"القَصِـيم العُظمى"

14

رجعو وافطرو ولا كانو حاسين فالوقت أبدا وصلو المزرعه ولقو بابها مفتوح
مناحي : ااايوا حسبي الله على العدو يوم اني سمعت لكم
سطام : لو اني منثبر ونايم اهون لي
فهيد : اقول اص انت وياه لو ماطلعتكم كان متوا جوع وطفش امشو عادي ولا كنا مسووين شيء
مناحي : يقولها وعادي عنده
فهيد لمح صيدليه : بس
سطام : شجاك
فهيد : مب قبل كم يوم حمني سوا نفسه تعبان بنروح نشري أدويه عساس انه تعب وطلعناه المشفى
مناحي باسه على راسه : ياخي قسم بالله يسلملي عقلك
فهيد : شفت لولاي لقمتو تعالو بس
راحو شرو الادويه وقالو ل عبدالرحمن يسوي نفسه تعبان عبدالرحمن تكى على كتف صقر وصقر كان ماسكه وسانده لين وصلو داخل المزرعه
جدهم : شرفوا ..........وينكم طاسين فيه انت وياه ها
فهيد : ياجدي حمني تعب علينا ولا كنا ب نتعبكم معنا
مطلق : وشوله ماتقولون على وش بنتعب ؟ ابك ولدي ذا كان قلتولي اخبره تعبان أنا خوفتوني الله يصلحكم
عبد الرحمن الي هالمره صدق تعب لان كان مواصل حول يومين وشيء اليوم الاول عشان خواته وهالمره مع عيال عمه ماتحمل الصداع وطاح
فهيد الي كان يحسبه يكذب بس صدقه يوم شافو ولا حركه له
سطام ل فهيد بهمس : ابك ذا صادز ولا وش
فهيد : شيلوه شيلوه معي يعيال
مطلق : مب عساس مابه شيء امشو امشو
جدهم : الله يستر الله يستر
راحو المستشفى وطلع عبدالرحمن بخير
مطلق : بالله يادكتور انفداك بشوف دحوم
الدكتور حمزا : تمام بس دقيقه شسمه
مطلق : عبدالرحمن بن مطلق بن محمد
حمزا : طيب تعال معي
دخل مطلق على عبدالرحمن: خوفتني ياحمني علامك يابوي لا اكل تاكل ولا نوم تنام بك شيء
عبدالرحمن: منسده نفسي يبوي
مطلق : وشوله
عبدالرحمن: معليه يبوي عادي نفس كل مره بصحى ان شاء الله وبرجع نفس اول
.
.
.
.
طلعو من المستشفى وكان الكل خايف على عبدالرحمن وعيال عمه للحين منلخمين
سطام : تعال ياورع هالحين انت تمثل ولا وش
عبدالرحمن: اي شرايك انفع ممثل صح ؟
سطام : لا احلف وانا صدقت
عبدالرحمن: وانا صاحي افاول على نفسي ؟ امش بس امش
.
.
.
فالمزرعة عقب ما الكل رجع بيته وعدت الايام والأسبوع الاول والأسبوع الثاني وصار وقت زواج حصه قبل العرس فيومين
كان الكل يدخل ويطلع من بيت مطلق الي ابد مافضى من ضيوف
جود: جوجو قلبيييي
الجوهره الي كانت تزين الدلال ل ابوها : اخلصي شتبين
جود : شرايتس نقول ل ابوي بنطلع نكمل تجهيزات عرس حصوص
الجوهره : مدري بشوفه
جود : عاشت اوخيتي
وقالت الجوهره ل ابوها الي وافق وراحو مع عبدالرحمن كانت السواقه الي عندهم كانت جميله وعاديه جدا بس جود والجوهره ك انه اول اخت لهم بيفرحون لها ف نزلو للمدينه
الرياض تحديدا فالمول
عبدالرحمن : هالقماش ذا ولا ذا
جود : يحبك للفلسفه كلهم نفس الشيء وبالآخير ثوب ترا
عبدالرحمن : تصدقين وش أنا وش الي حدني اسألك انتي
شراء عبدالرحمن ثوب جاهز بعد ما أقنعوه خواته مراح يمدي والعرس بعد يومين
جود : هالحين دوري ..... الجوهره شرايتس بذا ؟
الجوهره : حلو بس احس مب مناسب لعمرتس
عبدالرحمن الي كان ياكل : وهي صادزه
جود : انت شتبي سوالف بنات عيب عليك خلك ب أكلك
عبدالرحمن: اعطيتس راي ب فستان هالحين صار عيب
جود : اسكت .... الله ذا خلاص رهيببببب
عبدالرحمن : عاد ذا والله لا لبستيه صدز لاتسكتين البنات كلهم وتدوخين العرب
جود : ياخي ياحبي لك
عبدالرحمن : ياخي مريضه صدز كلشوي فكلام
الجوهره : افا دحوم وانا وين طرت
عبدالرحمن: عاد انتي الجمال كله مب مانيب قايل
جود : قسم بالله انه هالمريض انت تمدح وتتراجع عن كلامك انتزلع
عبدالرحمن: امزح معتس عاد وانا إلا اختي الصوغيره
جهزو الأغراض والفساتين والخيام وبيت مطلق الي رزته النشره وكان البيت المضوي فالحاره
.
.
.
فالمخيم بعد ماخلصوا العيال
فيصل : اخ يعيال والله تكسرت
فهيد : ابك انهد حيلي
سطام : حمني انت للحينك ماشاء الله اقعد ياولد اقعد
عبدالرحمن: زواج اختي وتبيني اتعب ؟ يا ابن الحلال خواتي تعبي لهم راحه ..... يلا قومو هانت بس بقى المبات قومو
فهيد الي حرك فيده انه مايقدر وتعبان وسطام نفسه
يزن : شكل مابه إلا أنا بقوم أعاونك
شاله يزن وحط عبدالرحمن فوق أكتافه وكان يغني ومبسوط
دخل عليهم جدهم : اي بالله يعطيكم العافيه
بو سعيد : على وش كلهم متبطحين تقل حريم وجع انت وياه قوموا
.
.
.
.
واخيراااا اليوم المنتظر زواج حصه