"القَصِـيم العُظمى"

6

خلصو وضيح وفهيد ويزيد عقب ماظبط الشاص و وصلو الديره
ووصلو اهل فهيد من الريآض فهيد نزل وهو مبتسم يخم اخوانه وخواته وابوه وأمه
فهيد : يااامرحبااا ياهلا عين ترحب وعين تهلي يالله تحيهم وتبقيهم نورت نورت
بو فهيد "محمد" : ياهلااا بروح ابوه وعين ابوه ونضرها
فهيد : هلا بأميمتي هلا بالدنيا هلا بعيوني
ام فهيد "جوزاء": هلا يأمي هلا اخبارك ياحبيبي
فهيد : بخير بخير
فهيد تكتف وجلس يضحك : اي وخواتي كانهم مايسلمون على اخوهم ولا ودهم يشوفونه ويعرفون أحواله
تقدمت اخته "لمار" وبشاير": هلا بعضيدنا والله تعبانين
فهيد هبدهم بخفه : يخسي التعب اقلطو اقلطو
حضن اخوانه ودخل
تقدم جده ومعه بشوت احفاده وبيداء يوزع على واحد واحد
فهيد : لاتكفى ماداني البشت ياجد
جده: اقل البسه البسه اخلص
وضيح: معليك ياجد سلمني الأمر
والكل بدأ يحاول بفهيد لين لبسه
خالد: عريس عريس تبارك الله
فهيد ابتسم ومسك شنبه ودقنه : الله كريم الله كريم
خالد : من ناوي ولد العم
فهيد طقه : ابد الي مكتوبه لي ومكتوب لها بروح اسبح بس
كلهم اضحكو عليهم
خالد: والله داري هالفهيد طايح له طيحه
الكل ضحك وراحو بيسبحون ويجهزون
سلطان وهو يدق الباب على مازن : ابككك ابيييييي الشامبو ياورع
مازن : خلصت خلصت
سلطان :بيأذن اخلصصصص
مازن : جب فنجال احط لك اخلص
سلطان : اغضب
وفقسم الحريم
جدتهم : ياحصه اخوك حمني يبي ثوبه
حصه : ابشري ........جويد بالله ودي ثوب دحوم
جود: طيببببب طيب
جود وهي رايحه ل عبد الرحمن طقته ع راسه
عبدالرحمن : وراتس انتي
جود : تصدق كم ثوب كويت لك ؟ حامت تسبدي منك ثاني شيء حشى كم ثوب مفصل انت ؟
عبدالرحمن : والله الظاهر ٤ يعني شيء للعيد والزواجات الي تجي
جود هفت الثوب فوجهه: أشوفك توصخه والله ياويلك
عبدالرحمن : ولا كاني اكبر منك وين احترام الكبير
جود : ومب للصغير تقدير وينه ذي بعد ماتطبقونه ولا مقاريد حنا ي الصغار
عبدالرحمن قرب وباس راسها وقرصها : حقتس علي وانا اخوتس بس بقى شماغي وصرفي البشت ما ابغاه ما ابغاه
جود تأفأفت: اخ ياربي بتهبل فيني انت عانه شماغك أنا بروح اجهز عندك خوات غيري
راحت جود وعبدالرحمن ضحك عليها
وابتدائت صلاه العيد والكل توجه للمسجد وكل منهم توجه لقسم
ف مسجد الحريم
جدتهم قمره: يلا يبنات صلو وبعدها وزعو العيديات ع الأطفال