم اعقد عليها بداله.!!!
