"القَصِـيم العُظمى"

Part8

صحو من غيبوبه العيد والي متكسر والي نايم فثوبه
وعند البنات كلهم متكسرين نصهم نايمين بمكياجهم ونصهم بفستاينهم وكلهم متكسرين
وفالاستراحه برضو نفس الوضع بس بتبقى النومه ذي افضل نومه
فالاستراحه
صحو البنات وظبطو المجلس ولبسو لبسهم وزينو القهوه وجلسو يسولفون عن اول يوم عيد
عبدالعزيز: احححح احممم ياولدد
العنود: علامك ياعزوز
عبدالعزيز: بيجون رياجيل شلنا الفرش بس زينو القهوه وتعالو نظفو المكان حنا بنروح نجيب فطور لنا ولكم
العنود: طيب
وقامو كلهم وزينو المجلس
فالمزرعه كان الكل نايم لين حست جود ساق مرام صفقت راسها
جود : شذي النومه ياخي
حصه : صاحيه جويد
جود: بسم الله اي اي
حصه : اجل قومي معي طقني الطفش
جود : يوه والله متكسره مالي خلق
حصه : يلا تكفين
جود : طيب
قامو وراحو ام المجلس الي برا ورتبوه على مايصحون الباقين وزينو اشكالهم ولبسو
حصه: بالله جويدي جيبي القهوه
جود : طيب
راحت جود لم المطبخ ولقت عبدالرحمن عبدالرحمن غص فالماي الي معه وشهق: ابك فجعتيني وراتس داخلتن تسذا
جود: انت الي مدري شبلاك جايه باخذ القهوه
عبدالرحمن : ليه من صاحي
جود : أنا وحصحوص
عبدالرحمن : حصه اختي اختي ولا بنت عمي
جود : لا اختك اختك
عبدالرحمن : اجل بجيكم
كان فهيد ماشي يم المطبخ يشوف عبدالرحمن ولا يدري ان جود فيه
دخل وهو على جواله وانتبه على جود يوم انه سمع عبدالرحمن قال (ابك زينيها زين ياجويد)
رفع راسه ورجع نزله وتنحنح طلعت جود ركضضض
عبدالرحمن لف على فهيد معصب : ابك وراك ماقلت انك فيذا مانتبهت ل اختي
فهيد : شيدريني وتراي ماشفتها
اخذ عبدالرحمن القهوه يوديها لخواته وفهيد للحين واقف فالمطبخ وهو للحينه يذكر شكل جود وقال :
طلعتيلي صدفه ياجويد
تمنيت لو اني اقعد معك لو دقيقه
هذآني أنا صابرٍ عشانتس
واحتري وانتظر
ابهرني جمالتس وأبهرتني رموشتس
حصنتس ربي واستودعتس إياه
طلع هو للحين يذكر شكلها وكيف ركضت اول ماشافته
رجع جلس ياكل كبده مع العيال وعبدالرحمن يطالعه بطرف عين
وطبو عليهم عمامهم : انقزووووو القهوه جاينا شيخ ال مطر
كلهم طارو ركض والبنات صحو مفجوعين
فالاستراحة بعد ماجهزو أغراض العيال رجعو العنود وغلا وتهاني ينامون فالمجلس وصحو على صوت ضيوف
ام اثير: وراهم البنات نايمين فيذا
عمتهم اماني : تعبانين مانامو إلا متأخر
العنود فتحت عيونها : يويلي شيطلعني أنا هالحين
أسمعتها غلا : خل ننتظرهم يروحون يفطرون ونفقع