"القَصِـيم العُظمى"

18

في المطبخ فهيد كان يسمع حلطمه جود بس عيونه ف الارض دخل وتنحنح
جود فداخلها : مب ناقصني إلا ذا بعد
فهيد : أخبارتس
جود : بخير ............كملت فداخلها (ابك ماشاءالله حتى وهو تعبان له خلق يروح ويجي )
فهيد : ايجعله دوم إلا علامتس تحلطمين وحلاتس حاله
جود :لا ولاشيء ............. إلا صح صح مب تعبان انت لازم تقعد وترتاح
فهيد : ابد مرتاح ومبسوط يالله لك الحمد .... كمل فداخله : دامتس معي ياجويد ببقى مبسوط الدهر كله
جود : اجل يلا ماتشوف شر والحمدالله على سلامتك يبعدي
فهيد الي طار من فرحته ونسى يرد طلع متوجه للعيال وكان يغني :
قالت سلامات يالغالي
وانا من الحب يرثا لي
والجرح الهواء باقي لحالي
وين السلامه ياجويد
ياجويد الشوق كاويني
مريض من يداويني )
ودخل على العيال
فهيد : يالله تحيهم
مسك الفناجيل جاء بيقهويهم اخذها منه نهار
نهار : ابك انت اقعد ياولد علامك مغير طالع داخل تقل منغوز اجلس ارتاح لين تتشافى
فهيد : ياولد مابي ابك طفشت
سليمان : عاد فهيد حركي بسم الله عليه
.
.
.
عند البنات بعد مادخلت جود وحطت الفناجيل وتقهوت معهم واستئذنت
جود : يلا توصون
الجوهره : انتبهي على عمرتس وسلميلي ع العنود
جود : ابشري
طلعت جود وهي متوجه للعنود
عبدالرحمن : هيييييي ....هييييي....تعاليييي تعالي
جود : شبغيت
عبدالرحمن : وين على الله
جود : للعنود
عبدالرحمن : ايهه امشي شوي شوي وأنتبهي لعمرتس
جود :طيب
كان يطالعهم فهيد الي كان يتمنى يكون بدال عبدالرحمن فالحلال ويسال جود وين داخله وين طالعه
.
.
.
عند عمر وحصه
عمر : وين ودتس نسافر
حصه : عادي الي ودك
عمر : إسألك أنا وين وش الي فخاطرك
حصه : عادي عندي والله الي ودك فيه
عمر : اجل خل نبتدي فعمره وبعدها نشوف
حصه : تمام
.
.
.
عند العنود وجود الي كانو يفرون
العنود : زين الي جيتوا طقني الطفش هنا
جود : تعرفين احتسنا بزواج حصوص. بعده مشينا
العنود : حنا مشينا بعد العرس ريحنا شوي ومشينا
جود : تعالي خل نروح ل اصيل
العنود : قدددام
.
.
وصلو جود والعنود
جود : ابك وينه فيه متاكده انه هنا
العنود : يمكن في الجهه الثانيه
.
.
لاتنسون تقيمون البارت حسابي انستا Waj_d28
ولاتنسون النجمه ❤️❤️❤️
واذا شفنا فيه تفاعل على البارت بنكمل لكم وينزل لكم بارت خطيررر🔥⏳⏳⏳