فرهاد "الأبلق"

البـارت5

#فرهاد"الأبلق"

عمري لطفاً منكم صوتوا وعلقوا بين الفقرات+ متابعة الحساب 🤍
""""""
اضمك وين؟ من ياعين؟
هوه المثلك شينظم ياالجنك بخور هنود من سابع سلف ينشم ..

مهند العزاوي

~~~~~~♣~~~~~~

- شجاابك؟!

- امشي گدامي بلا حركة زايدة

- ها؟ شنو وين امشي

نطقتها بنوع من الثول و أني تحت تأثير الصدمة والذهول من جيتة الغريبة ، ما جاوبني سحلني سحل من ردني يمشي ويتلفت بنظراتة منا ومنا ، جنت لابسة كعب الخطوة گوة اخطيها كل شوي أريد أعثر و اتلاحگ نفسي ومنا هو يجرجر بية مثل الخروف صدگ نرفزني...

لبّانة:- وين رايحين ، ليش اجيت هنا شنو عندك و بعدين وين السائق ؟

متجاهلني على الآخر ولا كأن دا اسأل ، فتح باب السيارة الگدام صعدني و ساد عني المكان حسب تفسيري المتواضع شكيت أنو يريد يغطيني وما انشاف ليش ما أعرف ؟ خلاني بريبة ...

اندار للجهة الثانية بس صعد شخط السيارة واستدار بسرعة قصوى خلاني انردم بالباب ما حسيت على نفسي من عطت بية..

- شبيك أنت شبيك لطشتني بالباب

- صوتج ما اسمعة ضمي السانج بحلگج أفضل

لبّانة:- شنو اسكت غير أفهم شكو وين ماخذني

فرهاد:- شحچيت؟

لبّانة:- صوتج ما اسمعة ضمي السانج بحلگج أفضل

-شنو؟

رفعت اكتافي ونزلت شفتي السفلية..

- هيج حجيت أنت

باوعلي بنظرة جمود و رجع يسوق مركز ، اختنگت لعبت نفسي من رائحة عطرة معبية السيارة صايرة تخنگ احس ما بيها هوى، بالصدفة صارت عيني على المكان إلي بيناتنة انلصمت من شفت المسدس مالتة موجود ، باوعتلة بسرعة جامد وهادئ حتى من يرمش ما يبين وياة شدعوة هل گد سايلنت مسوينة..

اتصل موبايلة رفعة يحجي..

فرهاد:- هاا..... لا تخافون هاي وياي بالسيارة راجعين... شنو شلون عرفتوا خرررب شرفهم الـ****
أنا الهم السفلة عديمين الشرف..

دخنت من سمعتة غلط بكلمة عيب عزززة هاي أول مرة اسمعة يغلط صدمني ،درت وجهي عنة اباوع من الشباك ولو مظلل بس اهون ، بقة يحجي وكل شوي شامرلة غلطة يخلي عيوني يتوسعن من الخجل والفشلة صخام يبووووو هذا يمكن نساني موجودة وياة بالسيارة..