فرهاد "الأبلق"

البـارت7

#فرهاد"الأبلق"
.......
فضلاً صوتوا وعلقوا بين الفقرات+متابعة الحساب 🤍
..
‏يا هنيّ و يا شوگ روحي
و يا عزيز  و يا مزار
يطفح بچفي حنينيّ
و من حَنيني إعليك أغار 

عريان  السيد خلف
***

"لبّانة"

لـ لحظات قليلة صابني الجمود وخلاني واگفة بمكاني ما عندي قدرة اتحرك تجاهة، الموقف يرهب ما استوعبتة أصلا إلا بعد لحظات مو طويلة و ادركت الوضع ركضت إله فوراً اشوفة يشهگ شهگات متعالية تنتزع الروح منة..

لبّانة:- شبيكككك راح تمووووت عززززة يمةةةةة راح يمووت، اوگف اوگفف لحظة

تهسترت من وضعة وشوفتي لحالتة إلي ما تسّر لا صاحب ولا عدو، أول مرة يصير گدامي هيج، صح أعرف عندة هاي الحالة بس ولا مرة صادفت و شفتة بيها ابداااً لكن هسة لا هل شيء دا اشوفة گدامي حالياً  ما دا أشوف فرهاد الشخص الصارم إلي ما يهاب شيء ولا يخاف، شعرة ما تنهز بية لو شنو ما واجه دائماً يكون شجاع حرفياً لدرجة عمو يوصفة بـ(الأسد).....

أما بهل لحظة!!! لا لاا مستحيل ما اشوف القوة والشجاعة نفسها، دا أشوف شخص ثاني ضعيف ويتراجف ما عندة قدرة يرفع ايدة أو حتى ينطق كلمة هيج واصلة بية الحالة والتعب أجهد ملامحة القاسية والمتوحشة...

گعدت مخلية رجلية جواية وشلت راسة اخلية بحضني و اگوم و اسمطة براشدي حتى يصحة وتلاه راشديات أخرى عزة بعيني مدري شنو فكرت من سويت هيج بس والله خفت لعد شنو غير اريدة يگعد..

- اگعددد ولككك جرر نفس جرررررر

أخذت ايدة افركها و ارجع لصدرة افرك بية يمة عبالك افرك بصخرة من صلابتة شنو هذا جسمة ما بية لحم شحم بس علية مشمور اللحم والشحم استغفر الله هسة أني بيا حال، اجيت اصكة براشدي بعد لو لا لزمتة لايدي اييييي صحة صحة كللوووش حرك شفايفة بصعوبة...

- كـ كافي

لبانة:- گعدت ايييي عبالي راح تموت همزين ما متت

- الـ الـ حباية

- شنو ما سمعتك علّي صوتك

صوتة گوة ينسمع فعلاً ما سمعت شگال أصلا گوة ينطق و وجهة ديزيد سوء واضح من صفرتة والعرق إلي دا يستمر بالتصبب، دنگت راسي مقربة أذني على حلگة أريد أفهم شنو ديگول..

لبّانة:- گول هسة شنو

فرهاد بتعب:- حباية

- حباية!؟ شنو هاا علاج قصدك وينها

- بـ ا الغرفة بالج....جرار

- عرفت عرفت گايمة

يمكن اتحمست حتى أجيب الحباية گمت بسرعة نسيت أبو العفونة مخلي راسة بحضني وطوووووب جان انردم راسة بالگاع يمةة راسة شكبرة أبو راس سوة طبة بالگاع سمعتة همس ( اخ) بس ما اهتميت أهم شيء هسة علاجة خل يولي راسة هسة وإذا انكسرت الجمجمة لو انفطرت فد معضلة..