فرهاد "الأبلق"

البـارت2

#فرهاد"الأبلق"

بيبز فرحوني بـ تصويت للبارت+ متابعة الحساب+ تعليق حلوو مثلكم🌚🤍

""""""""
أنا لا أفرض شيئاً على أحد، أنا أضَع مسدسي على الطاولة، وأقترح "

~~~~~~♣~~~~~~

( صباح جميل مُفعم بالحيوية والسعادة والوجه البشوش حسب ما وصفوا البطلات بعد منعرف صدگ لو يضحكن علينة 😂 خلونة نشوف بالله)..
""""""
"لبّانة"

اليوم ما داومنة عندنا (OFF) بالرغم شگد افرح بية حتى اخلص من گعدة الصبح واشبع نوم إلا اليوم اتمنيت نداوم ولا نبقى بالبيت وفوگاها نشوفة عززا
والبارحة عشت بقلق حتى ما گدرت ارجع أنام من وراء و من وراء كلامة إلي يخوف بس لا لااا مستحيل شنوو أخاف منو هو أصلا ويخوفني!

مديت راسي من الدرج اباوع جوة موجود لو لا
متجاهلة رائحة عطرة المنتشرة بـ ارجاء البيت ، اتنفست بعمق من شفتة مموجود ايييي الحمد لله يارب كون ما يگعد يبقى نايم حتى لا اشوفة ولا يشوفني وهذا الأفضل أكيد..

بين ما أني واگفة حسيت ب شخص وراية خلة ايدة على كتفي هي گمزة وهي عيطة...

- يمااااااااا

- وگررص شبيج بس تعيطييين وتگمزين بية

كفختها على راسها اخزر بيها الحقيرة بلعتني العافية مسلطينها علية كل شوي تگمزني  مدري شنو..

لبّانة:- هو منو إلي گمز أنتِ لو انيييي

ودّ:- وين أدري أنتِ شعندج واگفة هنا و تراقبين شكوو ما تنزلين

- هياتني نازلة جنت انتظرج

باوعتلي صفح ما مصدگة ولا ذرة من كلامي..

- ودي اصدگ أنتِ دتنتظريني دمشي خل ننزل

نزلنة وكالعادة شفنة الطاولة جاهزة بالصالة ومحضرين الريوگ عليها وهي مترأستها وعينها علينا صبحنة عليها گعدنة بصف بعض نتريگ ..

ودّ:- مامي انطيني الزيتون من يمج

- هاج ، ميمو ما گعدت تجي تتريگ ؟

ودّ:- سمعت صوتها بالغرفة گاعدة دتدرس يمكن ما اعتقد تريد ريوگ بس شاربة كوفي

- اوووف هل بنية راح تموتني ، حتى الأكل راح تنساه وبس دراسة مخلصتها

ودّ:- أي غير سادس لازم تدرس بعد أنتِ متعرفيها شلون تتعامل وية الكتب عبالك إم وجهالها