"القَصِـيم العُظمى"

part3

بعد مامرت سنتين على وفاه " فارس"
فهيد صار جامعي وسلطان ثاني سنه ثانوي اما العنود وجود خريجات السنه باختصار آخر سنه متوسط الي كانت زي العسل على قلوبهم
فشهر ٩ آخر ايام رمضان فبيت "عبدالله"الكل مجتمع على الفطور
سلمان: اذن اذن افطرو
محمد جدهم: سمو بالله
عبدالعزيز وهو يطق سلمان على رقبته فضحك: ابك الي يشوفك يقول ما انت بماكل من سنين كل زي العرب
سلطان وهو يضحك : عاد سلمان فوقت الكل مايشوف احد
سلمان : ابك وانتو وش حارق رزكم
جدهم: كل وانت سكات انت وياه
اما فبيت مطلق الي كان حوسه حوسه الكل برضو مجتمع فيه
عبدالإله: افطرو اذن
مطلق : يلا يلا اذن وحنا سفرتنا توها منحطت
ساره اخت مطلق : ابك علامك هذا هي جهزت بس الأكواب والتمر والقهوة شوي ونجيبها
مطلق : أعجلو اعجلو
سلطانه: هذي هي جهزت ياعمي
مطلق : يعطيتس العافيه يلا امشو افطرو مع البنات شوي ويدخلون الرياجيل
فقسم البنات الي كان كله ضحك والي تغص وهي تاكل والثانيه لاهيه ف أكلها والي تسولف والي تقهوي
وانتهى آخر يوم رمضان فسلام
ونرجع لبيت "عبدالله " الي بدو يجهزون للعيد
الجد محمد : يلا يلا شيلو الفطور والعيال ع المخيم جهزوه
الكل رد ف ابشر وكل منهم راح لشغلته
اما فبيت "مطلق " كانو محتاسينننن مره
قمره جدتهم : يلا يلا يابنات شيلو السفره خل نبدا ف تجهيزات العيد
ساره : أنا وجود و سدن علينا السفره ذي والبقيه السفره الثانيه
الجوهره : حلو اجل بس نخلص من السفر أنا وحصه ودانه والكادي وشيخه علينا المطبخ وجود وسديم وفريده قسم الرجال ورُوح ومنيره مجلس الحريم ومها وفهده ولطيفه عليكم السيب امسحوه واكنسو المجلس تمام ؟
ردو كلهم : تمم
اما عند مطلق وعبدالرحمن
مطلق : حمني يابوك جب ثلاث ذبايح واصلخوها انت والعيال ورتبو المزرعه والاستراحه بنفطر فيها
عبدالرحمن : على هالخشم
مطلق : عليه الشحم يلا يلا ابدو
عبدالرحمن وهو يركض عند عيال عمه : يعيال يعيال
كلهم ردو : هلا
عبدالرحمن : فهيد نروح نجيب الذبايح ونصلخها أنا وانت و عزام وخلود بالله انت والعيال قسمو الأشغال بينكم عمامي يبون كل شيء خالص قبل الصلاه
خالد: ابشربي ماطلبت شيء
عبدالرحمن: يلا كفو
خالد: يلا يزن و عبدالإله و مازن تعالو نكنس الحوش ونغسله عبدالله وسعد وراشد امسحو الكراسي وانفضوها نفض لان إذا جاء بو سعيد مب مخلينا لحالنا إذا شاف شيء وصخ ناصر والبقيه المجالس الي داخل أما فيصل وضيدان الاستراحه ي أبطال اما أحبابي البقيه طلعو قدوع من الشجر ونظفوه تم يعيال
كلهم : ابشربنا
اما بيت " عبدالله" الي الكل يرتب ومنبسط
العنود: زينت المجلس ازهب القهوه هالحين؟
دانه : لا لا توه بدري
وجود: يبنات وحده تجي تساعدني تعبت
العنود: أنا ماعندي شيء جايتك
جدتهم : أنا وعماتكم بنروح نجيب الحلاو والحلا خلصو بسرعه
كلهم ردو : ابشري يمه
غلا وهي تحط صابون فالحوش
دانه : الله خل نلعب
سالي : يوه لا لا مايمدي يبنات
غلا : يلا بالله
غلا بعدين بدات تصب ماي عليهم وبدأو يلعبون ومر الوقت لين طق الباب
العنود: حسبي الله يمكنهم جو
غلا : توه بدري من بيجي هالحين
دانه : يالله العنود روحي شوفي
العنود: زين
العنود وهي رايحه عالباب: طيب طيب ..............مين؟
سلطان وهو يحاول يطلع الفصفص الي غص منه : أنا ..... ابك ذي وراه ماتطلع .....أنا سلطان ولد خالد
العنود : هلا سلطان والله البيت مابه احد
سلطان : داري داري ...... ابك اطلعي
العنود وهي مصدومه: وشوووو!
سلطان وهو يكح: ابك مب عليتس فصفص فصفص
العنود: طيب وش بغيت
سلطان وهو يهبد ظهره : بيالات وعزبه العيد وهذولي يعني