"القَصِـيم العُظمى"

Part 10

عند جود الي كانت تقهوا مع جدتها وبنات عمها قامت جود بتروح الغرفه ودخلت العنود ونست تسلم : جود .....لا اقصد السلام عليكم وينهي جود
قمره جده جود : عانها يا أمي توها راحت الغرفه الي وراتس
العنود : يعطيتس العافيه
راحت العنود عند جود الي كانت تشرب ماي وغصت من دخلت العنود عليها
جود : اي بالله انه توه يكتمل عيدي
العنود حضنتها: ابككك حتى أنا اشتقت لتس
جود : ايه غريبه جايتنا مب عساس مب عاجبتس المزرعه
العنود : ومن قاله
جود : كالعاده تجحدين فكلامتس
العنود : ماعلي تخيلي طبو علينا ضيوف وحنا نايمين فالمجلس
جود ضحكت وهي تمد فنجال قهوه للعنود : ابك وراه حظتس كل عيد تسذا
العنود : باقي ماكملت لتس لميت عفشي وانا اطير ع الغرفه ومن شين حظي السلطعون موجود
جود ضحكت : السلطعون؟
العنود : ابد وانا انسدحت فوق الفرش ولا شفته
جود : يويلي ههههههههههههههه
العنود : لا بعد من شين حظي لقيته عندكم فالمزرعه
جود : غريبه .....او تلاقينه جاء لفهيد
تذكرت جود وش صار معها بعد ماقالت فهيد ونفست
العنود : علامه قلب وجهتس
جود : ابد ولا شيء بس ابد حظي من حظتس بو سيقان بعد اليوم طب فالمطبخ وانا اكلم دحوم .............الا اتركينا منهم وتعالي أوريتس الفرس الجديد يهبللل يهببلل
العنود : الله صدز وش سميتيه واذا ماسميتيه بسميه أنا تكفين
جود وهي قايمه ترفع العنود معها : راحت عليتس يالخفوق سميته
العنود : وشو ؟ واذا ماعجبني بتغيرينه
جود : هههههههههههه لا ابشرتس حليو (اصيل )
العنود : الله صدز يهبللل
راحو جود والعنود لم الفرس
جود : عاننيه سمح المحايا
العنود : وقلبيييي
جود : وشجاتس انتي ههههه
العنود : مدري ياخي حلووو حلو ماشاء الله
عند البنات
.
.
.
،
قمره : وليه ي حصه ماتبغين رجال زي الذهبه حنا مانبغى نغصبتس بس كبرتي ي امي
حصه : والله معرف يايمه احس ماودي كيف بعد ماتعودت ل حياتي بينكم وبين اهلي وخواتي و اخواني اصير مع واحد بيناشبني بكل أوقاتي
الجوهره : استخيري وايد لتس الوقت الي تبغينه وثاني شيء لا تنسين ان الرجال من جماعتنا ولا هو ب غريب واحد من عيال عمومتس
حصه : عارفه بس ياخي يوم يتكلمون عنه بعد يقولون عصبي وشديد ما ابغى ما ابغى
قمره : شديد مع الرجال والجماعه اما عند اهله وش زينه وش حلاته اجودي وشقردي مع الرجال لازم يكون كذا ي قلب جدتس فكري و وعادي كيفتس ومتى ماحسيتي انتس خلاص استخرتي تعالي لمي وقولي لي
دخلو العنود وجود والابتسامه شاقه وجيهم
جود : وراكم حزنانين
الجوهره بضحك : اختس بتعرس
حصه هبدتها بمزح : اص اص انتي
جود : الله بس من قدييي بيجي يوم واصير خاله
حصه : لا تطيرين فالعجه ماوافقت ترا
جود : افا وشوله
الجوهره : معليتس هي موافقه بس تستحي عرفتي
جود ضحكت هي والعنود
.
.
فقسم الرجال
بو عمر: وشقلت يابو فارس
مطلق : والله الي أشوفه ان عمر رجال بسم الله ع قلبه بس الرأي للبنت ولا نقدر نغصبها ب شيء
بو عمر : ابد اسألوها والله يسهل