රාත්‍රියේදී, කවුළුවේ කුඩා හිඩැස් තුළින් සුළඟ හමා ගියේ ඉටි පන්ඳමේ දැල්ල මඳක් සැලෙන්නට සැලැස්වමිනි. ඉටි පන්ඳම නිසාවෙන් බිත්තියේ වූ සෙවණැල්ල වම් පසටත්, දකුණු පසටත් වැනුණි. "සියල්ලම මෙපමණයි?" හේ යැන් ඇය ඉදිරිපිට වූ කුඩා මුදල් ප්‍රමාණය දෙස බලා ඇසුවාය.
"වඩා මුදල් දෙන්නැයි මම කලියෙන්ම කඩහිමියාගෙන් ඉල්ලලායි තිබුණෙ," චින්ග් මෙයි අපහසුවකින් යුතුව පිළිතුරු දුන්නාය: "නමුත් කඩ හිමියා කීවේ ඔහුට ඒ ආභරණ සඳහා මුදල් දිය නොහැකි බවයි."
හේ යැන් හිස සැලුවාය, "ඔබට දැන් යන්න පුළුවන්."
චින්ග් මෙයි පිටව ගියාය.
හේ යැන් කුඩා මුදල් ප්‍රමාණය එකින් එක ගෙන ඇගේ අත්ල මත තැබුවාය. බිඳී ගිය කුඩා රිදී කැබලි දෙක දෙස බැලීමෙන් ඇයට දැනුණේ ඒවා සමගම ඇගේ හදවතත් බිඳී යන බවකි.
පෙර හේ පවුලේ සිටියදී ඇයට කිසිදිනෙක මුදල් ගැටලුවක් නොවුණි. මුදල් අවශ්‍යතාවක් තිබුණහොත්, ඇයට සරලවම ඇගේ ආභරණ සහ ජේඩ් මාල පෙති උකස් කර විශාල මුදල් ප්‍රමාණයක් ලබාගත හැකි ය. සටන් බිමේ සිටියදී කිසිදු මුදල් අවශ්‍යතාවක් නොතිබුණි. ඇය නැවත ජින්ග් චෙන්ග් වෙත පැමිණි විට අධිරාජ්‍යයාගෙන් විශාල මුදල් ප්‍රමාණයක් සහ වටිනා කියන දේ ත්‍යාගයන් ලෙස ලැබුණි. මෙම ප්‍රමාණය හේ පවුල් කිහිපයකගේ මැද මිදුල් පිරවීමට තරම් ප්‍රමාණවත් විය.
ජෙනරාල් ෆෙයි හොන්ග් ගේ ත්‍යාගයෙන් බිඳකට හේ පවුලට තම අර්බුදයෙන් පිටතට පැමිණීමට උපකාර කල හැක. නමුත් ඇයට නැවත කිසිදාක ඇගේ පෙර හේ පවුලට යාමට නොහැක.
හේ යැන් ගැඹුරු සුසුමක් හෙළුවාය. ඇයට අවසානයේ "සතයකට වීරයෙකු පරාජය කළ හැකි ය" යන කියමනේ අර්ථය වැටහුණි.
මුදල් වෙනුවට කිසිවක් ආදේශයකට ගත නොහැක. හේ යැන්ටද හරඹ පිටියට යාමට උවමනා වූවාය. කන්ඳ තරණයෙන් ඇයට සිරුර මඳක් ශක්තිමත් කර ගැනීමට හැකි වුවත්, එය ප්‍රමාණවත් නොවුණි. ඇයට ඇගේ පෙර දිවියේ සිරුර මෙන් සැබැවින්ම ශක්තිමත් වීමට අවශ්‍ය නම් මිනිසුන් හා ඍජුව සටන් කිරීමටත්, දුනු විදීමට මෙන්ම අශ්වයන් පැදීමද අවශ්‍ය ය. කෙසේනමුත්, තම දියණියට තම දිවියටත් වඩා ආදරය කළ හේ සුයි මෙයට එකඟ වේ දැයි හේ යැන්ට විශ්වාසයක් නොතිබුණි.
YOU ARE READING
Rebirth of a Star General - සිංහල පරිවර්තනය
Acciónපුරාණ කියමන මෙසේය: බොහෝ ඇමතිවරුන් ගුආන් දොන්ග් වලින් පැවතගෙන එන අතර, බොහෝ ජෙනරාල්වරුන් ගුආන් ෂී වලින් පැමිණෙයි. හේ යැන් උපන්නේ තරු ජෙනරාල්වරයෙකු වීමට ය. ඈ ඇගේ පවුලට පයට පෑගෙන ගලක් තරම් වූ අතර, ඇගේ සහෝදරයාට ආදේශකයක් ලෙස යොදාගන්නා ලදී. මිලේඡ්ඡයින් නවත...
