جسمي يختض من الخوف والرعب اباوع على ايدية ترجف مدري خوف لو برد بس أكيد خوف من إلي راح يصير بيه ، شورطني ونزلت جوه الله ياخذني ..بقيت ألوم نفسي وأءنبها على نزلتي جوا
فزيت برعب على صوت دكة الباب اجاني صوته يهمس ب فحيح..
- افتحي الباب بسررعه قبل لا اك...
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
مريب هادئ الأطباع، جميل العينين ، أبيض القلب!! ولكن ؟! تلطخ ذلك القلب بسواد الليالي حتى أصبح جامد الوجه كالجليد !! ،ذو الطبقة المخملية ، لديه هنداماً مميز ومُغري يُسحر عين كل من يراه!!
~~
انتظرت وانتظرت وهو ماكو غير كال راح اجي بهل وقت وينة ؟ خليت راسي على مخدة كلت بس يجي اكوم مدري شبسرعة غفيت يمكن لأن هل أيام ما شفت النوم... ولا غمضت لحظة..
فات وقت وفزيت على فتحة الباب بخبال كعدت مفزوعة ، دخل بسررعة يمشي صوب الكنتور أبو بابين ويحجي بهمة والقلق واضح على صوتة..
-كومييي بسررررعةةة لبسي خل نروح
ما استوعبت كلامة بس صافنة علية خايفة ، مدري شيطلع من الكنتور ويخلي بجيوبة ، فززني صوتة وخرعني من عاط بية..
-اتحررررركي بسررررعة ياااالله
طفرت جريت الصاية والشال حتى ناسية ما لابستة من دخل ، انشلشت أريد اطيح بالردانات ماكو من شافني شلون مرعوبة وخايفة..
اجه أخذ الصاية من أيدي دخل الردانات بيدية وسد السحاب بسررعة ، لف حجابي شلون ما جان المهم ما طالع شعري..ما اتجرأت انطق ولا كلمة من شفت حالتة وشلون معصب ويتحرك ب أقصى سرعة..
أخذ جنطتة لبسها ولف شماغ على وجهة ، عيونة السود يجدحن طالعات من الشماغ اجه جرني من أيدي ويمشي سريع أريد الحك علية ماكو يجر بية مثل الطلي واخاف احاجية وينطيني كفخة تلزكني بالكاع..
دخل بممر طويل ما شفتة هذا من أجيت أو يمكن إني ما لحكت استطلع على بيت وأشوف شبية ما بية وصل للنهاية فتح باب طلعنة ورجع قفلة من برا اباوع داير ما دايرنة مزرعة شكبرررها وبس خضارها مبين واشجارها كبار متشابكة شيء على شيء
رجع أخذ أيدي وكام يركض وإني أركض وياة ساحلني سحل ، تعبت واحنه نركض وخايفة أكلة ويعصب ، بقيت أتلفت كل شيء ما أشوف غير الأشجار العالية..
ما كدرت أتحمل بعد من الخوف والرعب والتعب كمت ابجي بخبال ، وكف ودار علية مصدوم بالبجي مالتي يحاول يحجي بهدوء حتى ما أخاف بس ما يفيد..
هزيت راسي أمسح بخشمي وكمت وياه صرنه نمشي بدون ركض وهو كل شوية يلتفت ورانه يباوع
طاح گلبي يم رجلية من سمعت صوت رمي جلبت بيدة خايفة وابجي متخبلة منين هذا الرمي شجاي يصير..حجيت بهستيرية
-شنو هااي يمةةة منوو جااي يرررمي
احجي واتلفت منا ومنا واسمعة يسب وهو گاز على اسنانة يحجي بغضب..
-خررررب روووحكم منين طلعتولي تعاي تعااااي
عتني من أيدي أكو حطب وسعف يابس هواية مجمعينة وما يبين شيء منه ، سوالنه مكان بين الحطب ورجع علية..
سحبني وياه كعدنة متغطين بالسعف ماد رجلية منا ومنا وإني كاعدة بينهن فاصلة من الدنيا كلها بس صوت شهكاتي طالع ، خله ايدة على حلگي يهمس بذني ..
-أشش گطعي شهگاتج
سكتت ارجف فاتحة عيوني على وسعهن حتى النفس كطعتة ، اسمع أصوات مشي على أوراق الشجر اليابس ،جانت شفايفة قريبة على أذني لهذا أسمع همساته يردد بخفوت آية الكرسي..
عشر دقائق مرت على هذا الرعب إلي عشته اختفت اصوات خطواتهم ، عبالي هاي هي راحوا بس انهدمت حصوني وباد حيلي من سمعت واحد صاح...
طبعاً مرح اكوللكم مختلفة لأ اخليكم انتوا تشوفون وتحكمون عليها ، بيها أحداث وأمور متشابكة شيء بـ شيء ولكننننن رح تستمتعون بيها متأكدة لأن هي ياخي صكووووكية 😔❤️🔥
القصة تنكتب ويبدأ تنزيلها من أكمل قصة ( قربان بلا ذنب) واختمها... ومتأكدة مثل م عجبتني رح تعجبكم وتحبوها احفظوها يمكم بالمكتبة حتى من أبدي أنزل بيها توصلكم الاشعارات..
