"القَصِـيم العُظمى"

16

دخلت حصه والكل كان يزقرط وجود والجوهره كانو مسكين نفسهم بس عيونهم فاضحتهم وجلست حصه ودموعها اربع اربع ودخل "عمر" وكان وراه اخوانه و اخوان حصه وابوه وأبوها تصورا مع بعض وجو خواتهم وجدتهم قمره الي كانت تبكي وتضحك وتزغرط
وزفوا عمر وحصه وطلعو لم السياره
عبدالرحمن : معرسنااا عاد لا أوصيك ف اختي وهالله هالله ف حصحوص تحطها ف عيونك
عمر : ماطلبت شيء
مطلق : بنيتي هالحين عندك عمر وانا معطيتك ياها إلا اني أخبرك شقردي وكحيلان
عمر باس راس مطلق : ازهلني ياعم
مشى عمر وكلهم طالعين يطالعونه لين اختفت سيارته
.
.
.
فالسياره الي كانت متوجهه لم الفندق
عمر : مبروكين ياحصه
حصه كانت متوتره وخايفه وكان صوتها رايح مره وبالحيل طالع : ي ي يبارك فيك
عمر مسك يدها : وشوله خايفه هذاتس انتي هالحين عند رجلتس امسحي دموعتس وأبد خلتس مرتاحه دامني زوجتس ومالتس إلا الي يسعدتس واسوي كل الي تآمرين فيه باذن الله
حصه للحينها خايفه وماردت بس هزت فرأسها
شغل عمر اغنيه وكان ماسك يد حصه ويغني مع الاغنيه :
والله وشبكنا الأيادي قدام كل الاعادي
رايق لنا الجو هادي
سلم وانا قلبي حياه
.
.
.
وفي العرس بعد ماكل الطلع وبقو جود والجوهره يرتبون فالصاله
جود : افففف يتعب تكفين جوجو حبيتيي كملي انتي
الجوهره : اقل اص بس ورانا خط ل نجد باتر خل نخلص
جود : يوه ي اجواء ديرررتنا وحشتني
دخل عبدالرحمن : من وحشتس
جود : جاء الغثيث
عبدالرحمن: صرت أنا الغثيث هالحين ها
جود : اعتذر اخوي حبيبي
عبدالرحمن: سامحتس ... مب جواعين تقولون من شوي ظبطتكم
الجوهره : ياخي انت دايم فعلااا تجي فالوقت الصح
عبدالرحمن: ايجعله بالعافيه .... وأصغر العناقيد متدلع مايبي ياكل يعني
جود : مالي نفس والله
عبدالرحمن: اقل اص تعالي كلي قالبه عظم ترا
جود : حمني تكفى مابي
دخلت العنود الي كانت مكلمتها جود عشان تجي تساعدهم
العنود طقت الباب
عبدالرحمن: ها من يجي هالحين
جود : اي صح شكلها صديقتي دخلها
عبدالرحمن: مب صديقتي قلطي بها انتي
دخلتها جود وبدوا يتساعدون و ينظفون ومبسوطين
.
.
في الفندق عند عمر وحصه
تعشوا وجلسو وبدوا يتكلون مع بعض ويتعرفون مع بعض وبدوا يتأقلمون على بعض مره عمر الي تحمس ف السواليف وبدا يقول الاسماء الي وده يسميها عياله او بناته
عمر : شرايتس ب "الوليد " بس الأكيد اول شيء ع ابوي
حصه : حلو بس لا لا ابوي ابوي اول
عمر : لا مايصلح ابوي بعدين ابوتس
حصه : ومن قالك ابغاهم كلهم عيال ؟
وبدأو يتهاوشون ونسوا انهم توهم معاريس
.
.
عند فهيد الي كان يفر فالحوش ويظبطه وينظف الحوسه كان معه مازن بس تعب وراح توجهه للمطبخ كان بيرمي الزباله الي معه ولقى جود الي كانت تغسل الفناجين وانبسط مره بس لف وتنحنح
جود اخذت ايشي قدامه وحطته عليها
دخل فهيد : حيها أخبارتس
جود : أبقاك بخير وانت
فهيد : والله بافضل حال..... إلا وش مصحيتس هالحين جدي لا يعصب عليتس
جود : لا يابن الحلال وشو يعصب مبتلشه أنا بهالتنظيف
فهيد ضحك : والله وصدق دحوم يكرهتس للشغل
جود : لا أشوف أنا ما اكره بس العائله الكريمه شغلهم مبالغ فيه جدا وانا وحده مكروفه جدا جدا
فهيد : وليه علامتس مكروفه جدا جدا ولا كان خواتس وبنات عمي يساعدونتس
جود : وشو يساعدوني يقعدون يكسرون خاطري ويخلوني اكمل لحالي
ضحك فهيد لين ناده سطام
فهيد : جااايي جججاي ..... يلا توصين على شيء
جود : سلامتك
فهيد : يسلمتس ربي
طلع فهيد ودخل يدينه ف جيبه وهو مبسوط ان ذا اول نقاش له مع جود وقال :
اجمل صدف مرت في حياتي
ويا اكبر حظ يوم اني لقيتك
ماشفت مثلك كامل الصفات
وياسعد قلبي لامني حكيتك
توجه فهيد ل سطام
فهيد : امرني ياحبيبي
سطام لف عليه مصدوم وكان بالحيل مفتح عيونه لانه جالس يسوي شبه النار : ياحبيبي ؟ شصاير
جلس فهيد ابتسم : ابد مب صاير شيء بس تسذا رايق
قال عبدالكريم : اوووه شبه نار وجو زين مب ناقصنا إلا اغاني فهيد او قصايده
فهيد : انطروني بس خل سلطان يجي
اقبل سلطان والكل رحب فيه
عبدالكريم : ايه شيقول فهيد
فهيد حط رجله فوق رجله الثانيه وانسدح ع سلطان :
يامناه تقصر عنها المناوي
يالخيار الدهم يالقبا الاصيله
نعنبوك انتي مكاسر عود جاوي
ملبسك سندس وشربك سلسبيلا
لو تمرين الشيوخ اهل الفتاوي
عودوا مثلي يجرون الطويله
من عشق شرواك ولا لا يهاوي
سجليني في علم حبك فداوي
أنا مجنونك بعد عقب مجنون ليله
الكل صفق له وقالو كلهم عاش بو محمددد عاش الكل يحسبه يخثردز إلا سلطان الي كان فأهمه
.
.
.
اليوم الثاني الكل صحى ع صلاه الفجر وعصب عليهم جدهم عقب مادرا انهم مواصلين عصب عليهم وصلو وتقسموا كلهم فسيارات
فالسياره الي كان يسوقها عبد الرحمن كان يستهبل ويمزح معهم ويضحك
عبدالرحمن : اعزائي المسافرين عبدالرحمن بن مطلق يرحب بكم والوجه باذن الله من بريده إلى نجد العذيه أرجو ربط احزمه الأمان
هبده جده : سقق زين وأركد
.
.
قيموا الجزء واتمنى يعجبكم ولا تنسون النجمه
حسابي انستا Waj_d28