"القَصِـيم العُظمى"

Part1

الشخصيات ..
بيت مطلق
جود بطله قصتنا
حصه اختها و حنونه مره وأكبر خواتها
الجوهره الاخت الوسطه حالها حال نفسها بس تحب اخوانها اكثر من ايشي ثاني
فارس اخوهم الكبير مايرضى على اخوه او خواته ولا حتى امه يغليهممم غلا محد من العالم يساويه
عبد الرحمن الاخ الصغير  محد داري عنه اهم ما عليه يخلص إشغاله وينام
........
بيت عبدالله
العنود بطله قصتنا برضو صديقه جود مرت على علاقتهم سنوووات كثيررر و واجهو أشياء كثير معبعض
عبد العزيز اخوها الوحيد الي تغليه ويغليها
عبدالله ابو العنود
..............
فهيد ولد عم جود كان معروف فالقصيد مره
اما سلطان برضو يكون ولد عم العنود
كانت فيهم معرفه فهيد وسلطان لأنهم عيال ديره وحاره وحده
اما الأعضاء الباقين نتعرف عليهم في  قصتنا
.............
بدايه المتوسط ل جود والعنود صباح اول يوم دراسه اتصلت العنود على جود
العنود: ايه مابقيتي تردين وينتس طاسه
جود: يوه يابنت الحلال اشغال ما اقول غير الله يعين الا انتي الي وينتس 
العنود: والله ياجويد تعبانه ولا لي خلق حتى اداوم
جود:تصدقين ولا أنا لي خلق إلا شرايتس نسحب ونطلع
العنود: يوه والله انك رايقه إلا اقول شرايتس اجيتس نتجهز مع بعض
جود: خلاص تم
العنود : تم جايتس هالحين بقول ل ابوي واجيتس
العنود وهي تجهز أغراضها نازله تحت يم ابوها ابوها تقهويه
العنود: اخبارك يبه
عبدالله : بخير وانا ابوتس إلا وين على الله من على هالصبح توه عالدوام
العنود واهي تصب فنجال قهوه ل ابوها : والله ي ابوي بروح عند جود نتجهز مع بعض ونروح مع بعض
عبدالله : روحي وانا ابوتس و وسعي صدرتس وهالله هالله بالدراسه
العنود وهي قايمه تبوس راس ابوها :لاتوصي ي ابوي باذن الله أنا الي برفع راسك
عبدالله: الله يرضى عليك و يوفقك ياقرة عين ابوك
العنود وهي قايمه تلبس عبايتها : توصي ع شيء يبا
عبدالله: لا وانا ابوتس انتبهي حق عمرتس ودربتس
العنود: ابشر يلا سلام
العنود وهي طالعه مع الباب وجاء اخوها الكبير"عبدالعزيز"هو ويخرعها
العنود: وجع عزوز وش حركات البزارين ذي
عبدالعزيز: خوفتك ؟ اقول بس رجعي فلوسي ياللي زارفتها
العنود: عزوز تكفى روح مالي خلق لك
عبدالعزيز: والله ما أتحرك لين تعطيني
العنود: افففف طيب
عبدالعزيز : ادب إلا على وين رايحه
العنود: عند جود
عبدالعزيز وهو يبتسم: اها جويد اجل تصدقين خذي الفلوس مالي حاجه فيها
العنود: اقول يالخفيف انتزلععع عني وخذها لا تقروشني
العنود وهي طالعه من بيتهم تصك الباب وبيدها شنطتها ونقابها معفط وتتحلطم ويجي عندها "سلطان"
سلطان واهو مستحي : اهلين يامرحبا العنود اخبارتس
العنود : اهلين بخير اخبارك انت
سلطان : بخير يالله لك الحمد إلا مب توه عالدوام وراتس مستعجله
العنود وهي تعدل نقابها وتشيل شنطتها وتقول داخلها : يالله صباح خير صدز ذا شيبي ردت عليه وهي تقول : ابد والله قلت اروح لصديقتي ونجهز مع بعض
سلطان : اها ،اجل انتبهي لنفستس ولطريقتس
العنود: معليك ابشر
العنود واهي تعدي قدام سلطان وترح ليم بيت "جود"
سلطان: اخ يالعنود اخ تكى وجلس فوق طبلون السياره وقال :احبك لو تكون حاضر احبك لو تكون هاجر ومهما الهجر يحرقني راح امشي معك للآخر .......................القصيده ل طلال مداح
.
.
.
.
.
وصلت العنود بيت جود وفتح لها الباب " فارس" اخو جود
فارس صد راسه وهو يقول : حياك حياك اختي داخل تنتظرك
العنود: يبقيك تمام
دخلت العنود وسلمت ع الموجودين من بين خوات جود و جداتها
حصه : يالله حيها تعالي اوديتس غرفه جود على مايزهب الفطور
العنود دخلت غرفه جود واهي تضحك وبنفس الوقت تصرخ : جويدددييي اففف شتقت لتس
جود وهي حاضنه العنود : مب كثريييي والله
العنود بعد مارمت أغراضها وعبايتها : كيف حماس اول يوم متوسط
جود: تصدقين ما احس أبدا فحماس معرف ليه
العنود: هذي انتي منزمان شالجديد ههههه
جود: ايه اضحكي اضحكي عساس الفالحه بروح اجيب لتس قهوه وقدوع
العنود وهي صامله تضحك: يلا يلا
جود نزلت تزين القهوه وطق الباب
الجوهره : بالله جويد شوفي الباب
جود: ابشري
جود واهي رايحه تاخذ طرحتها : مين
فهيد ولد عم جود : ...... أنا ..... فهيد ....عمي موجود
جود: هلا يفهيد لا والله من شوي طلع
فهيد : اها تمام يعطيتس العافيه
جود: الله يعافيك
فهيد : إلا بالله متى بيرجع
جود: والله الي اخبره انه مب مطول لكن حياك فالملحق على مايجي
فهيد : لا لا وين ادخل متى ماجاء قولي له
جود: تمام
فهيد : مشكوره ويعطيتس العافيه
جود : الله يعافيك
راح فهيد وهو يهوجس ب جود لين جاه سلطان :
هي ولد علامك سرحان
فهيد : ابد ولا شيء
سلطان وهو يطلع فصفص من جيبه ويعطي فهيد ويقوله فمزح  : ان ماخاب ظني ي فهودي انك طايح على وجهك
فهيد : اصدق؟ اي بالله
سلطان ضحك : اقعددد ي فهودي حُب وحركاتتتت
فهيد هو ويطقه على كتفه ويضحك : وجع لا يسمعك احد ثاني شيء شحبه بس يعني انجذبت فهمت
سلطان وهو غص من الفصفص الي فحلقه لكن صامل يضحك : انجذاب ها ههههههههههه إلا ومنهي سعيده الحظ الي داعين عليها امها وأبوها
فهيد وهو يهبده على ظهره عشان حلقه : مايخصك فمحارمنا 
سلطان فرط ضحك : محارمنا !!!!!! تراي داري 
انها جود بنت مطلق
فهيد وهو هالمره طقه صدق :وش عرفك فيها يالمخنز
سلطان : ابد يعني طبيعي بعرفها من حارتنا وثاني شيء تراها صديقه عوعو
فهيد لف عليه وهو مصدوم : عوعو؟
سلطان: ها لا اقصد العنود بنت عمي العنود بنت عمي
فهيد وهو يضحك ؟ عوعو اجل ها ؟ ههههههه
سلطان وهو يحاول يغير الموضوع كثر ما انخجل:
اص بس امش نتجهز ثاني شيء ذي ثاني سنه لك ثانوي وعقبه خريج ياوغد
فهيد: وانت ي الوغد توك متوسط
......
عند جود والعنود عقب مافتحت الباب ل لفهيد واخذت القهوه
العنود : من كان عالباب
جود ضحكت: ياحبك للعلوم
العنود : مسويه طالعه منها هههه الوكاد من
جود وهي تمد قهوه لها: فهيد ولد عمي
العنود : اما صديق سلطان
جود : ايوا هو
العنود: ماشاءالله صدز تعجبني صداقتهم رغم فارق العمر الي بينهم
جود : اي والله ماشاءالله
العنود : ايه ماعلينا سولفي ب شيء ثاني والله شتقت ل سواليفك
جود : ابد والله ماعندي شي اهرجي انتي مب بس انتي تشتاقين لسواليفي حتى أنا شتقت سولفي أخبارتس و احوالتس
العنود : والله ياجويد مدري شقول زهق وتعب إلا صح متى جيتو من القصيم
جود :  امس وصلنا وانتو متى جيتو من الدمام ؟
العنود: قبل امس كان الوالد مستجل ع الديره الله يسعده إلا ما كانه تاخر الوقت امشي نجهز
الجوهره : جويد انزلي انتي والعنود افطرو
جود: ابشري ابشري جايين
فارس : جويد أوصلك أنا ولا بتروحون على رجلينكم اليوم
العنود: قوليله خل نروح ع رجلينا أزين
جود: فروس حنا باقي ماخلصنا انت روح خلاص يعطيك العافيه
فارس : يعافيتس وانتبهو لدربكم
جود: ابشر ابشر
الجوهره : يلاااا ياجود
جود: جااين
نزلو يفطرون مع بعض فالحوش والجو غيم ودفاء وريحه الزرع وصوت الماي الي يصبونه عليه
وصلو جود والعنود الحوش
حصه : جويدي بالله جيبي البيالات
جود : ابشري
العنود : أساعدكم ب شيء
الجوهره : لا ابد يعطيتس العافيه انتي ضيفتنا استريحي وافطري
العنود : يعافيتس
افطرو وعينو من الله خير وراحو يلبسون عباياتهم
العنود : الجو اليوم يهبل
جود: اي والله يبيلها شاي بنعناع
العنود : يوه بالعجيز شاي هالحين
جود : شتبين اجل
العنود : لبسي لبسي عسانا نوصل قبل الحصه الاولى بس
لبسو جود والعنود عباياتهم وطلعو وسلطان وفهيد وعيال الحاره كلها مجتمعين راح فهيد نقز ل جود عقب ما انتبه لها
فهيد : صبحها فالخير
جود وهي صاده عنه : هلا صباح النور
فهيد وهو يحاول يفتح سالفه : انتي الي فكيتي الباب لي اليوم
جود :ايه أنا
فهيد : اها تبين شيء
جود : سلامتك
فهيد : انتبهي ل نفستس
جود : حتى انت يبعدي
مشو جود والعنود وبقى فهيد فمكانه وهو مستغرب : كانها قالت يبعدي والله قالت لا لا أنا فيني شي
رجع فهيد وهو يلعب ف مسبحته ويغني :
انتي ما مثلك بشر ياقمر خمسه عشر
جامعٍ زين وحلا ياحبيب الله عطه
ويجيه سلطان وهو يحط يده على كتف فهيد ويمد له فصفص ويفصفص معه : لا لا يبو محمد طايح على وجهك صدق
فهيد : اخ ياسلطان
سلطان : ما انت ب جوعان
فهيد : إلا والله
سلطان : ماودك بصحن كبده وفول وشاييي عالكيف
فهيد : لاتكفى
سلطان : اجل شتبي مع هالصبح
فهيد : ودي فشاي وبيض وطماطم
سلطان وهو ماشي ويده على كتف فهيد : يلا بيض وطماطم وكبده وفول وشاي
فهيد : وعلى مزرعه جدي
سلطان : والله انك تفهم
مشو سلطان وفهيد ب شاص جد فهيد وراحو البوفيه الي فالحاره
فهيد : خله يكثر الشطه ع البيض والطماطم
سلطان : ماطلبت شيء
طلال ولد الحاره معهم : ياااممحمد اثين فول بالله و ثلاثه شاي وخبز
فهيد و سلطان : ارررحححب
طلال: يااارحبااا حي الله المطاانيخ اخباركم
فهيد : والله بخير
طلال : عالدوام يامساكين
سلطان : إلا ما أقول إلا ياحظك انت مخلص ولا عندك شيء
فهيد: حياه العاطلين
طلال: لا ابشرك بقدم على وظيفه اليوم
سلطان وهو يفصفص بالفصفص الي معه:اقعد اقعد
طلال وهو يستلم الطلب حقه : يلا توصون بودي الفطور للأهل
ردو عليه : لا سلامتك
سلطان : ابك ذا وراه ابطى ساعه على مايجيب الطلب
فهيد : ياحبك لبطنك انتظر
سلطان وهو يرجع باقي الفصفص الي بيده فجيبه : عانه عانه جاء
فهيد : هالحين كل
دق بو سلطان على سلطان وهو معصب : وراك يالتيس متغيب عن دراستك
سلطان وهو ياكل : يبا والله بفطر وبروح اداوم
بو سلطان : واللي يشوفك يالمشفوح مايقول بوه اكل فبيته وين مارحت اكلت عانهم مرسلين لي يالفالح انك غايب
سلطان وهو يشرب الشاهي : يوه دز لهم اني تعبان وخلني اغيب ويوم مايضر ترا
بو سلطان : تبطي عظم بقولهم انك متاخر وبتجي اخلص بسرعه يلا
سلطان : طيب سلام
فهيد وهو يضحك عليه وياكل: هاه يالمسكين شجاك
سلطان : فهيد ياخي اسكت مالي خلق لك
فهيد : سم سم بس اهدأ
سلطان : يامحمحددد جيب شاي ثاني
فهيد : أمداك خلصته
سلطان : ياولد ياهو عليهم شاهي اففف فالمخ
فهيد:يلا اخلص
سلطان:يلا بس تخلص الشاهي
فهيد وهو يطلع مسبحته : جيه معك وكمله عالطريق
طلعو الاثنين وهم يعاينون الشاص مبنشر
فهيد : يوههه وقته ذا هالحين
سلطان : مابوه محطه فيها بنشر هنا
فهيد : ابلش
سلطان : اصبر اسال لك
فهيد : اقل انثبر عارفك بتزبن
سلطان : يخوي شموس
فهيد : انطق هنا مانيب متاخر
سلطان : طيب يلا استعجل
بعد ما مرت اكثر من ساعه ولقو محطه وظبطو الشاص
فهيد : يلا ي سلطعوني مدرسه
سلطان : تستهبل صح ؟ شايف الساعه كم وبتهقى يدخلوني والساعه 9؟
فهيد:يخوي وشوله تداوم اول يوم عادي
سلطان وهو يحط يده ع الشباك ويحط راسه: قل حق ابوي
فهيد: معليك أظبطك هالحين
سلطان : شبتسوي
فهيد: بدق على ابوك
سلطان وهو يبتسم : ايه ايه بالله ابوي يعرف ابوك وبيقتنع
فهيد وهو يطلع جواله بيدق: يوه وقته ذا بيطفي
سلطان :معي معي شاحن
فهيد : طلعه
سلطان : دندن يافوفي
فهيد: اما فوفي
سلطان وهو يضحك : ليه ماعجبك
فهيد : اسكت اسكت ابوك رد
سلطان : على هالخشم
فهيد : هلااا عمي اخبارك
خالد بو سلطان :  هلا هلا بفهيد
فهيد : والله ياعم بنشرنا
خالد وهو يقاطعه: ابشربي وانا عمك وينكم فيه
فهيد : لا لا ياعم ماتقصر ظبطته وتعرف يعني بتدخل الساعه عشر وسلطان
خالد وهو يقاطعه مره ثانيه : غاب صح ؟
فهيد : والله ياعم تعب وساعه واقفين بالشموس
خالد : طيب طيب وقله بس هالمره
فهيد : ابشر ابشر ماطلبت شيء
خالد: ودامه فاضي ماغير يسرح ويمرح جبه لي بيجوني رياجيل
فهيد : على خشمي ابشر
فهيد وهو يصك جواله : هاه سمعت ابوك شقال
سلطان وهو معصب : سمعت وتعلمني بعد
فهيد : ليه ليه علامك بجي معك بس خلني ارجع الشاص حقي جدي
سلطان : ياحظك انت لا شغله ولاشيء ولا تنفع بعد كيف كذا ابوك راضي
فهيد : ثقه الوالد تكفي وثاني شيء على وش ياحظك أنا فديره وهم فديره
سلطان : أزين شيء
فهيد وهو يلف الدركسون: يخوي اسكت
............................
وبالمدرسه جود والعنود وهم متأخرين وعند الاداره
مديرتهم صيته : وهذا وهو اول يوم تاخير كيف الايام الباقيه
العنود: والله ياستاذه بس هاليوم اليوم انشغلنا
صيته : تراددين بعد لمي شوشتس اخلصي انتي وياها
العنود : طيب طيب
جود وهي متكتفه: طيب هالحين نبقي ولا شالوضع
صيته : انتي ماتستحين تتكلمين معي تسذا صدز اهلتس ماربوك
جود: معليش استاذه عن الغلط عن اهلي وثاني معليش يعني وهو توه الاستاذات يفطرون مابدأت الحصه الاولى
صيته : تراددين بعد يلا انتي وياها على بيوتكم
العنود واهي معصبه : مشينا جويد
جود وهي طالعه مع العنود : اف يالصداع لو اننا غايبين ابرك
العنود : ياشينها شيناه كيف بتحمل ذي ثلاث سنوات بعد
جود وهي تحط يده على كتف العنود وتاشر لها على اشخاص يبيعون شاي : معلينا هالحين يبيلها شاي زياده سكر اووف
العنود : شاي؟ تستهبلين انتي مع هالحر ؟
جود: وشبها الذ شيييي
العنود : مشينا مشينا بس
جود : وشرايك نروح مزرعه جدي
العنود : لا يويلي شيدخلني مزرعه جدك بعد
جود : يابنت عادي
العنود : لا لا يمكن ابوي يعصب
جود : اجل خل نفر دام الحاره فاضيه قبل لا نرجع
العنود : خل نروح نفطر
جود: يلااا
مشو جود والعنود لين لقو مكان يفطرون فيه
العنود : لو سمحت واحد شاي و واحد عصير واثنين فلافل
جود : عصير وفلافل ؟ ابلشي بالحرقان بس لا يحط مخلل
العنود : طيب ..... لا يتاخر بالله
راحت العنود يم جود وهي عينها على مكتب واحد محامي : الله لو نكبر ونصير محاميات
جود : مطولين
العنود : يلا معليه
جود : الله لو نكبر ونتوظف او تصدقين توظفي انتي وانا اصير عاطله وانتي تصرفين علي
العنود : وابتلش فيك أنا بعد خل بو عيالك يصرف عليك
جود : يابنتي من قالك بتزوج خليني كذا اهون
العنود : الحمدلله خلصت خلصتي
جود : ايه الحمدالله
العنود : يلا مشينا
واهم يعدلون نقاباتهم وعباياتهم ويدخلون فهيد وسلطان نفس البوفيه الي هم فيها عشان يأخذون فطور لا اهلهم
سلطان : ذولي وش جايبهم هنا
فهيد : طالع فالأرض ي المروح وراك تطالعهم
سلطان : ما طالعتهم شفتهم صدفه
فهيد : اي ولله صح مب عساس بيرحون مع بعض
سلطان: ياويلي لا يكون زابنين
فهيد: رح اسال عوعو حقتك
سلطان وهو يهبد فهيد : اقل استح وش الي عوعو !
العنود : جويد ابلش كيف بنطلع هالحين
جود وهي للحين تعدل نقابها : نطلع مثل ما دخلنا
العنود : لا ياخبله ولد عمي و ولد عمك هنا
جود وهي تربط نقابها و وطالعتها بصدمه : تمزحين!
العنود : والله
جود : ابلش لا يكون بو سيقان هنا
العنود : للأسف ومعه النعجه بعد
جود : يوه
العنود : سوي طبيعيه ولا تعرفينهم
جود : امشي
مشو العنود و جود واهم طالعين نادوهم سلطان وفهيد :
فهيد : انتي بنت عمي مطلق
جود : ايه
سلطان وهو كان بيمد فصفص ل العنود بس قرصه فهيد: وانتي عوعو اقصد العنود بنت عمي عبدالله
العنود : إيه أنا
سلطان : ايه ما شاء الله
جو بيطلعون بس قالو لهم : مب مداومين انتو
العنود : إلا داومنا بس تأخرنا وطلعونا
سلطان : وشعندكم متأخرين
العنود : كنا نفطر ولا حسنا فالوقت يلا تبي شيء
سلطان : لا لا سلامتك
فهيد وهو يضحك وأخذ منه فصفص : هاه ماظبطت معك هالمره
سلطان : لا والله وحتى انت ماظبطت معك
فهيد : معليه ههه
سلطان : جب الفطور وتعال
فهيد : مب ل اهلك جبه انت
جاء فهيد بيحاسب بس مسكه سلطان : مب ل اهلي أنا الللي بدفع
فهيد: والله مايدفع غيري
سلطان : والله يارجال ماتدفع
وقعدو يتهاوشون لين دفعه سلطان وطلعو