فرهاد "الأبلق"

البـارت6

#فرهاد"الأبلق"
.......

يافكه عيون الكلب يا ميزتي البيها انغر
مو رايدك واتنفسك لا يا نفس شي اكبر

ايهاب المالكي
*******

- ما حصلت شيء

- للأسف لا السالفة مليوصة واضح حذرين كلش هل مرة بيت الاعرج

- شگد ما حذرين لازم اكو نقطة ما مركزين عليها وتخليهم مفضوحين

- والله مادري شگلك

دخل عليهم بيدة ملف يقلب بين أوراقة رفع راسة يشوفهم بعد ما طبگ الملف بجزع ياكل شفتة من الحيرة إلي ديمر بيها بخصوص الموضوع الشاغلهم ..

رافد:- هاا شباب شنو الاوضاع يمكم

رضا:- نعل مگطعة

ياسين:- نفس الشي ما لگينة ولا خيط

رافد:- استغفر الله ما معقولة هيج نظيفة سالفتهم ولا تاركين عثرة وراهم

ياسين:- گلت أنا لابد عايفين ولو خيط شك وراهم

رافد:- المشكلة ما ظهر ولا شفناة احنه حتى ما متأكدين إذا هو لو لا

رضا:- عندك شك؟

رافد:- مو شك بس ما شفت شيء يدل على وجودة

ياسين:- لا تشك مدام خالي گال هو يعني هو

شمر الملف رافد من ايدة وتكتف يباوعلهم...

رافد:- اخخخ لو بس يطلع ويصير گدامي إلا اشعل الخلفوة والساعة الفكروا يخلفون بيها

رضا:- عساهم خمدوا ذيج الليلة ولا خلفوا واحد نذل مثلة ومثل نسلهم الجايف

ياسين:- عذروهم بعد گبت

رضا:- لو راكدين اشرف

ياسين:- ههههه استغفر الله، لا تستعجلون أبو طبرة بعدة يدور يمكن يجيب خبر يفيدنة

رافد:- عندي أمل بية إذا اجه و گال ما محصل شيء إلا اشعل صفحتة و اسويلة طبرة على حاجبة الثاني

گعد رضا بكل اريحية وهو يخلي سلاحة گدامة على الطاولة و مد رجلية عليها شاعل جگارتة..

رضا:- عاد يكيف الـ****، يريدها من الله ويخليلة طبرة ثانية

ياسين:- ويصير اسمة أو طبرتين