انتَ مثل النور في عيني.

بارت 28

part 28
محجن
يتفقد مكالماته في رقم غريب دق عليه ٣ مرات هالرقم اول مره يشوفه
فتح حساب عذاب بلهفه وقرا البيت ..نغزه قلبه .... عذاب اول مره تنزل هالكلام الي يعلن عن جفا وش ناوية عليه لايكون تقصدني يارب انه خاطر عجبها ونزلته البنت شكلها مو بخير ماراح ارتاح لين اتطمن

عذاب
صرخت فيها حرمة عمها / باقييي مانشرتي الغسيللل ..كم مره اقولك لاتخلينه بالنشافه
رمت عليها الملابس المبللله
عذاب الي شهقت من برودة القماش على وجهها بعد كانت متلحفه وتحس بتعب وحراره في جسدها وبرجفه / تعبااانههه
ام محجن تسحب اللحاف وتقومها / الدلعععع هذا مو عندي بعدين لاتزوجتي الشايب ارتاحي عنده
عذاب بعدم تحمل تحس رجلينها ثقيله وكل جسمها مكسر / تعباننننهههه اقولك ارحميني .. اعطيني اجازه من هالاشغال كلها
ام محجن تسحبها للخارج (والله لا اضغط عليك لين توافقين على الشايب وارتاح منك) / لمي الملابس وانشريها وبعدها سوي عشاء لعمك
رنّ الجوال
ناظرتها ام محجن بأمر / روحي جيبيه
بقلة حيله وقلة توازن مشت ... فزّت من شافت اسمه .. وكأن التعب تلاشى نسته اصلاً ترددت في انها ترد عليه وتعاتبه وتهاوشه على الغياب الي حسته سنين !! في وجود محجن تنلغي معاملة امه السيئه وقبل تفتح الخط ضربتها من الخلف / انا ماقلتلك جيبيه !!!
طاح الجوال من يدين عذاب الي ألمتها الضربه
لقطت ام محجن الجهاز وفتحت الخط / هلا بأمي حبيبي البيتت مشتاق لك ... كيفك عساك بخير
محجن / بخير نحمد الله انتِ كيف وكيف ابوي ...
وبتردد نطق / عذاب بعد وش اخبارها
ام محجن تناظر عذاب وتأشر لها تشوف شغلها
عذاب مشت بتباطئ شديد متعمده ماتبي تخرج لين يقفل محجن وتاخذ اخباره
ام محجن حطت الجوال كتم / ايه جاتنا طيف والله والبنت مزيونه وتستاهلها وتستاهلك ياحبيبي وإن شاءالله المره الجايه تشوفها وتتطمن عليها بنفسك ..
انكسر خاطر عذاب معقوله يسأل عن طيف معقوله يكون راضي بالخطبه ولافكر فيها ولابمشاعرها !!! لاتنسى حركتك يامحجن لاني بذكرك فيها خرجت واللوعة تحرقها ماهي قادره تتحمل تسمع اكثر وجهها منهك وكل جسدها بهوان يشد بعضه
محجن من طول سكوت امه ارتاب / يممه اسألك عن عذاب بخير البنت ؟

--
الشركه
وقف رعد متفاجئ من دخول سهام
سهام / الي كانت تمشّي متجهه لمكتبها وريم خلفها تتبعها ناظرته بثقه وماكنت النظره خاليه من توعّد قدر يقراه
هزّه الشوق وجرته خطواته عندها ناظر لـ ريم / ممكن تتركينا لحالنا
ريم الي كانت مشتته بين رعد وسهام ولكن سهام اومئت بمعنى روحي
جلس رعد بالكرسي مقابل مكتبها
سهام وانظارها على اللاب / قول الي عندك واطلع شغلي كثير ووقتي قليل
رعد / الله ياسهام واول وقتك كله لي وش صار الحين !!
سهام / هذاك اول يوم كنت اشوفك رجال
رعد الي سحب الكرسي وجلس جانبها / سهام والله ياكلامك هذا يوجعني واني حتى نوم مااعرف انامه
وش هالقسى الي صابك !!! ادري انك زعلانه وتحسبيني السبب فاللي صار لـ ابوك لكن احلف بأيش ان مالي يد وان حميد هو اللي وقّعه ... عندي ملف يطلع ابوك من اللي فيه ويثبت ان العقد كان مزور
سهام الي فزت / وينه الملف وينه ؟؟؟ ليه دوبك تتكلم ؟؟!!!! روح جيبه بشووف
رعد / معي مخبيه في البيت
عصبت / ابوي بالسجن وانت بكل برود مخبيييه
نطق /كنت انتظرك ترجعين لي حتى اسلمه لك بنفسي
سهام الي من فرحتها ماصدقت ودمعت عيونها / احلفففف انه معك
رعد يحلف / بكذب عليك يعني !!!
سهام / روح جيبه !
رعد طلع الخاتم من جيبه / مو قبل ترجعين لي
سهام / تستغلني !!!! تبي تضغط علي ومالقيت الا هالطريقة وانت عارف يارعد اننا مستحيل نتفق مره ثانيه
مسك يدها وناظرها بترجي / ماهو مستحيل كل شي برجعتك يلقى مكانه ،، بلاش تكابرين وانا للحين اشوفك تحبيني العـمر قصير ومابيجي اكثر من الي راح
سهام كانت بتهاوشه لانه مسك يدها ولكن بعد حكيه فرض الصمت حضوره ماحست الا بالخاتم يحاوط اصبعها
كان نفس خاتمهم الي رمته ..
رعد / مارميته حتى لو رميتيه ... فهمتي الحين اني احبك

-
وهّـاج
مااعطته فرصه يتكلم وهي توقف و ترمي عليه الفستان / انا ما اقلب صفحه انا احرققققق كل الكتاابببب تسمعنييييي ماتشتريني انا مو عبده عندك تلبسها متى مارضيت ولا زعلت حطيت المسدس عند راسها !!!
بلحظه حس بنـدم اخذ الورود يقطّعها ويتلفها وحده ورا الثانيه ...طلع الجوال من كرتونه / هذا بعد ماله داعي ! - ضربه بالجدار -
خافت من عصبيته وبرجفه غمضت عيونها تشيح وجهها
.....مد رجله من الخلف يرفس الطاولة حتى تتقلب محدثه ارتطام دوى ضجيجه بكل مكان
سدت اذونها من قو الصوت وبهستيرية / لا اتسسوووي كذه لاااا تسسسوي كذذه لاتتسسسسوييي كذهه
... تقدم وهي تراجعت حد مااصطدمت بالجدار
وهّاج/ صوتك لاعاد ترفعينه علي ! ما عجبك شي ولاتبين مني شي اتركيه مكانه
انكمش وجهها فجاءة مغمضه عيونها بألم وبحروف مربكه/ رججج للي
ماانتبه لحكيها ..عالـق بالرمش !! الرمششش ياخذه لبعيد
شحب لونها / ممما اقدر اوقف شيل رجولك
توتر من شاف اشلاء القزاز حوالين رجلها والدم عليه
وبشكل سريع شالها وجلسها على الكنب وهي تضربه / مااسامحك والله مااسامحك
جلس بالارض يخرج القزاز من رجلها وهي تسحبها بـتعب اشتدت مسكته وبحده/ بنت !! اهجدي خليني اشوف جرحك
نور /ماتقدر تشوف لانك ماتحس فيني ..
ببرود / وش هالسخافات
نور / هذي الحقيقه انا مليانه جروح وانت تزيدها علي
واقولك من الحين انا صبري خلص ولاعاد فيني طاقه
بضيقه/كل هالكلام عشان كم حاجه جبتها
نور / عشان اشياء كثير لاتحسب سكوتي رضـا
الانسان له طاقه وانا ماعدت املك شوي منها
رفع انظاره يتأمل وجنتها المحمّره ماكنها الا ورد سقاه السحاب / قلتلك ننسى الي صار
انفعلت /ماني ناسيه ولاني مسامحتك الا اذا طلقتني والحين !
وهّاج/ تبين تسمعينها ؟
تشجعه / قولها
شتت انظاره ينشغل بتنظيف جـرحها / هالكثر تنتظرينها
نور / اكثر من اي شي ...
وهّاج وسط زحام مشاعره الغير مفهومـه / انتِ طـا...
-
الديرة -
البيت المهجور نفس الغرفه الي انحبست فيها عذب
له وقت ماشرب حبه عقله شبه فاقدة شات بطنه
لدرجة تألم منها الرجل ( نفسه الي خنق لافي غدره )
لافي / اشتري حياتك لاني بايعهااا وقول منننن الكلب الي مرسسسلك
ضحك الرجل رغم تكسر عظامه
ماتحمل لافي استفزازه وغرز رجله في نفس مكان الضربه بشكل خلاه يصرخ وينطق بعدم تحمل / راج حح راجحح ارسلني ....

-

البارت انطوه حقه 🔥🔥