فرهاد "الأبلق"

خبر بائس

السلام عليكم قلبي شلونكم شخباركم..

بدايةً أقدم اعتذار الكم و اتمنى تعذروني أعرف نفسي مقصرة وية الرواية ومو ملتزمة بالتنزيل+ اتأخر همين لهذا حابة انكم تلتمسولي العذر..🤍😔

قلبي يمكن البعض منكم يعرف أني هل سنة مرحلة رابعة والاخيرة و أكيد تعرفون شگد بيها ضغوطات من ناحية الدراسة و البحث وسوالف التخرج وما شاء الله هل سنة القسم من البداية متشددين ويانة..
فـ أعرف نفسي ما الحگ على وقتي و يطير بسرعة بين الدوام وبين الدراسة وغير انشغالاتي البقية
لهذا الرواية مراح اگدر انزل الكم بارتات أو الحگ أكتب يعني يا أما اوقفها أو شوكت ميصير عندي وقت أحاول أكتب بارت و انزلة الكم..

مو بيدي صدگوني أتمنى تقدرون وضعي، حتى أني مزعوجة من هل تأخير وماريد أطول بيها أتمنى أكتب و اختمها بس المشكلة اكو أحداث هواية ما اكدر اختصرهن لازم اكتبهن بعمق وما اعدي ولا حدث إذا اداوم أكتب حتى بالي يتخربط ويمكن البارت ما يترتب ولا ألاحداث تكون مرتبة...

أني من هسة انطيتكم الخبر حتى ما تگولون بعدين مغلسة و تعاتبون ليش اتأخر..

يعني اختصاراً أشوف الصح أنو اوقف الرواية إلى أن افضيلي وقت كافي حتى أكتب بارتات و انزلهن بدون تأخير أفضل من أنو كل أسبوع أو اسبوعين انزل بارت هيجي حتى الاحداث تنسوها ويخرب واهسكم وطبعاً أني ما أريد هل شيء أكيد لهذا اختاريت الأفضل...

لا تزعلون قلبي إن شاء الله اعوضكم عن هذا التقصير بس ادعولي بالتوفيق و اخلص السنة على خير لأن الصراحة هل سنة وين الدكاترة النحسيين راح يدرسونة هاي من غير مشرف البحث..😭😔

أتمنى التوفيق للكل و اعرفوا أني احبكم كُلششش كُلششش 🤍🤍💞🍒..