فرهاد "الأبلق"

البـارت11

#فرهاد"الأبلق"

فضلاً صوتوا وعلقوا بين الفقرات+متابعة الحساب 🤍 ..

هي رغبتي الجميـلة

آه، لو أنالُها..
آه، لو أنا لها..

(اعذروني على التأخير قلبي نت ما عندي اجيت لـ بيت أخوية علمود انشر البارت)

****

- عمو أني موافقة

شهاب الدين:- متأكدةة!

لبّانة:- أي متأكدة

شهاب الدين:- الحمد لله ألف الحمد لله وهذا المتوقعة منج بابا،الله يتمم على خير

صفنت أحاول استوعب الدا يصير شنو غير البارحة گالتلي راح ترفض لأن ما تريد هذا الزواج لعد ليش سوت هيج شنو غير رأيها يا ترى؟

باوعت على كل الموجودين ناس طاگتها صفنة ما مستوعبة نفسي بالضبط وناس فرحانة وعمتي يا وويلي على نظراتها عبالك تريد تسوي هجوم، اثارت انتباهي النظرات الصارت بين فرهاد ولبانة هو يباوع بنظرة استهزاء و رافع حاجبة گأن يگوللها هاا مو گلت تقبلين وهاي قبلتي أما هي تنظرلة نظرة حقد على كره على تحدي وقوة ماعرف هيج فسرت نظراتهم صح غلط ما عندي علم...

زمرد:- لبّانة أكيد موافقة؟!

لبّانة:- احم أي عمة

ميساء:- جا وين حجيج أمس وصياحج ما اقبل وما ارضى شلون هسة رضيتي

شهاب الدين:- ههههههه شبيجن وياها تردنها تبطل وتتراجع عوفنها هي جبيرة وعاقلة تفهم و أكيد شافت موافقتها لمصلحتها وهي الصح مو هيج حبيبتي

غصبت نفسها على الابتسامة تهز رأسها أي،شال ايدة بابا ضرب فرهاد على كتفة وهو يگول..

شهاب الدين:- أي مدام الطرفين موافقين اسمعوني زين، بعد النة يومين هنا قبل لا ننزل للدوام لهذا أشوف أحسن شيء نعقد الكم بهل أيام شتگولون

انتفضت لبانة بمكانها معارضة كلامة وبشدة...

لبّانة:- لااا عموو شنو السالفة ليش هيج مستعجلين

فرهاد:- شكو بيها؟!

شهاب الدين:- ليش بنتي خير الأمور عاجلها شعدنة هسة شكو بيها إذا عقدتوا مدام احنه هنا ما ندري شنو يصير بالايام الجاية و إذا اكو وقت مثل هسة

لبّانة:- بس أني ماريد هسة بعد وقت

ميساء:- شنو هاي إنوبا ما تريدين هسة هي لعب غير زواج هذا عقدوا و فضوها بعد شهل هوبزة وافقت وما تريد تعقد

فرهاد:- عمةةةة من رخصتج الموضوع خاص بينة لا تدخلين

ميساء:- ولكك وأنا شنو غريبة وما اتدخل غير عمتك